Read ngakarimojong Aos. 9 Bible Online

Aos. 9 - ngakarimojong bible

Aos. 9

¹“Okoe Akuj atapapaa kaŋ ka Ekapolon ŋolo esyonon, iyoŋ ibu kitiyau ŋiboro daadaŋ a akirot kon,

²ibu iyoŋ anaosou kon kitiyau ituŋanan apolokin ŋisubuna ŋulu ibu iyoŋ tosub

³ka kipuka akwap anasegis ka anakiyookino ka totub ŋakiro anakiyookino a ŋina ke etau.

⁴Inakinae ayoŋ aosou ŋina iboi alodiyete apukan kon, nyikiŋer ayoŋ alokidiŋ ŋiketiyaŋ kon;

⁵anerae arae ayoŋ eketiyan kon, lokoku a aketiyan a ŋina itiyae neni kon, arae ayoŋ ekile ŋolo apalag ka ŋolo euruwuana apaki ŋina eboiyo, akayakar ayoŋ ayenut ŋina edit anakitub ŋakiro ka alokisila;

⁶anerae tari ŋini ejok alotuŋa, ituruworyo ikoŋinait kemamukar aosou ŋina ebunit aneni kon.

⁷Idau iyoŋ aseun ayoŋ aruwor erwosit a ŋituŋa kon ka aruwor ekatubon ŋolo apolokinit ŋidwe kon ŋulusapa ka ŋulupesur.

⁸Idau iyoŋ alimun atemar todukoe Akai ka Akuj kidiama emukura kon ŋolo asegan ka todukoe namuroet lotaun ŋolo iboiyo iyoŋ. Erae akai ŋin akisikwaanet a Akai a ŋina ibu iyoŋ kitemok ŋinapei anakisyakinet a ŋinibore.

⁹Iyakar iyoŋ aosou ka eyeni aosou ŋin ŋuna itiyae iyoŋ ka ayai apaki ŋina isubunia iyoŋ akwap, eyeni aosou ŋuna ejokak alokiŋaren kon ka ŋuna iyookino alopite a ŋolo eyakatar ŋakiciketa kon.

¹⁰Kiyaku aosou ne anakuj aneni asegan ka anapukan kon a ŋina ka apolou, ikotere itiyae alodiyete kaŋ ka ikotere ayoŋ oyenu ŋuna ikitalakarito iyoŋ.

¹¹Erae ŋun anerae eyeni aosou ŋiboro daadaŋ, ido eketeni iŋes ayoŋ arae ŋolo aos anakiro aŋuna etiyae ka ekeyoki iŋes ayoŋ alotooma apolou keŋ.

¹²Eruwor nai ŋiticisyo kaŋ ŋulu ecamunitae ka atubi ayoŋ ŋakiro a ŋituŋa kon anakiyookino aruwor ayoŋ ajok elunyokin lokicoloŋ a papa kaŋ epuka.

¹³Ŋae epedori ayenun acamit ŋina ka Akuj? Kori ŋae epedori ayenun ŋuna iitanit Ekapolon?

¹⁴Anerae erae ŋuna etamete ŋituŋa ŋakoŋinae, ido emam ŋuna ikitiyakini iwon aŋuna ka aosou yok make;

¹⁵anerae itapalagagit ekuwane lo akiyar ŋina ke etau ka isicanit ekuwane ŋolo itiyaunitae a ŋalup lo ŋatameta ŋuna etamete nooi ŋakiro.

¹⁶Ikipedori iwon atamakin atemar ŋuna eya nakwap ŋun ka ibore ŋini ikiyakar iwon, ikisitiyae iwon ŋin, nai ŋae ekatak ayenun ŋuna eyakasi nakuj?

¹⁷Ŋae Akuj ayenu acamit kon, erae pa kiinakinit iyoŋ iŋes aosou kon ka pa kiyakikinit iyoŋ iŋes etau kon alokidiama?

¹⁸Alopite a ŋol, ainakin ŋituŋa anakwap akiwuap ŋuna iyookino, aponi kitatamae ŋituŋa ŋuna ikitalakarito iyoŋ ka abu aosou toiu.”