Read ngakarimojong Ŋakit. 4 Bible Online

Ŋakit. 4 - ngakarimojong bible

Ŋakit. 4

¹Ŋidwe, topuponokinete ŋakiro ŋuna ikisirwori papa kus iyes, topuponokinete ŋakiro nu nooi, ikotere iyakaunotor ayenut.

²Ejokak ŋakiro ŋuna eketatami ayoŋ iyes, nyimyekis ŋakiro ŋuna eketatami ayoŋ iyes.

³Ani eriŋa ayoŋ arae edya ayai lore a papa kaŋ, eriŋa anakunit ka arae ayoŋ bon arae ikoku a toto kaŋ,

⁴abu papa kaŋ eketatam ayoŋ tema, “Kiric ŋakiro kaŋ alotau kon; kiwuap ŋakiciketa, ido iyari iyoŋ.

⁵Toryamu aosou, toryamu ayenut ŋakiro; nyikimuryakis ŋakiro kaŋ, kori nyiesik ikes.

⁶Nyiesik aosou, ikiŋarakini iyoŋ aosou, tomina aosou, ikiteni iyoŋ aosou.

⁷Erae aryamun aosou ibore ŋini epol nooi, aŋun, toryamu aosou. tari kiryamu iyoŋ ibore ŋinice daadaŋ, toryamu ayenut ŋakiro.

⁸Kituruwo aneni kon aosou ibore ŋini epol nooi, ikitopoloori iyoŋ aosou kon, ikituruwori aosou iyoŋ ŋini ikitopolooritae.

⁹Eruwor iŋes ebokot ŋolo ka ajokis kon, iwuakini aosou neni kon ebokot ŋolo ebusan nooi.”

¹⁰Ikaakoku, kiira ka tocamu ŋuna erworo ayoŋ, ikotere iboi ŋikaru ŋulu elalak.

¹¹Adau ayoŋ akitatam iyoŋ erot ŋolo ka aosou, adau ayoŋ akitoodikin iyoŋ ŋirotin ŋulu ka akiyookino.

¹²Emam ibore iriwokin lorot kon erae kilot iyoŋ irae ŋini ios, emam ibore ikigukini iyoŋ tari kiem.

¹³Kiric ŋuna ikilimokin, nyimyek ŋun ikimuryakis; kiyokite ŋuna ka aosou, anerae erae aosou akiyar kon.

¹⁴Nyiwuap ŋirotin a ŋulu aronok, nyiwuap ŋuna itiyaete ŋulu itiyaete aronis.

¹⁵Toŋer ŋun, nyiwuap ŋirotin ŋul, torotok a nen, ape iwace.

¹⁶Nyejotoonor ŋulu itiyaete aronis mati kitiyata ibore idio ŋini aronon; ekyenyete ikes jik eperete mati kewana ituŋanan ice.

¹⁷Imujete ikes akimuj ŋina eryamununeete anaronis kec, emasete ikes epiini ŋolo eryamununeete anaryenyeo kec.

¹⁸Nai ileere erot a ŋulu iyookino ikwaan ka alomunet a akoloŋ, ŋina ecauni iwadio iwadio akitodol ŋina ecaunia naparan ejok.

¹⁹Ikwaan erot a ŋulu aronok ka akiryonut ŋina iryono cuc, nyeyenete ikes atemar nyo ikiguk.

²⁰Ikaakoku topupok ŋakiro kaŋ ejok, toŋak akit kon nakiro ŋuna erworo ayoŋ.

²¹Nyicamak ŋakiro ŋun ikimuryakinete iyoŋ, kiric ikes alotau kon.

²²Erae ŋakiro ŋun akiyar aneni a ŋulu eyenunete ŋakiro ŋun, erae aŋaleu daadaŋ ŋina a ŋawat kec.

²³Kiyokite akiyar kon icoikinit ŋakiro daadaŋ, anerae nen eleleunia akiyar ŋina ajokan.

²⁴Nyirworo ŋakiro ŋuna erae alyokonu, tolema anakituk kon ŋakiro ŋuna ka amodiyo.

²⁵Nyiŋosupae ite ŋinibore, kitee kiŋaren kon bon.

²⁶Toye ejok akitiya ŋuna icamit akitiyakin, eruwor ŋuna itiyae iyoŋ daadaŋ ŋuna iyookino.

²⁷Nyitiyae ŋuna iyookino ka ŋuna aronok, torubak itiyae ŋuna iyookino bon.