Read ngakarimojong Akisy. 36 Bible Online

Akisy. 36 - ngakarimojong bible

Akisy. 36

¹Erae lu ŋipapae ke Esau (iŋes Edom).

²Abu Esau yau ŋaberu keŋ nu aneni a Ŋikanaani: Ada nakoku a Elon a ŋolo arae Eitait, Olibama nakoku ka Ana alokoku a Sibeon a ŋolo arae Eipiit

³ka Basemas nakoku a Isimael, nakaato keŋ a Nebaiyos.

⁴Touru Ada ikoku ke Esau ŋini anyaritae Elipas; touru Basemas ikoku ke Esau ŋini anyaritae Reuel

⁵ka touru Olibama ŋidwe ke Esau lu: Yeus, Yalam ka Kora. Arae ŋul ŋidwe ke Esau ŋulusapa ŋulu abu iŋes touru anakwap a ŋina a Kanaan.

⁶Towotokinia Esau ŋaberu keŋ, ŋidwe keŋ ŋulusapa ka ŋulupesur ka ŋituŋa a ekal keŋ daadaŋ; ŋaatuk keŋ ka ŋibaren keŋ daadaŋ ka ŋiboro daadaŋ ŋulu kebu iŋes toryamu anakwap a ŋina a Kanaan. Towot iŋes nakwap ŋina alwana aneni ayai Yakob lokaato keŋ.

⁷Awotokini iŋes, anerae apotu ŋibaren kec topitut, nyitepedosi ikes akiboi kaapei; aŋuna ka alalau a ŋibaren kec pa etemokino ikes akwap ŋina eboiyoto ŋin.

⁸Aŋun, abu Esau [24] tolomiya nakwap ŋina a ŋikamukumukui ŋina enyaritae Seir.

⁹Ŋipapae ke Esau, a papaa a ŋituŋa a ŋulu eya Seir nakwap ŋina a ŋikamukumukui lu.

¹⁰Ŋirorwa a ŋidwe ke Esau a ŋulusapa ikes lu: Elipas lokoku ka Ada ka aberu ke Esau, Reuel lokoku a Basemas ka aberu ke Esau.

¹¹Ŋidwe ke Elipas ikes lu: Teman, Omar, Sepo, Gatam ka Kenas.

¹²(Arae Timina apese ke Elipas alokoku ke Esau ŋina pa eisitae; abu iŋes touru ikoku ke Elipas ŋini anyaritae Amalek.) Arae ŋul ŋitatae ka Ada ka aberu ke Esau.

¹³Ŋidwe a Reuel ŋulusapa lu: Naas, Sera, Sama ka Misa. Arae ikes ŋitatae a Basemas ka aberu ke Esau.

¹⁴Ŋidwe a Olibama ka aberu ke Esau anakoku ka Ana a ŋolo arae lokoku a Sibeon ikes lu: Yeus, Yalam ka Kora.

¹⁵Arae lu ŋirwosi a ŋatekerin a ŋituŋa ke Esau: Ŋirwosi a ŋidwe ke Elipas alokoku ke Esau a ŋolo kiyae ikes lu: Teman, Omar, Sepo, Kenas,

¹⁶Kora, Gatam ka Amalek. Arae ŋul ŋirwosi a ŋatekerin a ŋipapae ke Elipas alo Edom. Arae ŋul ŋitatae ka Ada.

¹⁷Ŋidwe a Reuel ŋulusapa lu: Naas, Sera, Sama ka Misa. Ŋul ikes ŋirwosi ŋulu arae ŋipapae a Reuel alo Edom. Arae ikes ŋitatae a Basemas ka aberu ke Esau.

¹⁸Ŋidwe a Olibama ka aberu ke Esau ŋulusapa lu: Yeus, Yalam ka Kora. Arae ikes ŋirwosi a ŋatekerin kec; ŋirwosi ŋul ikes abu Olibama aberu ke Esau ŋina arae nakoku ka Ada touru.

¹⁹Arae ŋul ŋidwe ke Esau ŋulusapa ka arae ŋul ŋirwosi kec.

²⁰Arae lu ŋidwe a Seir ke Eorait ŋulusapa, ŋituŋa ŋulu aya Edom: Lotan, Sobal, Sibeon, Ana,

²¹Dison, Eser ka Disan. Ŋul daadaŋ arae ŋirwosi a Ori, ido arae ŋidwe a Seir anakwap a ŋina ke Edom.

²²Ŋidwe a Lotan ŋulusapa ikes lu: Ori ka Eman; arae Timina nakaato a Lotan.

²³Ŋidwe a Sobal ŋulusapa ikes lu: Alipan, Manaas, Ebal, Sepo ka Onam.

²⁴Ŋidwe a Sibeon ŋulusapa ikes lu: Ayia ka Ana; Ana ŋol iŋes ŋolo abu toryamu ŋicowae analoŋisat apaki ŋina eyokiyo iŋes ŋisigirya a Sibeon a papa keŋ.

²⁵Ŋidwe ka Ana ikes lu: Dison ka ŋinapese Olibama.

²⁶Ŋidwe a Dison ŋulusapa ikes lu: Emidan, Esiban ka Isiran ta Keran.

²⁷Ŋidwe ke Eser ŋulusapa ikes lu: Bilan, Saapan ka Akan.

²⁸Ŋidwe a Disan ŋulusapa ikes lu: Us ka Aran.

²⁹Arae lu ŋirwosi a ŋituŋa ka akwap a ŋina anyaritae Ori: Lotan, Sobal, Sibeon, Ana,

³⁰Dison, Eser ka Disan; ŋirwosi a ŋinateker a ŋituŋa a Ori anakwap a Seir ikes ŋul.

³¹Ŋirwosi lu ikes apotu kipukata akwap ŋina ke Edom eriŋa erwosit edio nyipuka Ŋisirael:

³²Bela lokoku a Beor, anyaritae ekiro ke etaun keŋ Dinaba.

³³Ani etwani Bela, toruwor Yobab lokoku a Sera a ŋolo alo Bosira erwosit ke Edom.

³⁴Ani etwani Yobab, toruwor Usam ŋolo abunit anakwap a ŋina a Ŋitemani erwosit.

³⁵Ani etwani Usam, toruwor Adad lokoku a Bedad a ŋolo abu kilou ŋituŋa ŋulu a Midian anakwap a ŋina a Moab erwosit. Anyaritae ekiro ke etaun keŋ Apis.

³⁶Ani etwani Adad, toruwor Samila ŋolo alo Masireka erwosit.

³⁷Ani etwani Samila, toruwor Saul ŋolo alo Reobos erwosit. Ayai Reobos diyete aŋolol ŋina enyaritae Eupurate.

³⁸Ani etwani Saul, toruwor Balanan lokoku ka Akobor erwosit.

³⁹Ani etwani Baal-anan lokoku ka Akobor, toruwor Adar erwosit. Anyaritae ekiro ke etaun keŋ Pau; anyaritae aberu keŋ Meetabel, ido arae iŋes nakoku a Matred ka arae Matred nakoku a Mesaab.

⁴⁰Erae lu ŋirorwa a ŋirwosi a ŋidwe ke Esau a ŋatekerin kec ka a ŋitela kec: Ŋitiminae, Ŋialipae, Ŋiyeses,

⁴¹Ŋiolibamae, Ŋielae, Ŋipinoni,

⁴²Ŋikenasi, Ŋitemani, Ŋimibisari,

⁴³Ŋimagidoeli ka Ŋiirami. Arae ŋun ŋatekerin ke Edom (iŋes Esau papaa ŋolo a esyakinan a ŋituŋa ke Edom). Anyaritae ŋirorwa kec a ŋakiboisyo a akwap a ŋin eboiyoto ikes.