Read ngakarimojong Ŋikiru. 5 Bible Online

Ŋikiru. 5 - ngakarimojong bible

Ŋikiru. 5

¹Okoe Ekapolon, kiira ŋakiro kaŋ; kiira ŋakiro ŋuna aumenio ayoŋ nooi anaryeba kaŋ.

²Erwosit kaŋ ka Akuj kaŋ, kiira akigworo kaŋ aŋuna ka akiŋarakino, anerae elipi ayoŋ neni kon.

³Okoe Ekapolon, ipupi iyoŋ etoil kaŋ a ŋina taparacu; akalimonokini ayoŋ iyoŋ a ŋina taparacu ŋuna acamit, ido edarununui egeno atemar aryamuni.

⁴Meere iyoŋ Akuj ŋina ilakara aŋuna aronok; nyepedorete ŋulu aronok akiboi aneni kon.

⁵Nyepedorete ŋiketurok akiwo alokiŋaren kon; iremokino iyoŋ daadaŋ ŋulu itiyaete aronis.

⁶Imunyanari iyoŋ ŋulu irworosi alyokonu; iŋerit iyoŋ Ekapolon ŋulu ebobokinit akiar ŋuluce ka ŋikalyokonok.

⁷Nai ayoŋ, aŋuna ka amina kon a ŋina nyiryaŋiryaŋa, abuni ayoŋ Kai kon anakitopoloorit iyoŋ, aryediki ayoŋ elip neni kon eŋoliyarit Kai kon ŋina asegan.

⁸Okoe Ekapolon, aŋuna a ŋimoe kaŋ, kitenae ayoŋ alotooma akiyookino kon. Kisidiiri erot kon alokiŋaren kaŋ.

⁹Nyikinyom ŋakiro ŋuna irworosi ŋimoe kaŋ; ileleba aryenyeo lotai kec, ŋakiro ŋuna irworosi ikes, eyaununeete atwanare; ileleba amodiyo ŋina aronon lorwor kec.

¹⁰Okoe Akuj, totubok ka kisican ikes; kimyek ikes tomunyaros make anakiro a ŋuna etukete ikes akitiya. Aŋuna aseciata ikes nooi, kirita ikes nariet, anerae ikiŋero ikes iyoŋ.

¹¹Nai kimyek daadaŋ ŋulu apotu aiuno neni kon tolelyana; kimyek ikes toeoto ka alelyanu a ŋinakoloŋit; kiyok ŋulu ikiminasi iyoŋ, anerae aŋuna kon elelyanete ikes nooi;

¹²anerae kire Ekapolon, iterereŋi iyoŋ ŋulu iyookino; imukori iyoŋ ikes a amina kon lopite ŋolo ikimukorya aupal.