Read nande 1 Yoane 1 Bible Online

1 Yoane 1 - nande bible

1 Yoane 1

¹Tukabasakira omwatsi wʼEkĩnywa kyʼengebe, ekitula erĩtsũka erĩmbere. Twabĩrĩowakyo, kandi twabirilangirakyo omo meso wetu. Inga, twabirilola kukyo, kandi ebyala byetu byabĩrĩtũla kukyo.

²Nʼengebe eyo moyaminyikala, netu twabirilola kuyo nʼeribya balangĩrĩ bayo, kandi tũkabatũlĩra engebe yʼerikota, eyabya haguma na Tata nʼerĩmĩnyĩkalĩbwa ũkwʼĩtwe.

³Tũkabatũlĩra nibya ekyo twalangira nʼekyo towa, neryo mutoke eribya buguma netu; kandi Obuguma bwetu buli haguma na Tata, nʼomugala wuwe Yesu Kristo.

⁴Tukasaka emyatsi eyĩ, obutseme bwetu bũhĩkane.

⁵Omwatsi ogo twabĩrĩowa uku Mugala wuwe nʼerĩbatũlĩrago goyũ: tuti, Nyamuhanga ni kyakakala, kandi sihali omwĩrĩmya nʼahake omwisi wuwe.

⁶Twamabũga tuti tukasakana naye, itunemulendera omo mwĩrĩmya, tukabiha, isitulikwama ekwenene omo migendere yetu.

⁷Nĩkwa emibere yetu yamabya yʼekyakakala ngoko Kristo ali omo kyakakala, tukabya haguma omo buguma, nʼomusasi wa Yesu Omugala wa Nyamuhanga akatweraya kwʼebibi byosĩ.

⁸Twamabũga tuti situwite kibi, tukayiteba, nʼomwatsi wʼekwenene siali netu.

⁹Nĩkwa twamakangya kwenene, ebibi byetu, Nyamuhanga sialiregula, kandi akakola ekitunganene. Asyatubuyira ebibi byetu nʼerĩtwerya kwʼekitatunganene kyetu kyosĩ.

¹⁰Twamabũga tuti sitwetakola kibi, itukayira Nyamuhanga mo mũbehĩ, nʼekĩnywa kiwe isikiri ũmwʼĩtwe.