Read ngakarimojong Ŋikiru. 83 Bible Online

Ŋikiru. 83 - ngakarimojong bible

Ŋikiru. 83

¹Okoe Akuj, nyililiŋ; okoe Akuj, nyitakin cek, nyirubak pa imitakinit.

²Kiŋolik epite ŋolo eyeata ŋimoe kon aruruma, kiŋolik epite ŋolo itenitotor ikes ŋakyes.

³Etukete ikes a epali ŋakiro ŋuna itoroniaritotor ŋituŋa kon; etukonokin ikes ayere ŋakiro ŋuna itoroniyarere ŋituŋa kon ŋulu iuryarit iyoŋ.

⁴Ebasi, “Potu, omunyasi ikes daadaŋ anakwap kec, ikotere tojoŋoi atamunit ekiro a Isirael.”

⁵Alotooma atametait apei ecamunun ikes kaapei akitiya ŋuna ayeut; ecamunun ikes kaapei aremokin iyoŋ;

⁶ecamunun Ŋiedomi ka Ŋisimael Ŋimoabi ka Ŋiagiri,

⁷Ŋigebali ka Ŋiamoni ta Ŋiamaleki, Ŋipilistin ka ŋituŋa ŋulu ka akwap a Tiro;

⁸emorikin daŋ Ŋisiria ka ikes; akiyatakin agogoŋu neni a ŋipapae a Lot.

⁹Kitiya neni kec ŋuna ibu iyoŋ kitiya neni a Ŋimidian, kitiya neni kec ŋuna ibu iyoŋ kitiya neni a Sisera ka Yabin anayonae a ŋina a Kison.

¹⁰Ibu iyoŋ tomunya ikes alo En-Dor, apotu ikes tobosikis neni, toruwor ŋalup.

¹¹Kitiya neni a ŋikarikok kec ŋuna ibu iyoŋ kitiya neni ka Oreb ka Seeb, kilou ŋikepukak kec daadaŋ lopite ŋolo ibunio iyoŋ kilounia Seba ka Salemuna,

¹²ŋulu apotu temasi, “Ekamasi akwap ŋina ka Akuj toruwor ŋina yok.”

¹³Okoe Akuj kaŋ, kiela ikes kikokis apuwa, kiela ikes kikokis ŋamilo ŋuna iwokit ekuwuam.

¹⁴Tomunya ikes lopite ŋolo enomiyarya akim amoni tomunya ikes lopite ŋolo enomiyarya arira ŋinya alomoru,

¹⁵kirit ikes a akiru a ŋina ekusi nooi, kitubul ikes ke ekuwuam kon a ŋolo ekusi nooi.

¹⁶Kisurum ikes ŋileec nooi, ikotere nai ikes, okoe Ekapolon, ecamunete atemar epol apedor kon.

¹⁷Kimyek ikes kiruma ŋileec ka min ekaile ŋikaru ka ŋikaru; kimyek ikes totwaka anajamuwaro.

¹⁸Kimyek ikes toyenut atemar iyoŋ bon ŋolo erae ekiro kon Ekapolon iŋes erae ŋolo alokidiama nooi, ŋolo ipukat akwap daadaŋ.