Read ngakarimojong Ŋikiru. 138 Bible Online

Ŋikiru. 138 - ngakarimojong bible

Ŋikiru. 138

¹Okoe Ekapolon, alakara ayoŋ neni kon a etau kaŋ a daadaŋ; aeo ayoŋ ekepuro iyoŋ alokiŋaren ŋakujo;

²aryediki ayoŋ elip neni kon eŋoliyarit Kai kon ŋina asegan, ido alakara neni kon aŋuna ka amina kon a ŋina nyiryaŋiryaŋa ka akikinyoma kon, anerae itopoloo iyoŋ ekiro kon ka akirot kon akilo ŋiboro daadaŋ.

³Ibu iyoŋ itoboŋok ayoŋ akoloŋit ŋina akanyaraa ayoŋ iyoŋ, ibu iyoŋ ikisimukek ayoŋ ogogoŋier.

⁴Okoe Ekapolon, ikipurete iyoŋ ŋirwosi daadaŋ ŋulu ka akwap, anerae eirasi ikes ŋakiro ŋuna ilimuni iyoŋ.

⁵Eeokinete ikes ŋuna idau iyoŋ akitiya ka ŋuna a ŋiticisyo kon a ŋulu ka aumokin.

⁶Tari daŋ keyai Ekapolon kidiama, iŋarakinit iŋes ŋulu epapanunito, nai ite iŋes aneni alwanan nooi ŋiketurok itiyaete ŋuna aronok.

⁷Tari daŋ kayai ayoŋ locan, ikiiunit iyoŋ ayoŋ iretakinit iyoŋ ka apedor kon anyunyura a ŋimoe kaŋ a ŋulu ekemanito ayoŋ. ikiunit iyoŋ ayoŋ a apedor kon.

⁸Isiyoonokini Ekapolon acamit keŋ aneni kaŋ. Okoe Ekapolon, erubakini amina kon ŋina nyiryaŋiryaŋa ŋikaru ka ŋikaru. Nyimek ŋituŋa kon ŋulu ibu iyoŋ tosub.