Read ngakarimojong Ŋikiru. 146 Bible Online

Ŋikiru. 146 - ngakarimojong bible

Ŋikiru. 146

¹Kipur Ekapolon, kipur Ekapolon okoe etau kaŋ!

²Epuri ayoŋ Ekapolon alorwa a ŋulu ka akiyar kaŋ a daadaŋ. aeikini ayoŋ ŋikipurisyo neni ka Akuj kaŋ ŋirwa ŋulu ka akiyar kaŋ daadaŋ.

³Nyiwuakis akikinyoma kus neni a ŋikepukak, neni a ŋituŋa a ŋulu nyikiŋarakinete.

⁴Ani etwakete ikes, eboŋorete ikes nalup, todaun akoloŋit ŋinapei ŋin ŋuna ayeto ikes akitiya.

⁵Elakara ŋulu iŋarakinit Akuj a Yakob, ŋulu eyai akigeno kec neni ke Ekapolon Akuj kec,

⁶a ŋina abu tosub nakuj ka akwap, anam ka ibore daadaŋ ŋini eyai tooma kec, Akuj ŋina erae akikinyoma keŋ ŋina a ŋikaru ka ŋikaru.

⁷Etubonokini iŋes itojokit ŋulu isicanitae koŋin, einanakini akimuj neni a ŋulu enyamit akoro. Elacanakini Ekapolon ŋimabus,

⁸itekenyununui ŋakonyen a ŋimudukanotin, iŋaranakini ŋulu adaun akitapapanun, emina Ekapolon ŋulu iyookino.

⁹Iyokit Ekapolon ŋigelaanotin iŋaranakini ŋikokyok ka ŋapuseru, nai emunaanari ŋiticisyo a ŋulu aronok.

¹⁰Ipukae Ekapolon ŋikaru ka ŋikaru, okoe Ŋisirael, ipukae Akuj kus ananyameta a daadaŋ. Kipuroe Ekapolon!