Read ngakarimojong 2 Ŋirw. 16 Bible Online

2 Ŋirw. 16 - ngakarimojong bible

2 Ŋirw. 16

¹Alokaru a ŋolo a ŋitomon ka ŋikanikaarei ipukat Peka lokoku a Remalia Isirael, kisyak Aas lokoku keŋ a Yosam akipuka Yudaya.

²Arae ŋikaru ka Aas ŋatomoniarei isyakini akipuka Yudaya. Abu iŋes kipuka Yudaya alo Yerusalem ŋikaru ŋitomon ka ŋikanikapei. Pa etiyae iŋes ŋuna etalakarito Ekapolon Akuj keŋ, lopite ŋolo etiyaa Daudi ŋolo arae papaa keŋ;

³nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

⁴Abu iŋes tomuro ka inanak ŋainakineta aneni elipeneneere ŋakujo ka alokamukumukui ta alokwap ŋikito ca daadaŋ ŋulu alibito.

⁵Potu nai ŋirwosi lu ŋiarei Resin ŋolo ka Aram ka Peka lokoku a Remalia ŋolo a Isirael akitijiore Aas alo Yerusalem. Kirikaut ikes Aas, nai nyepedosi akiloun iŋes.

⁶Ŋirwa ŋul, abu erwosit ŋolo ke Edom torem etaun Elas, kirita a nen ŋituŋa a Yudaya kinyakasi ŋituŋa ŋulu ke Edom Elas tari tokona iboiyete a nen.

⁷Abu erwosit Aas kiyakiya ŋituŋa neni ke erwosit Tigilaspilese a ŋolo ka Asiriya alimokin ebe, “Iyoŋ irae ekapolon kaŋ ka papa kaŋ. Bua toiunae ayoŋ aneni a ŋirwosi a ŋiarei a ŋulu ekeŋarunito akitijiore. Ŋirwosi ŋul; ikes Resin ŋolo ka Aram ka Peka ŋolo a Isirael.”

⁸Tolemu Aas esilipa ka egolid ŋolo ayai Kai ka Akuj kaapei ka ŋiboro ŋulu ajokak ŋulu alokai ke erwosit, kiyakiya erae ainakinet neni ke erwosit a ŋolo ka Asiriya.

⁹Abu erwosit ŋolo ka Asiriya tocamu ŋakiro ka Aas, tosodi min torem Damasko kikama. Torik ŋituŋa, ya Kir lotaun ŋolo ka akwap keŋ, ido toar Resin ŋolo arae erwosit.

¹⁰Ani ilaar erwosit Aas Damasko aanyun erwosit Tigilaspilese ŋolo ka Asiriya, kiŋolik Namuroet ŋina ayai Damasko. Toroko iŋes Namuroet ŋin, kiyakik esacaradoti ŋolo anyaritae Uria etorube ŋolo a Namuroet a ŋin ikwaan per ka Namuroet ŋina abu iŋes kiŋolik alo Damasko.

¹¹Todukok esacaradoti Uria Namuroet isikwaanikinit ke etorube ŋolo eyakikini erwosit Aas iŋes alo Damasko. Toduku jik Uria Namuroet ŋin ikwaan per ke etorube ŋolo eyakikinio iŋes kirikak eriŋa erwosit Aas nyeboŋuno alo Damasko.

¹²Ani eboŋuni erwosit Aas alo Damasko, kiŋolik Namuroet ŋin, toapiya diyete keŋ, tosodi todoka kidiama;

¹³Kiwuak ŋainakineta keŋ ŋuna epeiyo nen, ŋikinyom ka ŋainakineta ŋuna a ŋimaten, ido towuatak ŋaokot a ainakinet a ŋina a aŋaleu Namuroet.

¹⁴Tolema iŋes Namuroet ŋinaŋorot ŋina a eburonis alokiŋaren Akai ka Akuj, anakibois a ŋina alokidiŋ Namuroet ŋina kitete ka Akai ka Akuj kiwuak lowae ŋolo alo Kuju Namuroet ŋina kitete.

¹⁵Tema nai erwosit Aas neni a Uria a ŋolo arae esacaradoti ebe, “Kitiya nu Namuroet ŋina apolon ŋinakitete na; inanak ŋainakineta ŋuna ka ataparacu ŋuna epeiyo ka ŋuna a ŋikinyom ŋuna ke eboŋ, ŋainakineta ŋuna ke erwosit ŋuna epeiyo ka ŋuna a ŋikinyom keŋ ka ŋainakineta ŋuna a ŋituŋa ŋuna epeiyo ka ŋuna a ŋikinyom kec kaapei ka ŋainakineta kec ŋuna a ŋimaten. Towuatanak Namuroet ŋaokot daadaŋ ŋuna a ŋainakineta a ŋuna epeiyo ka ŋuna a ŋajul. Nai Namuroet ŋina a eburonis, iŋes esitiyae ayoŋ akiŋitununuya ŋakiro ŋuna acamit ayenun.”

¹⁶Kitiya esacaradoti Uria lopite ŋolo aris erwosit Aasia kicikia iŋes akitiya.

¹⁷Tolema erwosit Aas ŋakito ŋuna apesitae nawae a Akai ka Akuj kaapei ka ŋabesenio ŋuna aya nawoeta ŋuna ejukanaryo. Tolemana iŋes etorube ŋolo ka anam ŋolo etiyaunitae a eburonis ŋolo ayai kwap ŋitorubei a ŋimoŋin a ŋitomon ka ŋiarei a ŋulu etiyaunitae a eburonis. Abu iŋes kiwuak etorube a anam ŋol neni adukunitoe a ŋamoru.

¹⁸Abu nabo tolema eripipi ŋolo esitiyaeneneo akoloŋit ŋina a Sabato, ŋolo sek adukokinitae Kai ka Akuj ka togol alo Kai ka Akuj ekek ŋolo alokiŋa, ŋolo sek etorenenee erwosit. Etiyae iŋes ŋakiro ŋun akitalakaria erwosit ŋolo ka Asiriya.

¹⁹Ŋiticisyo ka Aas ŋuluce daadaŋ igiritae lokitaabo ŋolo a ŋakiro a ŋirwosi a Isirael.

²⁰Totwana Aas, tonukae akuwan keŋ neni anukitae atapapaa keŋ, alotaun a Daudi. Kilunyokin Esekia ŋolo arae lokoku keŋ lokicoloŋ keŋ kipuka Isirael.