Read ngakarimojong Aos. 15 Bible Online

Aos. 15 - ngakarimojong bible

Aos. 15

¹Nai neni kon Akuj kosi eyakasi nu: arimao ka ŋuna a kire, atitinyikinit ka akipukat ŋiboro daadaŋ anakisyon.

²Tari kikisec isua, ikirae isua ŋulu kon, ikiyeni apedor kon; nai nyikiseci isua, anerae ikiyeni isua atemar iyeni iyoŋ atemar ikirae isua ŋulu kon.

³Erae ayenut iyoŋ akiyookino ŋina a kire ka erae ayenut apedor kon akisyakinet ŋina a ŋini nyetwani.

⁴Nyeoliyoro isua nakiwuap ŋuna a ŋakujo a ŋuna itiyaunit ituŋanan anapiiryanut keŋ, kori nakiwuapit akibuses a ŋitorubei a ŋulu iositae ŋiraŋgi, nakilip neni a ŋitorubei a ŋulu iwuanakinitae ŋiraŋgi ŋulu egelegelya,

⁵Ŋitorubei ŋulu isupanari etakane kec ŋibaŋaanotin, tosodo nai kiburak ikes akilip neni a ibore a ŋini nyeyari, a ŋini erae etorube a ekatwan.

⁶Ŋituŋa ŋulu eminasi ŋiboro ŋulu aronok ka itamara nakigeno ŋina a niboro a ŋul, erae ŋulu itiyaete ŋiboro ŋul, kori ŋulu iburit akilip neni a ŋiboro a ŋul.

⁷Emunauni ekayan ŋiboro a ecoto, ido kitiyau ejok nooi eborosit ŋolo epedoryo iwon akisitiya toyeu alocoto a ŋolopei, ŋiboro ŋulu ajokak ka ŋice ŋulu nyejokak nai eyeuni iŋes ŋinibore aŋuna a ŋolotic.

⁸Anakicanican apaki kec, eyeunete ikes etorube ŋolo ka akuj alocoto a ŋolopei, etorube a ituŋanan ŋolo itiyaunete ikes a ecoto ŋol, erae ŋolo emunaar atipei toruwor nabo ŋalup ŋuna alemunere ŋituŋa daadaŋ ani edoli apaki ŋina eboŋoryata ŋalup nalup, elemaryo akiyar ŋina aponi kiwuakinae nalup ŋun.

⁹Nai nyemisito ŋikayiak ecoto atemar eyai apaki ŋina emaikina ituŋanan totwan, kori nyeyenete atemar euruwuana akiyar a ituŋanan, nai ecamito ikes akiloiloa ka ŋulu eyeete ŋiboro a egolid ka esilipa ka erokete akitiya ŋiboro a ŋulu itiyaete ŋiboro anasuwat a ŋinanyaŋ, etamete ikes atemar ikitiyae ibore ŋini apolon nooi anayere ŋakujo ŋuna isikwaanitae ka icebore.

¹⁰Erae ŋitai a ŋikayiak a ŋul ekuron, erae akigeno kec ŋinakoŋinait akilo tari aŋoryanut ka erae akiyar kec ŋinacaryoit akilo tari ecoto,

¹¹anerae apotu ikes nyeyenut ŋini etiyauni ikes, ido inak ikes ŋitai ŋulu itiyaete ka kieŋak neni kec ŋitai ŋulu eyarete.

¹²Nai apotu ikes totamakis akiyar yok erae ŋinakiboiyet koŋin, kituruwosi ŋirwa ŋulu a ŋasuban ŋuluryamunet ibore idio, anerae apotu ikes totamakis atemar emaikina ituŋanan toryamu ŋisiliŋa ŋulu daadaŋ epedori aryamun, tari kerae anakitiya ŋuna aronok.

¹³Ayenete ŋituŋa lu akilo ŋituŋa ŋuluce daadaŋ atemar aseca ikes apaki ŋina etiyauniata a ecoto koŋin ŋiboro ŋulu epatana abwaŋa ka kiceut ŋitorubei.

¹⁴Nai ŋulu ebaŋaaka nooi ka ŋulu iyaloloŋete nooi akilo tari ŋiŋwea, erae daadaŋ ŋulu erae ŋimoe ŋulu etiŋito ŋituŋa kon erono;

¹⁵anerae apotu ikes totamakis atemar erae ŋitorubei kec daadaŋ ŋulu etiyaunitae a ecote ŋakujo tari daŋ pa kepedorito ŋitorubei ŋul akiŋolikin a ŋakonyen kec ka akieŋa alokumes kec, kori akiirar a ŋaki kec, kori ayenun ibore a ŋimoyo kec, ido nyepedorito alosit a ŋakejen kec;

¹⁶anerae ituŋanan etiyauni ikes, ituŋanan ŋini iwuakinitae etau neni keŋ iŋes etiyauni ikes. Emam ituŋanan epedori akitiyaun akuj ŋina ikoni ituŋanan pei.

¹⁷Erae ŋituŋa ŋulu iboiyete, ido totwaka, ido ibore ŋini itiyauni ituŋanan a ŋakan keŋ anaronis keŋ, erae ŋini etwanit ŋinapei anakitiyaunet, anerae ejokak ŋituŋa akilo ŋitorubei ŋulu ilipete ikes neni kec, anerae eyakatar ŋituŋa akiyar, nai emamukatar ŋakujo akiyar.

¹⁸Apotu ŋituŋa kilipa tari neni a ŋityaŋ a ŋulu aronok nooi, ŋityaŋ ŋulu eroko nooi akilo ŋuluce daadaŋ, ŋityaŋ ŋulu tari ketamaki ituŋanan eryamuni atemar edit aosou kec

¹⁹ka tari kerae ikes ŋityaŋ, nyetakanete erae ŋulu ibusak, ŋulu ejoikinete ituŋanan, etwakiyarito ŋityaŋ ŋul akitojokyo ka ŋarereŋisyo aneni ka Akuj.