Read ngakarimojong Ŋikiru. 142 Bible Online

Ŋikiru. 142 - ngakarimojong bible

Ŋikiru. 142

¹Egworo ayoŋ neni ke Ekapolon; eoroe ayoŋ neni ke Ekapolon aŋuna ka akiŋarakino.

²Alimokinit iŋes ŋakiro daadaŋ ŋuna eŋuruŋurar ayoŋ, alimokinit iŋes ŋican kaŋ.

³Ani apapanuni ayoŋ, iyoŋ Ekapolon iyeni ŋuna emaikina ayoŋ etiya. Adaut ŋikaronok ayeun epite ŋolo akaaryata ayoŋ alorot a ŋolo amyat ayoŋ.

⁴Ani kaŋoleŋolek ayoŋ nawaetin kaŋ, mam ŋini ekeŋarakini ayoŋ, mam ŋini alosi ayoŋ oiun aneni keŋ; mam ŋini akamisit ayoŋ.

⁵Okoe Ekapolon, egworo ayoŋ neni kon abala ayoŋ, “Iyoŋ irae neni aiunor ayoŋ, iyoŋ bon ayakar ayoŋ anakiyar kaŋ a na.

⁶Topupok akigworo kaŋ, anerae eketapapanun ayoŋ. Toiunae ayoŋ aneni a ŋikesicanak kaŋ, anerae egogoŋ ikes nooi akilo ayoŋ.

⁷Tolakunae ayoŋ alojera, ikotere alakar aŋuna ke ekiro kon. Epote ŋulu iyookino ekerimokis ayoŋ kidiŋ, anerae itiyakini iyoŋ ŋuna ajokak nooi neni kaŋ.”