Read ngakarimojong Ŋikiru. 91 Bible Online

Ŋikiru. 91 - ngakarimojong bible

Ŋikiru. 91

¹Ituŋanan daadaŋ ŋini elosi aiuno neni ka Akuj a ŋina alokidiama nooi, erubakini eyai nakiuryaro ŋina ka Akuj a ŋina etiron.

²Atemari ayoŋ neni ke Ekapolon, “Irae iyoŋ neni aiunor ayoŋ ka aduketait ŋina ajio ayoŋ; irae iyoŋ Akuj kaŋ ŋina ekinyomit ayoŋ.”

³Ikiuryari Akuj iyoŋ anatyokisyo a daadaŋ a ŋuna nyileerete ka alodekesyo a ŋulu apotyok a daadaŋ.

⁴Ikimukori iŋes iyoŋ nyiloma locan, ido iryamuni iyoŋ neni iunor aneni keŋ; ikwaanikin akikinyoma keŋ ka aupal ŋina ikiuni alojie.

⁵Nyikuryaniar iyoŋ aŋuna a ŋatyokisyo a ŋuna ka akuwar, kori aŋuna a ŋijiesyo a ŋulu etakanunete naparan,

⁶kori aŋuna a ŋidekesyo a ŋulu enaŋunun nakwaare iryono akwap, kori aŋuna a ŋinyas a ŋulu etakanunete kidiŋ apaaran.

⁷Ipedori iyoŋ aarakin ŋimoe aliput kedyeny kon ka ŋalipyo ŋatomon teten kon, nai mam ipei daŋ ikiwani iyoŋ.

⁸Akiŋolikin bon iŋolikini iyoŋ epite ŋolo isicanere ŋulu aronok,

⁹anerae ituruwo iyoŋ Ekapolon neni iunor iyoŋ, ituruwo iyoŋ Akuj ŋina alokidiama nooi neni iboiyo iyoŋ.

¹⁰Mam aronis ebuni neni kon, mam ŋican epote lotuŋa kon,

¹¹anerae elimokini Akuj ŋimalaikan keŋ akiyok iyoŋ; ikiyok iyoŋ alorotin kon a daadaŋ.

¹²Ikidakete ikes iyoŋ a ŋakan kec, ikotere nyewan amoru tari ŋakejen kon.

¹³Ipudaari iyoŋ ŋiŋatunyo, ŋimuno ka ŋapomya, ipudaari iyoŋ ŋiŋatunyo ŋulu adedeŋak ka ŋimuno ŋulu eyakatar akisorit.

¹⁴Ebala Ekapolon, “Ikes ŋulu akaminasi ayoŋ, aiuni ayoŋ ikes; euryari ayoŋ ŋulu eminasi ekiro kaŋ.

¹⁵Ani akanyaraete ikes ayoŋ, aboŋokini ayoŋ ikes; ikiruki ikes ka ayoŋ anapaki a ŋina eyakatar locan, aiuni ayoŋ ikes, ido etopoloo.

¹⁶Ainakini ayoŋ ikes akiyar ŋina aoyan, ido aiuni ayoŋ ikes.”