Read ngakarimojong Neem. 11 Bible Online

Neem. 11 - ngakarimojong bible

Neem. 11

¹Apaki ŋin eboiyete ŋikarikok a ŋituŋa alo Yerusalem, ido apotu ŋituŋa ŋuluce kilamilama aŋuna ka ayaun ituŋanan ipei alotooma ŋitomon akiboi alo Yerusalem, alotaun a ŋolo asegan, kidoŋo ŋituŋa ŋikanikaomwon alotooma ŋitomon akiboi alotaunio a ŋuluce.

²Apotu ŋituŋa kiterereŋo ŋituŋa daadaŋ ŋulu apotu toloto a acamit kec akiboi alo Yerusalem.

³Erae lu ŋikarikok a ŋituŋa akwap a ŋin ŋulu eboiyete alo Yerusalem, nai eboiyete alotaunio a Yudaya Ŋisirael ŋuluce, ŋisacaradotin, ŋilepi ŋiketiyak a Akai ka Akuj ka ŋiletok a ŋiketiyak a Solomon ka analup ka alotaunio kec.

⁴Tosodi eboiyete alo Yerusalem ŋituŋa a Yudaya ŋice ka ŋituŋa a Benjamin ŋice. Aloletok a Yudaya, ŋulu eboiyete alo Yerusalem ikes lu: Asalia lokoku a Usia, a ŋolo arae lokoku a Sakariya, a ŋolo arae lokoku a Amaria, a ŋolo arae lokoku a Sepatia, a ŋolo arae lokoku a Maalalel; arae ŋul ŋiletok a Peres;

⁵Maaseia lokoku a Baruk, a ŋolo arae lokoku a Kooles, a ŋolo arae lokoku a Asaia, a ŋolo arae lokoku ka Adaia, a ŋolo arae lokoku a Yoiarib, a ŋolo arae lokoku a Sakariya, a ŋolo arae lokoku a Silonite.

⁶Ŋiletok a Peres daadaŋ ŋulu eboiyete alo Yerusalem arae ekimar kec ŋamiae ŋaomwon ka ŋatomonikanikapei ka ŋikanikauni, arae ikes ŋikilyok ŋulu adedeŋak.

⁷Ŋituŋa a Benjamin ŋulu eboiyete alo Yerusalem ikes lu: Salu lokoku a Mesulam, a ŋolo arae lokoku a Yoed, a ŋolo arae lokoku a Pedaia, a ŋolo arae lokoku a Kolaia, a ŋolo arae lokoku a Maaseia, a ŋolo arae lokoku a Isiel, a ŋolo arae lokoku a Yesaia,

⁸ido ŋikaitotoi keŋ lu: Gabai ka Salai, arae ekimar kec a daadaŋ ŋamiae ŋikanikaomwon ka ŋatomoniarei ka ŋakanikauni

⁹Yoel lokoku a Sikiri iŋes apolokinit ikes ka Yuda lokoku ka Asenua iŋes ewuapit anapolou ekapolokiniton a etaun.

¹⁰Ŋisacaradotin ŋulu eboiyete alo Yerusalem ikes lu: Yedaia lokoku a Yoiarib, Yakin,

¹¹Seraia lokoku ka Ilikia, a ŋolo arae lokoku a Mesulam, a ŋolo arae lokoku a Sadok, a ŋolo arae lokoku a Meraios, a ŋolo arae lokoku ka Aitub, arae Seraia ekapolon alo Kai ka Akuj

¹²ka ŋirukitos kec ŋulu etiyaete etic alo Kai ka Akuj arae ekimar kec a daadaŋ ŋamiae ŋakanikauni ka ŋatomoniarei ka ŋaarei, arukito daŋ ikes ka Adalia lokoku a Yeroam, a ŋolo arae lokoku a Pelalia, a ŋolo arae lokoku ka Amisi, a ŋolo arae lokoku a Sakariya, a ŋolo arae lokoku a Pasura, a ŋolo arae lokoku a Milikia

¹³ka ŋirukitos keŋ, ŋikapolokinitok ŋatekerin, arae ekimar kec a daadaŋ ŋamiae ŋaarei ka ŋatomoniomwon ka ŋiarei, ayai daŋ nen Amasai ŋolo arae lokoku ka Asarel, a ŋolo arae lokoku ka Asai, a ŋolo arae lokoku a Mesilemos, a ŋolo arae lokoku a Imer

¹⁴ka ŋirukitos keŋ, arae daadaŋ ŋikilyok ŋulu adedeŋak ka arae ekimar kec a daadaŋ amiat ka ŋatomoniarei ka ŋikanikauni, ido Sabidiel lokoku ka Agedolin iŋes apolokinit ikes.

¹⁵Ŋilepi ŋulu eboiyete alo Yerusalem ikes lu: Semaia lokoku ka Asub, a ŋolo arae lokoku a Asirikam, a ŋolo arae lokoku a Asabia, a ŋolo arae lokoku a Buni

¹⁶arukito iŋes ka Sabesai ta Yosabad ŋulu arae ŋiarei alotooma ŋikapolokinitok a ŋilepi, apolokinito ikes ŋiticisyo ŋulu alokiŋa Akai ka Akuj,

¹⁷ayai daŋ nen Matania lokoku a Mika a ŋolo arae lokoku a Sabidi, a ŋolo arae lokoku ka Asap, arae Matania ekarikon ŋolo ageununui akilip ŋina ka alakar neni ka Akuj. Aya nabo nen Bakibukia ŋolo ewuapit Matania anapolou aneni a ŋirukitos keŋ, Abeda lokoku a Samua, a ŋolo arae lokoku a Galal, a ŋolo arae lokoku a Yedusun.

¹⁸Arae ekimar a ŋilepi a daadaŋ a ŋulu ayakasi lotaun ŋolo asegan ŋamiae ŋaarei ka ŋatomonikanikauni ka ŋiomwon.

¹⁹Ŋiketeok ŋipukei ŋulu eboiyete alo Yerusalem ikes lu: Akub ka Talimon ta ŋirukitos kec ŋulu eteoto ikes ŋipukei, arae ekimar kec a daadaŋ amiat ka ŋatomonikanikaarei ka ŋiarei.

²⁰Eboiyete Ŋisirael ŋuluce daadaŋ, ŋisacaradotin ka ŋilepi alotaunio a daadaŋ a ŋulu a Yudaya anakiboisyo a ŋuna sek aponi tokorakinae ikes.

²¹Nai eboiyete ŋiketiyak ka Akai ka Akuj anamukure Opel, ido Sia ka Gisipa ikes apolokinito ŋiketiyak a Akai ka Akuj.

²²Ekapolokiniton a ŋilepi a ŋulu eboiyete alo Yerusalem iŋes Usi lokoku a Bani, a ŋolo arae lokoku ka Asabia, a ŋolo arae lokoku a Matania, a ŋolo arae lokoku a Mika. Arae Usi epei a ŋiletok ka Asap a ŋulu arae ŋikaeok ŋulu apolokinito etic ŋolo ka Akai ka Akuj.

²³Atubunit erwosit aŋuna a ŋikaeok atemar a ŋinakoloŋit emaikina inakinae ikes akimuj ŋina eitanito.

²⁴Tosodi Pesaia lokoku a Mesesabel eletonit ka Sera alokoku a Yuda, iŋes awoikinit ŋituŋa aŋuna ke erwosit.

²⁵Ŋirerya ka ŋimanikorin ŋulu eboiyoto ŋiletok a Yuda ikes lu: Kirias-Ariba ka ŋirerya keŋ, Dibon ka ŋirerya keŋ Yekabiseel ka ŋirerya keŋ,

²⁶Yesua ka Molada ta Bespelet,

²⁷Asar-Sual, Beeriseba ka ŋirerya keŋ,

²⁸Sikilag, Mekona ka ŋirerya keŋ,

²⁹En-Rimon, Sora, Yarimus,

³⁰Sanoa, Adulam ka ŋirerya kec Lakis ka ŋimanikorin keŋ ka Eseka ka ŋirerya keŋ. Aŋun eboiyete ŋiletok a Yuda ameun alo Beeriseba tari Inom.

³¹Eboiyete ŋiletok a Benjamin daŋ alo Geba, Mikimas, Aiya, Besel ka ŋirerya keŋ,

³²alo Anotos, Nob, Anania,

³³Asor, Rama, Gitaim,

³⁴Adid, Seboim, Nebalat,

³⁵Lod ka Ono akadipaalat ŋina a ŋikeceak ŋiboro.

³⁶Eboiyete ŋilepi ŋice alo Yudaya ka ŋice alo Benjamin.