Read ngakarimojong Ŋikiru. 64 Bible Online

Ŋikiru. 64 - ngakarimojong bible

Ŋikiru. 64

¹Okoe Akuj, kiirarae ayoŋ, anakiŋuruŋura kaŋ; toiunae ayoŋ alomoe kaŋ a ŋulu ekemanito ayoŋ.

²Kiwuae ayoŋ nyikiryama ka ŋuna etukete ŋulu aronok anakimunono, nyikimyek ayoŋ alomari naruruma a ŋulu itiyaete ŋuna aronok,

³a ŋulu itokwanito ŋaŋajepa kec ikwa ŋileŋia, tocebete ŋakiro ŋuna apipilak ikwa aremot ŋina a ŋikaleŋeleŋe

⁴a ŋulu egumunitae aneni edapitere ŋulu emam ibore aronon itiyato; egumete ikes atipei ituŋanan ŋini emam ibore aronon itiyat, nyimyekinete.

⁵Iricito ikes nooi alosikinet kec ŋina aronon; irworosi ikes ŋakiro ŋuna ka adapununun ŋuluce pa eyenete, iŋitasi ebe, “Ŋae mono epedori akiŋolikin iwon?

⁶Ŋae epedori aripirip ŋakiro ŋuna aronok ŋuna itiyao iwon? Adaun iwon atamun erot ŋolo ejok ŋolo ecamunit ŋinituŋanan.” Anerae etau ka ŋatameta a ituŋanan, eyakatar ŋakiro ŋuna imunono.

⁷Nai isicani Akuj ŋituŋa ŋul; eari ikes pa eyenete.

⁸Aŋuna a ŋakiro a ŋuna aronok a ŋuna irworosi ikes emunaari Akuj ikes; imuŋumuŋakinete ŋituŋa daadaŋ ŋulu iŋolikinete ikes ŋakyes ebulit.

⁹Emini akuryanu lotuŋa daadaŋ; elimorete ŋituŋa ŋakiro ŋuna etiya Akuj, ido totamatamata ŋuna etiya Akuj.

¹⁰Emaikina ŋulu iyookino tolelyana aneni ke Ekapolon, ido toiun aneni ke Ekapolon; emaikina daadaŋ ŋulu iyookino alotai kipuro Ekapolon.