Read ngakarimojong Ŋikiru. 84 Bible Online

Ŋikiru. 84 - ngakarimojong bible

Ŋikiru. 84

¹Okoe Ekapolon ŋolo a ŋajoresyo, epol nooi amina kaŋ aŋuna ka Akai kon.

²Ekeburit ayoŋ nooi ayakau Kai ke Ekapolon a etau kaŋ a daadaŋ ka a akuwan kaŋ a daadaŋ, aeikini ayoŋ ka alelyanu neni ka Akuj a ŋina eyari.

³Eduki tari suurui akai keŋ ka eduki akaporookot akai keŋ neni iwuakini ŋicwi keŋ diyete Namuroeta kon, okoe Ekapolon ŋolo etiron, ŋolo a ŋajoresyo, Erwosit kaŋ ka Akuj kaŋ.

⁴Elakara ŋulu iboiyete alo Kai kon ikipurosi iyoŋ a ŋinapaki daadaŋ.

⁵Elakara ŋulu eryamunito agogoŋ kec aneni ke Ekapolon, ŋulu iburit nooi ŋitai kec alosit Sion.

⁶Ani itorete ikes nakadipaalat ŋina aonon ŋina a Baka, [1] ituruworete akadipaalat ŋin ŋina eya ŋicowae ilelebianakini daŋ akiru ŋina ka akicereet ŋakipi nataparin a akadipaalat a ŋin.

⁷Iyata agogoŋu neni kec apaki ŋina elosyoto; iŋolikinete ikes alo Sion Akuj ŋina iloit ŋakujo daadaŋ.

⁸Okoe Ekapolon Akuj ŋina a ŋajoresyo, kiira akilip kaŋ; topupokinae, okoe Akuj a Yakob.

⁹Okoe Akuj, kiyok erwosit kosi, kiyok ka amina eseuna kon.

¹⁰Ejok nooi ayakaun akoloŋit apei Kai kon, akilo ayakaun iwace ŋarwa aliput, ejok ayoŋ nooi ayakau lopuke ŋolo ka Akai ka Akuj kaŋ akilo ayoŋ akiboi aloeemae a ŋituŋa a ŋulu aronok;

¹¹anerae Ekapolon Akuj iŋes ikitacaikini iwon erot ikwa akoloŋ ka ikiuryari ikwa aupal; ikiinanakini Ekapolon arimao ka apolou; mam ibore ŋini ajokan ŋini ewouni iŋes ainakin ŋulu iboiyete iyookino.

¹²Okoe Ekapolon ŋolo a ŋajoresyo, erereŋ ŋituŋa daadaŋ ŋulu ikikinyomito iyoŋ.