Read ngakarimojong Sir 17 Bible Online

Sir 17 - ngakarimojong bible

Sir 17

¹Abu Ekapolon kitiyau ituŋanan a ŋalup, ido kituruwo iŋes ituŋanan ŋini eboŋori nabo nalup.

²Abu iŋes inak ŋituŋa akiboi ŋirwa ŋulu imaruna, nai abu inak ikes apedor ŋinapolokinet ibore daadaŋ anakwap.

³Abu inak ikes agogoŋu ŋina ikwaan ka ŋina keŋ a elope, ido abu tosub ikes eyakatar ŋasima keŋ.

⁴Abu kiwuak losubun ŋulu eyarete akuryanu aŋuna a ŋituŋa, abu inak ŋituŋa apolokin ŋityaŋ ka ŋikeny. [5]

⁶Abu inak ŋituŋa ŋakiro ŋuna irworosi ikes ka ŋakonyen ŋuna kiteet, ŋaki ŋunapupet ŋakiro ka ŋatameta ŋunatamatamaet.

⁷Abu kilelebik neni a ŋituŋa aosou ka ayenut, ido kitoodik ikes ŋuna ajokak ka ŋuna aronok.

⁸Abu kiwuak lotai kec akitopoloorit iŋes, akitoodiunia ailiil ŋina a ŋisubuna keŋ.

⁹Amaikina ŋituŋa kiserata ailiil ŋina a ŋisubuna keŋ;

¹⁰amaikina ŋituŋa kipuro ekiro keŋ ŋolo asegan.

¹¹Abu kiwuak aosou neni a ŋituŋa, ido inak ikes ekisil ikwapei akisyakinet ŋina ka akiyar.

¹²Abu Ekapolon tocamunos ka ŋituŋa anacamunet a ŋina a ŋikaru ka ŋikaru, ido kisileerek neni kec ŋakiro ŋuna atubunit iŋes.

¹³Apotu ŋituŋa kiŋolikis apolou keŋ ŋina ailiilon, ido apotu kiirasi apolou ŋina a etoil keŋ.

¹⁴Abu Ekapolon tema neni kec, “Tocoito aronis daadaŋ.” Abu Ekapolon inak ikes a ŋinituŋanan ŋuna emaikina kitiya aŋuna a ikidunyet keŋ.

¹⁵Eyeni Ekapolon ŋakiro daadaŋ ŋuna iwuapito ŋituŋa; nyepedoryo akiwua ŋun alokiŋaren Ekapolon. [6]

¹⁷Abu Ekapolon toseu ekepukan aŋuna a ŋinakwap, nai erae Isirael akwap ŋina ipukat iŋes. [7]

¹⁹Ileerete ŋiticisyo a ŋituŋa aneni a Ekapolon lopite ŋolo ileereo akoloŋ, ido ite Ekapolon a ŋinapaki ŋuna iwuapito ŋituŋa.

²⁰Ileerete aneni ke Ekapolon ŋasecisya a ŋituŋa, eyeni ekapolon ŋasecisya kec daadaŋ. [8]

²²Ejok akiŋaranakin a ituŋanan ŋikulyak erae ibore ŋini ejok aneni a Ekapolon nooi lopite ŋolo ejokya ekaboboot ŋolo ka apolou; ido erae arimao a ŋituŋa aneni a Ekapolon ibore ŋini ejok ŋini ikwaan ka akiyar.

²³Ekaku ebuni Ekapolon atubokin ŋulu aronok, ido kisican, ido eryamunete ikes ŋuna emaikina toryamut.

²⁴Kikote neni daŋ, ŋulu ekiyete ŋasecisya kec, eboŋorete neni a Ekapolon. Emina Ekapolon a ŋinapaki akisimukyanakin ŋulu ecamito akimyekin akigeno kec. Anyarauno nakiki ŋasecisya.

²⁵Toboŋosi neni a Ekapolon, ido toŋero ŋasecisya kus; kilipa alokiŋaren keŋ, ido toŋero ŋadyakanareta kus.

²⁶Toboŋosi neni a Ekapolon a ŋolo alokidiama nooi, ido toŋero ŋasecisya kus ka kitoroniyasi nooi ŋuna nyecamit iŋes.

²⁷Ŋae epedori akipuro Ekapolon ŋolo alokidiama nooi anakibois a ŋikatwak, ŋini ipuri Ekapolon lopite ŋolo ipurotor elakara ŋulu eyarete elakara neni keŋ?

²⁸Adaun alakanar neni ke Ekapolon anakibois a ŋikatwak lopite ŋolo edaunor ituŋanan; erae ŋulu eyarete ikes ipurosi ka alakara neni a Ekapolon.

²⁹Epol nooi akisyon ŋina ke Ekapolon ka epol nooi akisyon keŋ neni a ŋulu eboŋunete neni keŋ.

³⁰Nai nyerae ŋun ŋuna eyakatar ŋituŋa, anerae nyerae ŋituŋa ŋulu nyetwakeneneete.

³¹Nyo ecai nooi akilo akoloŋ? Nai tari akoloŋ, iteriboonori akwap kirwoniar cuc. Aŋun, epatana aronis arapuwar ŋatameta a ŋituŋa.

³²Epedori Ekapolon akiturubakin ŋisubuna ŋulu alokidiama eya nen, nai erae ŋituŋa daadaŋ apuwa ka ekuron.