Read nande 2 Abanya Tesalonĩka 3 Bible Online

2 Abanya Tesalonĩka 3 - nande bible

2 Abanya Tesalonĩka 3

¹Neryo eribuga omwatsi, balĩkyetu, tuti, mutusabire, ekĩnywa kya Nyamuhanga kitsungane lũba nʼerikengwa, ngoko mukakengakyo nenyũ.

²Kandi mutusabire Nyamuhanga atũlamaye oko bandu batsibu nʼababi. Kusangwa si bandu bosĩ abakĩkĩrĩraya.

³Nĩkwa Omukama sialiregula, kandi asyabasĩkya nʼerĩbateya oko Mubi Oyo.

⁴Kandi Omukama akaleka itwayiketera nywe, tuti munemukola, kandi mwasyakola ebyo tukabategeka.

⁵Neryo Omukama asondole emitima yenyũ omo lwanzo lwa Nyamuhanga nʼomwʼĩyĩyĩnĩa eryo Kristo akaha.

⁶Neryo balĩkyetu, tukabahana omo lĩna lyʼomukama wetu Yesu Kristo tuti, musage abalĩkyetu bosĩ abakagala-ganda isibalikwama erihana twahabo.

⁷Nenyũ mũnasĩ ngoko litolere imwakola ngoko netu twakola; kusangwa motutagalaganda omugulu twabya omo katĩkatĩ kenyũ.

⁸Motutalira omwʼomundu mo busa butaliha, nĩkwa motwakola nʼerinuba omo kiro nʼomwʼitungi, tuti sĩtũlũhaye mundu ũkwʼĩnywe.

⁹Motutakola tutya itukabula ehamũlĩ yʼerikola tutya, nĩkwa motwakola tutya eribaha ekĩmĩnyĩsyo ekyo mwangakwama.

¹⁰Kusangwa omugulu twabya haguma nenyũ, motwabahana tuti, Oyũtanzĩre erikola omũbĩrĩ, siahabawe akalyo.

¹¹Kusangwa tũkowa ngoko hali abandi abakagala-ganda omo katĩkatĩ kenyũ, sibekola omũbĩrĩ, nĩkwa bakayigusa omo mĩbĩrĩ yʼabandi.

¹²Neryo omo lĩna lyʼomukama Yesu Kristo, tukahana nʼerisaba bandu ngʼabo, tuti, Litolere ibakola omũbĩrĩ gʼobuholo nʼeriyikumbirira.

¹³Nenyũ, balĩkyetu, simuluhe erikola ndeke.

¹⁴Hamabya omundu omo katĩkatĩ kenyũ oyukagana erikenga ekĩnywa kyetu omo barua eyĩ. Muminye omundu oyo, kandi simutambe naye nʼahake, abane erihemuka.

¹⁵Nĩkwa simumuganze ngʼenzĩgũ, nĩkwa mumuhane ngʼomũlĩkyenyũ.

¹⁶Neryo iye Omukama wʼobuholo, abahe Obuholo emigulu yosĩ omo myatsi yosĩ. Omukama abye nʼĩnywe bosĩ!

¹⁷Ĩngye Paũlo ngasaka erĩkerya erĩ omo byala byage. Ko ngasaka nyitya omo syobarua syage syosĩ.

¹⁸Olukogo lwʼOmukama wetu Yesu Kristo lubye nʼĩnywe bosĩ.