Read ngakarimojong Ekal. 3 Bible Online

Ekal. 3 - ngakarimojong bible

Ekal. 3

¹Eyai apaki a ibore a daadaŋ, eyakasi ŋarwa aŋuna a etic a daadaŋ a ŋolo itiyao anakwap a na:

²Eyai apaki ŋina ikidounere ka eyai apaki ŋina itwania, eyai apaki ŋina itaere ka eyai apaki ŋina elemere;

³eyai apaki ŋinaaret ka eyai apaki ŋina kitaŋaleet; eyai apaki ŋina etiyaarere ibore min kwap ka eyai apaki ŋina edukokinere;

⁴eyai apaki ŋina igworore ka eyai apaki ŋina ekyenare; eyai apaki ŋina ka akiyaloloŋ ka eyai apaki ŋina idoŋaere;

⁵eyai apaki ŋina imasanarere ŋamoru ka eyai apaki ŋina ecunere ŋamoru iwapei; eyai apaki ŋina enuwatar ŋituŋa ka eyai apaki ŋina emaikina kimyekinere anuwa;

⁶eyai apaki ŋina iwarunere ka eyai apaki ŋina ecakarere; eyai apaki ŋina iyokiyere ejok ka eyai apaki ŋina imasarere nariet;

⁷eyai apaki ŋina ecilere ibore ka eyai apaki ŋina edonyokinere; eyai apaki ŋinakililiŋet ka eyai apaki ŋinakirworikinet;

⁸eyai apaki ŋinaminakinet ka eyai apaki ŋinaremokinet; eyai apaki ŋina a ejie ka eyai apaki ŋina a ekisil.

⁹Nyo mono ikiryamuni iwon aloticisyo yok a daadaŋ?

¹⁰Eŋolik ayoŋ etic ŋolo einakinit Akuj ŋinituŋanan akitiya.

¹¹Eturuwo Akuj ibore daadaŋ ŋini ejok apaki ŋina eyakar ibore ŋin; adau daŋ Akuj akiwuakin lotai a ŋituŋa ayenut ŋuna alunyar ka ayenun ŋuna eponito alokiŋaren, kerae tomam ayenut ŋin aneni a ituŋanan, pa kepedorit ituŋanan ayenun etic ŋolo itiyae Akuj ŋinapei anakisyakinet tari momit nasalunet.

¹²Ayeni ayoŋ atemar mam ibore itojokito ŋituŋa alemar araakau ŋulu elakara ka ŋulu elelyanete ŋawat kec apaki daadaŋ ŋina ka akiyar kec.

¹³Erae daŋ nu ainakinet ŋina ka Akuj, emaikina ŋinituŋanan kimuj ka tomat, kilubulub analelyanu ibore daadaŋ ŋini adau iŋes aryamun aŋuna a etic keŋ.

¹⁴Ayeni ayoŋ atemar ŋuna daadaŋ itiyae Akuj, erubakinete ŋikaru ka ŋikaru; mam ibore iyatakino nen, kori mam ŋini elemaryo a nen; etiya Akuj ŋun, ikotere ŋituŋa daadaŋ itopoloorete Akuj;

¹⁵Ibore daadaŋ ŋini eyai, ayai sek ekiŋaren, ibore daadaŋ ŋini eyakaun, ayai sek ekiŋaren; itoboŋonokini Akuj ibore ŋini sek ayai toyakaun nabo.

¹⁶Abu nabo ayoŋ eŋolik anakwap a na atemar akilo atubonokin anakiyookino, etubonokinete ŋituŋa ŋuluce anaronis ka akilo akitiya ŋuna iyookino, itiyaete ŋituŋa ŋuna aronok.

¹⁷Abu ayoŋ otam bon otema, “Etubi Akuj ŋakiro a ŋituŋa a ŋulu iyookino ka ŋuna a ŋulu aronok, anerae adau Akuj akitemokin apaki ŋina a ŋunakiro daadaŋ ka ŋina a ŋolotic daadaŋ.”

¹⁸Abu daŋ ayoŋ otam bon otema, “Ani eruwor ŋituŋa, ikatanakini Akuj ikes, ikotere eyenunete atemar erae ikes ŋityaŋ koŋin.

¹⁹Ikwaan ŋuna itiyakin neni a ŋituŋa ka ŋuna itiyakin neni a ŋityaŋ, lopite ŋolopei etwakyata ŋituŋa daŋ, etwakete ŋityaŋ daŋ. Kieŋasi ŋituŋa lopite ŋolo ieŋatar ŋityaŋ, mam ibore ejokyata ŋituŋa akilo ŋityaŋ, anerae eruwor ŋul daadaŋ ŋikoŋinae.

²⁰Elomarete daadaŋ nakibois apei, elomunete daadaŋ analup ka eboŋorete daadaŋ nalup.

²¹Mam ŋini eyeni kelosete ŋitai a ŋituŋa kidiama, kori kelosete ŋitai a ŋityaŋ kwap ŋalup.”

²²Aŋun abu ayoŋ oyenu atemar mam ibore itojokito ŋituŋa alemar aryamun alelyanu aŋuna a etic kon a ilope, anerae erae alelyanu ŋin ainakinet keŋ, ŋae epedori akiteyarun ituŋanan ketwana, kisiŋolik ŋuna eponito alokiŋaren?