Read ngakarimojong Ŋikiru. 62 Bible Online

Ŋikiru. 62 - ngakarimojong bible

Ŋikiru. 62

¹Akuj bon edarit ayoŋ atitinyikinit; neni ka Akuj iŋes aryamunitor ayoŋ aiuno.

²Iŋes bon erae aupal kaŋ ka aiuno kaŋ, aduketait kaŋ ŋinajiet; emam ibore eketubuli ayoŋ.

³Apaki ŋina etya ai eayete ŋimoe kaŋ itoŋoito ituŋanan? Imunaarete iyes daadaŋ iŋes lopite ŋolo emunaarere arwatata ŋina igaŋitae, kori awuas ŋina enyamuna.

⁴Alosikinet kus iŋes akimasar ituŋanan alokicoloŋ keŋ a ŋolo ipukator ejok; ilakara iyes iirarete ŋakiro ŋuna erae alyokonu. Irworosi iyes ŋakiro ŋuna ka arereŋu, nai ilamasi iyes alotai kus.

⁵Akuj bon edarit ayoŋ atitinyikinit, anerae neni keŋ aryamunitor ayoŋ aiuno.

⁶Iŋes bon erae aupal kaŋ ka aiuno kaŋ, aduketait kaŋ ŋinajiet; emam ibore eketubuli ayoŋ.

⁷Erae neni ka Akuj aiuno aiuno ka apolou; iŋes aupal kaŋ ŋina agogoŋon, iŋes akaiunan kaŋ.

⁸Okoe ŋituŋa kikinyoma Akuj; anerae Akuj iŋes erae akaiunan yok.

⁹Erae ŋituŋa daadaŋ ŋulucaryo ekieŋanu koŋin, erae ŋituŋa daadaŋ ŋulu itopolooritae ŋikoŋinae tari ketemar akipim anakilo, erae ikes koŋin ecaryooko ikes daadaŋ akilo tari ekieŋanu.

¹⁰Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

¹¹Adau Akuj alimun akirot apei bon, adau ayoŋ akiirar ŋakiro nu ŋaarei: Neni ka Akuj eyai apedor,

¹²ido neni kon okoe Ekapolon eyai amina ŋina nyiryaŋiryaŋa, anerae iropi iyoŋ ŋituŋa daadaŋ alopite a ŋolo itiyatotor ikes.