Read ngakarimojong Ŋikiru. 55 Bible Online

Ŋikiru. 55 - ngakarimojong bible

Ŋikiru. 55

¹Okoe Akuj, topupok akilip kaŋ, nyiwou akiŋarakin ayoŋ.

²Kiirarae ayoŋ, ido itoboŋok ayoŋ. Ayai ayoŋ locan ŋulu apipilak nooi, ido ekesyaasi ayoŋ ŋatameta,

³ŋinibore apupyo ŋitoilon a ŋimoe kaŋ, ŋinibore ekesicanitotor ayoŋ ŋulu aronok; anerae eyaununeete ŋakiro kec aryeba neni kaŋ, ido anaŋoit kec, ekemanito ikes ayoŋ.

⁴Eryaba etau kaŋ nooi ekeloŋiya ayoŋ ekabule ŋolo ka atwanare.

⁵Adolu neni kaŋ akuryanu ka amaran ekeloŋiya ayoŋ ekabule.

⁶Abala ayoŋ, “Okoe, kerae ca oyakar ŋabebenuk ikwa akuri! Kaporo nariet ikotere eeŋa,

⁷Kaporo nariet neni alwanan, eboi analoŋisat;

⁸Keonyak atipei oryamu neni eboiyo, eeŋa ayakau loman ka naryenyeo a ŋimoe kaŋ.”

⁹Okoe Ekapolon, kisibiler ŋulu aronok, nyiinak ikes tocamunos alorwor kec, anerae ete ayoŋ aryenyeo ka ebura alotaun.

¹⁰Irimito ikes ŋarwatatain ŋuna ke etau apaaran ka akuwar, ido eyakasi tooma etaun aara make ka ŋican.

¹¹Eyakasi tooma etaun ŋituŋa ŋulu enyasak; nyedaunun amoitanut ka amodyanakin alotemwan a etaun a ŋol.

¹²Ani kerae torae ŋimoe ekeyanyete ayoŋ, kedaŋidaŋak ayoŋ ŋiyany kec, ani kerae torae ŋimoe akajamuwarito ayoŋ; kaŋop ayoŋ aneni kec.

¹³Nai erae iyoŋ ŋolo irae ituŋanan ikwa ayoŋ pei, erukitos kaŋ, lokone kaŋ ŋolo ikiminin ka ayoŋ,

¹⁴ŋolo paaran sek ikirukit ka ayoŋ emam ŋace; aminae alosenen Kai ka Akuj kaapei ka asepic a ŋituŋa.

¹⁵Kimyek atwanare kituumik ŋimoe kaŋ; kimyek ikes tolomasi nakibois a ŋikatwak eyarete, anerae eyai aronis lorerya kec ka lotai kec.

¹⁶Nai anyarae ayoŋ Ekapolon Akuj, ido akaiuni iŋes ayoŋ.

¹⁷Egworo ayoŋ anaryeba eboŋ ka taparacu ta kidiŋ apaaran, ido iirari Akuj ŋakiro kaŋ.

¹⁸Akalakuni iŋes ayoŋ pa awanan alojie a ŋolo etijiyo ayoŋ ŋimoe kaŋ ŋulu alalak.

¹⁹Akuj ŋina erae iŋes ipukat ŋinapei koloŋ jik, iŋes iirari ŋakiro kaŋ, ido kituruwo ikes ŋicaryo; anerae nyiloconokinete ikes ŋipitesyo kec, ido nyitopoloorito Akuj.

²⁰Isiiryae erukitos kaŋ ŋikonei keŋ ido aŋer iŋes ŋuna sek acamuna ikes akiwuap.

²¹Ejokak ŋakiro ŋuna irworo iŋes, nai eyai ediŋet lotau keŋ; ejokak ŋakiro ŋuna irworo iŋes, nai ikiarete ikwa ŋileŋia ŋulu elemunitae anakuraroi.

²²Tolimok ŋican kon neni ke Ekapolon. ikiyoki iŋes iyoŋ; nyimyekini iŋes ŋulu iyookino kilounae.

²³Nai iyoŋ, okoe Akuj itolomari ŋulu aronok kwap. Nyepedorete ŋikaarak ka ŋimodiyanot akiyar, todolo atutubet apei ŋina ka akiyar kec. Nai ani eruwor ayoŋ, ekekinyomi iyoŋ.