Read ngakarimojong Akisy. 5 Bible Online

Akisy. 5 - ngakarimojong bible

Akisy. 5

¹Erae lu ŋirorwa a ŋipapae ka Adam. Apaki ŋina asubunia Akuj ituŋanan, abu tosub ikwaan ka iŋes.

²Abu Akuj tosub ikes, ekile ka aberu, ido kiterereŋ ikes, tolimok ekiro kec, “Ŋituŋa” apaki ŋina asubunere ikes.

³Kiboi Adam todolo ŋikaru amiat ka ŋatomoniuni. Touru isapat ŋini ekwaan ka iŋes per, ŋini ayakar ŋasima keŋ; tolimok ekiro keŋ Set.

⁴Kedau Adam auruun Set, kiboi ŋikaru ŋamiae ŋakanikauni; touru ŋisapa ŋice ka ŋapesur.

⁵Arae ŋikaru ka Adam daadaŋ ŋamiae ŋakanikaomwon ka ŋatomoniuni. Ekaku a ŋikaru a ŋul, totwan.

⁶Kedau Set akiboi ŋikaru amiat ka ŋikan, abu touru Enos.

⁷Kedau auruun Enos, abu kiboi ŋikaru ŋamiae ŋakanikauni ka ŋikanikaarei, touru ŋisapa ŋice ka ŋapesur.

⁸Arae ŋikaru a Set daadaŋ ŋamiae ŋakanikaomwon ka ŋitomon ka ŋiarei. Ekaku a ŋikaru a ŋul, totwan.

⁹Kiboi Enos ŋikaru ŋatomonikanikaomwon, touru Kenan,

¹⁰kedau auruun Kenan, kiboi ŋikaru ŋamiae ŋakanikauni ka ŋitomon ka ŋikan, touru ŋisapa ŋice ka ŋapesur.

¹¹Arae ŋikaru a Enos daadaŋ ŋamiae ŋakanikaomwon ka ŋikan. Ekaku a ŋikaru a ŋul, totwan.

¹²Kiboi Kenan ŋikaru ŋatomonikanikaarei, touru Malalel.

¹³Kedau auruun Malalel, kiboi Kenan ŋikaru ŋamiae ŋakanikauni ka ŋatomoniomwon, touru ŋisapa ŋice ka ŋapesur.

¹⁴Arae ŋikaru a Kenan daadaŋ ŋamiae ŋakanikaomwon ka ŋitomon. Ekaku a ŋikaru a ŋul, totwan.

¹⁵Kiboi Malalel ŋikaru ŋatomonikanikapei ka ŋikan, touru Yared.

¹⁶Kedau auruun Yared, kiboi Malalel ŋikaru ŋamiae ŋakanikauni ka ŋatomonikanikaomwon, touru ŋisapa ŋice ka ŋapesur.

¹⁷Arae ŋikaru a Malalel daadaŋ ŋamiae ŋakanikauni ka ŋatomonikanikaomwon ka ŋikan. Ekaku a ŋikaru a ŋul, totwan.

¹⁸Kiboi Yared ŋikaru amiat ka ŋatomonikanikapei ka ŋiarei, touru Enok.

¹⁹Kedau auruun Enok, kiboi Yared ŋikaru ŋamiae ŋakanikauni, touru ŋisapa ŋice ka ŋapesur.

²⁰Arae ŋikaru a Yared daadaŋ ŋamiae ŋakanikaomwon ka ŋatomonikanikapei ka ŋiarei. Ekaku a ŋikaru a ŋul, totwan.

²¹Kiboi Enok ŋikaru ŋatomonikanikapei ka ŋikan, touru Metusela.

²²Kiboi Enok iwuapit Akuj ŋikaru ŋamiae ŋauni, kedau auruun Metusela, touru ŋisapa ŋice ka ŋapesur.

²³Arae ŋikaru a Enok daadaŋ ŋamiae ŋauni ka ŋatomonikanikapei ka ŋikan.

²⁴Kiboi Enok iwuapit Akuj, nai toŋopiya, anerae abu Akuj ya iŋes nakuj.

²⁵Kiboi Metusela ŋikaru amiat ka ŋatomonikanikauni ka ŋikanikaarei, touru Lamek.

²⁶Kedau auruun Lamek, kiboi Metusela ŋikaru ŋamiae ŋakanikaarei ka ŋatomonikanikauni ka ŋiarei, touru ŋisapa ka ŋapesur.

²⁷Arae ŋikaru a Metusela daadaŋ ŋamiae ŋakanikaomwon ka ŋatomonikanikapei ka ŋikanikaomwon. Ekaku a ŋikaru a ŋul, totwan.

²⁸Kiboi Lamek ŋikaru amiat ka ŋatomonikanikauni ka ŋiarei, touru esapat.

²⁹Tolimok ekiro a esapat a ŋol Noa, ebala, “A ŋalup a ŋuna adau Akuj akicen, ikiŋarakini iwon lo alotic yok a ŋolo agogoŋon a ŋolo a ŋalup a ŋuna koloŋ abu Akuj kicen.”

³⁰Kiboi Lamek ŋikaru ŋamiae ŋakan ka ŋatomonikanikaomwon ka ŋikan, touru ŋisapa ŋice ka ŋapesur.

³¹Arae ŋikaru a Lamek daadaŋ ŋamiae ŋakanikaarei ka ŋatomonikanikaarei ka ŋikanikaarei. Ekaku a ŋikaru a ŋul, totwan.

³²Arae ŋikaru a Noa ŋamiae ŋakan. Abu iŋes touru Sem, Am ka Yapes.