Read ngakarimojong Ŋikiru. 43 Bible Online

Ŋikiru. 43 - ngakarimojong bible

Ŋikiru. 43

¹Okoe Akuj, kituruworoe ayoŋ ŋolo eyookino, toiunae ayoŋ alotuŋa a ŋulu nyikinupito iyoŋ; toiunae ayoŋ alotuŋa a ŋulu alyokonok ka ŋulu aronok.

²anerae irae iyoŋ Akuj akaiunan kaŋ; kaanukiro ikimuryakinia iyoŋ ayoŋ? Kaanukiro arubakinitor ayoŋ aryamunit; ŋican anadedeŋu a ŋimoe kaŋ?

³Kiyakikinae ayoŋ akica kon ka ŋakiro kon ŋuna a kire, kimyek ikes eketana ayoŋ, kimyek ikes okoyaasi ayoŋ lomoru kon ŋolo asegan, nakibois ŋina iboiyo iyoŋ.

⁴Nen nai alosyo ayoŋ namuroet kon Akuj, neni kon Akuj ŋina ikiinanakini ayoŋ alakara. Ekepuri ayoŋ iyoŋ arami agita, okoe Ekapolon Akuj kaŋ, Akuj ŋina elipi ayoŋ neni keŋ.

⁵Abu ayoŋ eŋis bon alotau kaŋ otema, “Kaanukiro ilelebar akiyaloloŋ lotau kaŋ? Kaanukiro aryebar ayoŋ alotau kaŋ? Ewuakini ayoŋ akigeno kaŋ neni ka Akuj, ido epuri nabo ayoŋ iŋes, ŋina erae akaiunan kaŋ ka Akuj kaŋ.”