Read ngakarimojong 1 Ŋakiro a ŋirwa 25 Bible Online

1 Ŋakiro a ŋirwa 25 - ngakarimojong bible

1 Ŋakiro a ŋirwa 25

¹Apotu Daudi kaapei ka ŋikarikok ŋulu a ŋasigarya toseut ŋidwe ka Asap, Eman ka Yedusun ŋulusapa ŋice aŋuna ka akisera ŋakiro ka Akuj kisitiyaete ŋiboro ŋulu eramio eeoi lu: Ŋaduŋgui, ŋagitae ka ŋitworoi. Ŋirorwa a ŋituŋa a ŋul ikes lu:

²Aneni a ŋidwe ka Asap a ŋulusapa, aponi toseunae Sakur, Yosepu, Nesania ka Asarela. Arae Asap apolokinit ŋidwe keŋ ŋulu eseraete ŋakiro ka Akuj ŋinapaki daadaŋ iŋitakinia erwosit ikes akitiya ŋun.

³Aneni a ŋidwe a Yedusun a ŋulusapa, aponi toseunae Gedalia, Seri, Yesaia, Simei ka Asabia ta Matisia. Arae papa kec apolokinit ikes iseraete ŋakiro ka Akuj kisitiyaete anaeo kec ŋaduŋgui alakaror neni ke Ekapolon ka akipuror Ekapolon.

⁴Aneni a ŋidwe ke Eman a ŋulusapa, aponi toseunae Bukia, Matania, Usiel, Subael, Yerimos, Amania, Anani, Eliasa, Gidalti, Romamti-Eser, Yosibekasa, Malosi ka Osir ta Maasios.

⁵Arae ŋul daadaŋ ŋidwe ke Eman ŋulusapa, ido arae Eman eteyenenakini erwosit ŋakiro ŋuna eponito. Ainakinio Eman ŋidwe ŋul alotooma akiikinet ka Akuj aŋuna ka akitopoloor iŋes. Abu Akuj inak Eman ŋidwe ŋulusapa ŋitomon ka ŋiomwon ka ŋulupesur ŋiuni.

⁶Arae papa kec apolokinit ŋisapa ŋul daadaŋ eeosi alo Kai ka Akuj neni ke Ekapolon, isitiyaete ŋitworoi, ŋagitae ka ŋaduŋgui anakilip alo Kai ka Akuj. Nai arae erwosit apolokinit Asap ka Yedusun ta Eman.

⁷Etatamitae ikes daadaŋ ka ŋiyeneta kec aeore, ido ayenete nooi aeore aŋuna ke Ekapolon. Arae ekimar kec ŋamiae ŋaarei ka ŋatomonikanikauni ka ŋakanikauni.

⁸Ayakasi kidiŋ kec ŋisorok kaapei ka ŋikasikou, ŋiketatamak kaapei ka ŋulu etatamyo, esitiyaete ikes daadaŋ akilamilam aseunia alokidiŋ kec ŋulu itiyaete.

⁹Akilamilamakinet ŋina esyaunan, ŋina arae ŋina a ŋiletok ka Asap, abu min neni a Yosepu ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei, ŋina a ŋaarei abu min neni a Gedalia ka ŋidwe keŋ ŋulusapa ta ŋiyeneta keŋ arae ŋul daadaŋ ŋitomon ka ŋiarei,

¹⁰ŋina a ŋauni abu min neni a Sakur ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹¹ŋina a ŋaomwon abu min neni a Isiri ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹²ŋina a ŋakan abu min neni a Nesania ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹³ŋina a ŋakanikapei abu min neni a Bukia ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹⁴ŋina a ŋakanikaarei abu min neni a Yesarela ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹⁵ŋina a ŋakanikauni abu min neni a Yesaya ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹⁶ŋina a ŋakanikaomwon abu min neni a Matania ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹⁷ŋina a ŋatomon abu min neni a Simei ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹⁸ŋina a ŋatomon ka apei abu min neni ka Asarel ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

¹⁹ŋina a ŋatomon ka ŋaarei abu min neni ka Asabia ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²⁰ŋina a ŋatomon ka ŋauni abu min neni a Subael ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²¹ŋina a ŋatomon ka ŋaomwon abu min neni a Matisia ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²²ŋina a ŋatomon ka ŋakan abu min neni a Yerimos ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²³ŋina a ŋatomon ka ŋakanikapei abu min neni ka Anania ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²⁴ŋina a ŋatomon ka ŋakanikaarei abu min neni a Yosibekasa ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²⁵ŋina a ŋatomon ka ŋakanikauni abu min neni ka Anani ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²⁶ŋina a ŋatomon ka ŋikanikaomwon abu min neni a Malosi ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²⁷ŋina a ŋatomoniarei abu min neni ka Eliasa ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²⁸ŋina a ŋatomoniarei ka apei abu min neni ka Osir ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

²⁹ŋina a ŋatomoniarei ka ŋaarei abu min neni a Gidalti ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

³⁰ŋina a ŋatomoniarei ka ŋauni abu min neni a Masios ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei,

³¹ŋina a ŋatomoniarei ka ŋaomwon abu min neni a Romamti-Eser ka ŋidwe keŋ ŋulusapa ta ŋiyeneta keŋ, arae ŋul daadaŋ ŋitomon ka ŋiarei.