Read ngakarimojong 1 Ŋakiro a ŋirwa 7 Bible Online

1 Ŋakiro a ŋirwa 7 - ngakarimojong bible

1 Ŋakiro a ŋirwa 7

¹Arae ŋidwe a Isakar ŋulusapa lu: Tola, Pua ka Yasub ta Simiron. Arae ikes daadaŋ ŋiomwon.

²Arae ŋidwe a Tola ŋulusapa lu: Usi, Repaia, Yariel, Yamai ka Ibisam ta Samuel. Arae ikes ŋikarikok a ŋatekerin a Tola; torae daŋ ŋikajiok ŋulu etirok ananyameta kec, abu ekimar kec alorwa a ŋulu epukator Daudi todol ŋalipyo ŋatoniarei ka ŋaarei ka ŋamiae ŋakanikapei.

³Abu Usi touru Isiraia, ido arae ŋidwe a Isiraia ŋulusapa lu: Mikael, Obadia ka Yoel ta Isia. Arae ikes daadaŋ ŋikan, ido arae ŋikarikok a ŋatekerin.

⁴Alopite a ŋolo imarunitere ikes anateker kec daadaŋ, arae ŋikilyok ŋulu apedorito ejie, ŋulu arae ekimar kec ŋalipyo ŋatomoniuni ka ŋakanikapei, ayakatar ikes ŋaberu ŋuna alalak ka ŋidwe ŋulu alalak.

⁵Imarunitae alokalya a daadaŋ a ŋulu ke ekabila a Isakar ŋikilyok ŋulu kepedorito ejie erae ŋalipyo ŋatomonikanikauni ka ŋikanikaarei.

⁶Arae ŋidwe a Benjamin ŋulusapa lu: Bela ka Beker ta Yediael, arae ikes daadaŋ ŋiuni.

⁷Arae ŋidwe a Bela ŋulusapa lu: Esibon, Usi, Usiel ka Yerimos ta Iri. Arae ikes ŋikarikok a ŋatekerin, ido arae daadaŋ ŋikan. Imarunitae ikes anateker kec daadaŋ erae ŋikilyok ŋulu apedorito ejie ŋulu arae ekimar kec ŋalipyo ŋatomoniarei ka ŋaarei ka ŋatomoniuni ka ŋiomwon.

⁸Arae ŋidwe a Beker ŋulusapa lu: Semira, Yoas, Elioenai, Omiri, Yeremos, Abiya ka Anasos ta Alemes. Arae ŋul daadaŋ ŋidwe a Beker ŋulusapa.

⁹Imarunitae ikes daadaŋ ananyameta kec a ŋatekerin a ŋuna kerikito ikes. Arae ikes ŋikilyok ŋulu apedorito ejie, ŋulu arae ekimar kec ŋalipyo ŋatomoniarei ka ŋamiae ŋaarei.

¹⁰Abu Yediael touru Bilan, ido arae ŋidwe a Bilan ŋulusapa lu: Yeus, Benjamin, Eud, Kenaana, Sesan ka Tarisis ta Aisaar.

¹¹Arae ŋisapa a Yediael ŋul daadaŋ ŋikarikok a ŋatekerin kec. Arae ikes ŋikilyok ŋulu apedorito alosit lojie, ŋulu arae ekimar kec ŋalipyo ŋatomon ka ŋakanikaarei ka ŋamiae ŋaarei.

¹²Arae Supim ka Upim ŋidwe a Iri ŋulusapa, arae Usim lokoku ka Aer.

¹³Arae ŋidwe a Naputali ŋulusapa lu: Yasiel, Guni ka Yeser ta Salum. Arae ikes ŋitatae a Bila.

¹⁴Abu Manase touru ŋisapa ŋiarei aneni ka aberu keŋ a ŋina pa eitit, a ŋina ka Aramean. Ŋirorwa a ŋisapa a ŋul ikes lu: Asiriel ka Makir. Abu Makir touru Gilead.

¹⁵Abu Makir kiitak Upim aberu, kiitak Supim daŋ. Anyaritae nakaato a Makir Maaka, anyaritae nakaato keŋ ŋina a ŋaarei Selopead. Abu Selopead touru ŋapesur bon.

¹⁶Ayakar daŋ Makir aberu keŋ ace ŋina anyaritae Maaka, ŋina abu touru isapat, ido abu Maaka tolimok ekiro keŋ Peres. Anyaritae ekiro alokaato a Peres Seres; ido arae ŋidwe a Seres ŋulusapa lu: Ulam ka Rakem.

¹⁷Ayakar Ulam esapat ŋolo anyaritae Bedan. Arae ŋul daadaŋ ŋipapae a Gilead alokoku a Makir, arae Gilead lopapait a Manase.

¹⁸Abu nakaato a Gilead ŋina anyaritae Amolekes touru ŋisapa ŋiuni lu: Isod ka Abieser ta Mala.

¹⁹Arae ŋidwe a Semida ŋulusapa lu: Akian, Sekem ka Liki ta Aniam.

²⁰Ayakar Epuraim lokoku keŋ ŋolo anyaritae Susela, arae lu ŋipapae a Epuraim akisyakin ananyamet kaapei tari ŋinace: Bered, Taas, Eleada, Taas,

²¹ka Sabad ta Susela. Ayakar daŋ Epuraim ŋisapa ŋice ŋiarei, ŋikaitotoi a Susela, ikes lu: Eser ka Elead, ŋulu keponi toarae apaki ŋina kecamitotor akokoiyar ŋibaren ŋulu kerae ŋulu a ŋituŋa a ŋulu eboiyete alo Gas.

²²Abu Epuraim papa kec kigwor ikes ŋirwa ŋulu alalak, ido apotu ŋiyeneta keŋ potu akisirworiun iŋes.

²³Abu nabo Epuraim kiryamakin ka aberu keŋ, ido abu aberu ŋin topoti, kidou ikoku ŋinisapat. Apotu ikes tolimokis ekiro a ikoku a ŋin Beria aŋuna a ŋican a ŋulu apotu todoikis lokal kec.

²⁴Ayakar Epuraim ikoku ŋinipese, ŋini anyaritae Seera. Abu Seera toduk ŋitaunio neni amukur ka neni adipal alo Bes-Oron, todukok ece Usen-Seera.

²⁵Ayakar daŋ Epuraim ikoku ŋinisapat ŋini anyaritae Repa, arae lu ŋipapae a Repa: Resep, Tela, Takan,

²⁶Ladan, Amiud, Elisama

²⁷ka Nun ta Yosua.

²⁸Arae nu ŋakiboisyo ŋuna apotu toruwor ŋuna eboiyoto ikes: Besel ka ŋirerya ŋulu erimokinito Besel kidiŋ, todoiyosi Kide neni anyaritae Naaran ka To neni anyaritae Geser ta ŋirerya ŋulu erimokinito ŋakiboisyo ŋun kidiŋ. Emoriyarit akibois kec tari ŋitaunio lu: Sekem ka Aya kaapei ka ŋirerya ŋulu aya nawaetin kec.

²⁹Arae ŋitaunio lu ŋulu a ŋituŋa a Manase, ido ayakasi lokukworin kec ka ŋituŋa ŋuluce: Bes-San, Taanak, Megido ka Dor kaapei ka ŋirerya ŋulu aya nawaetin kec. Arae lotaunio ŋul iŋes eboiyoto ŋiletok a Yosepu a lokoku a Isirael.

³⁰Arae ŋidwe ka Aser ŋulusapa lu: Imina, Isipa ka Isipi ta Beria. Anyaritae ŋinapese Sera.

³¹Arae ŋidwe a Beria ŋulusapa lu: Eber ka Malikiel ŋolo abu touru Birisais.

³²Arae ŋidwe ke Eber ŋulusapa lu: Yapilet ka Somer ta Osam. Anyaritae ŋinapese Sua.

³³Arae ŋidwe a Yapilet ŋulusapa lu: Pasak ka Bimal ta Asipas.

³⁴Arae ŋidwe a Somer ŋulusapa lu: Ai, Roga ka Uba ta Aram.

³⁵Arae ŋidwe alokaato a Somer a ŋolo anyaritae Elem ŋulusapa lu: Sopa, Imina ka Seles ta Amal.

³⁶Arae ŋidwe a Sopa ŋulusapa lu: Sua, Arineper, Sual, Beri, Imira,

³⁷Beser, Odi, Sama, Silisa ka Isiran ta Beera.

³⁸Arae ŋidwe a Yeser ŋulusapa lu: Yepune ka Pisipa ta Ara.

³⁹Arae ŋidwe a Ula ŋulusapa lu: Ara ka Aniel ta Risia.

⁴⁰Arae ŋul daadaŋ ŋipapae ka Aser. Arae ikes ŋikarikok a ŋatekerin kec, ŋikilyok ŋulu ayenen nooi alojie ka ŋikarikok ŋulu ayenen nooi. Imarunitae ikes ananyameta kec erae ŋikilyok ŋalipyo ŋatomoniarei ka ŋakanikapei ŋulu kepedorito ejie.