Read ngakarimojong Sir 18 Bible Online

Sir 18 - ngakarimojong bible

Sir 18

¹Ailiil ŋina ka Akuj Akuj ŋina eyari ŋikaru ka ŋikaru iŋes abu tosub ibore daadaŋ;

²Ekapolon bon iyookino. [9]

⁴Nyeinakina Akuj esubuna edio akisera ŋuna a ŋisubuna keŋ ka ŋae epedori aripiripuun toyenu ŋiticisyo keŋ ŋulu ka aumokin?

⁵Ŋae epedori ayenun neni etya apedor keŋ ŋina ailiilon? Ŋae epedori alimun ŋakiro daadaŋ ŋuna ka akisyon keŋ?

⁶Nyepedoryo iwon alemar ŋadi anakiro a ŋun, kori akiyatakin ŋadi, kori nyepedoryo iwon ayenun ŋaumokiniata ŋuna etiya Ekapolon.

⁷Ani apaki ŋina irikakiniata ŋituŋa atamatam ŋakiro ŋun, erae ageun isyakinete ikes atamatam, ido ani ejoŋoete ikes atamatam, erubakinete ikes etamete neni ikokinete.

⁸Ataŋae mono ŋituŋa ka ŋikainyo mono ikes? Nyo ejok aneni kec ka nyo ejok anaronis a ŋina itiyaete ikes?

⁹Elalak ŋirwa ŋulu ka akiyar kec erae kedol ŋikaru kec amiat.

¹⁰Ikwaan ŋikaru ŋul ekudyoko ka ŋakipi ŋadi ananam, kori imorut ipei ŋini ka asinyon erae kisikwaanikin ka ŋirwa ŋulu a ŋikaru ka ŋikaru.

¹¹Ŋakiro ŋun, ikes eriŋaakar Ekapolon idarunit ŋituŋa potu neni keŋ, ka ebukununui akisyon kec neni kec.

¹²Ite iŋes ŋituŋa ka eyeni atemar asalunet kec erae ŋina a ŋican, aŋun, einakini ikes akisyon a ŋinapaki daadaŋ.

¹³Erae akisyon a ŋituŋa ŋina a ŋikidunyet kec, nai erae akisyon ŋina ke Ekapolon ŋina a ŋinibore eyari a daadaŋ. Ikiŋenyanakini ka ikisirworiununui ka ikitatami Ekapolon iwon, ido ikinyaka iwon neni keŋ lopite ŋolo ebuunia ŋamesekin keŋ.

¹⁴Eyakar iŋes akisyon neni a ŋulu ecamunete akisirworiuno keŋ, ka ŋulu iitanito akiwuap ŋikisila keŋ. Etau ŋolo iyookino anainanakin ibore neni a ŋikulyak

¹⁵Ikaakoku, nyimorik ebura ka ŋiticisyo kon ŋulu ajokak, kori nyimunaiya ainakinet kon a ŋakiro a ŋuna a ŋiyany.

¹⁶Nyeyaunete mono ŋakopi ŋakipi neni a ibore a ŋini enomiyarit amwanis a? Aŋun, nyejok akirot akilo ainakinet.

¹⁷Kire, nyepedori mono akirot akilopiyar ainakinet ŋina ajokan a? Epedor ŋun ŋaarei aryamun aneni a ituŋanan a ŋini ajokan.

¹⁸Erae ibaŋaanot ŋini nyejok ka iyanyana, ido ainakinet a ekainakinan a ŋolo nyecamit ainakin ibore erae ŋina itumuimui ŋakonyen. Akiitanit ŋina ka atamatam ka akiyokuno bon

¹⁹Ani eriŋa iyoŋ nyirworikina, toyenu mono ŋakiro ka ani eriŋa iyoŋ nyedyakakina, kiyokite akonikuwan erae ŋina eŋale.

²⁰Ani eriŋa atubokino nyedoluno, toripiripi bon ekoniyakae, ido ani edoli apaki ŋina ikiŋisere ŋakiro, iryamuni iyoŋ akisyonio.

²¹Ani eriŋa iyoŋ nyedyakakina, kitiditeun bon, ido ani kidau iyoŋ akisec, toki.

²²Nyemaikina ibore idio ikitukuruwo iyoŋ akisiyookin ŋuna idau iyoŋ akikoŋ, ido nyidar akitodol apaki ŋina ikisiyeŋunia iyoŋ atwanare anakiro a ŋuna irubakinit iyoŋ itiyae.

²³Ani eriŋa iyoŋ nyiikina, kitemokin bon; nyikwaanikinosi ka ituŋanan ŋini ecamit akitem Ekapolon.

²⁴Totam ŋakiro ŋuna ka anyunyura a Ekapolon akoloŋit ŋina ka atwanare kon ka ŋuna ka apaki a ŋina ka akinyaŋ ŋakiro apaki ŋina ejoŋoo Ekapolon akitere iyoŋ.

²⁵Anapaki a ŋina elalaa akimuj, totamunite apaki ŋina ka akoro; alorwa a ŋulu ke ebari, totamunite akulyako ka akiitanit.

²⁶Iloconokin ŋakiro ameun naparan akitodol eboŋ; epedori Ekapolon akitasalun ŋinibore atipei alokiŋaren keŋ.

²⁷Eosokinit ituŋanan ŋini aoson ibore daadaŋ ŋini itiyae iŋes; ani eyakaun asecit nakibois daadaŋ, emaikina ituŋanan tocoik akitiya ŋuna aronok.

²⁸Ituŋanan ŋini apiiryanan daadaŋ eyeni ŋuna ka aosou, ido ipuri ituŋanan ŋin ituŋanan ŋini eryamuni aosou.

²⁹Ŋituŋa ŋulu epiiryaka anakirworo ŋakiro, eruwor ŋulu eosok, ido irworosi ŋakitadapeta ŋuna iyookino. Akiyokiuno bon

³⁰Nyiwuapit ekibure ŋolo ka akuwan kon, nai kiretak ekibure ŋolo a ibore a ŋini icamit iyoŋ.

³¹Ani kicamak iyoŋ akiyar kon eyakaun nalakara ŋina a ekibure a akuwan kon, ikituruwori iyoŋ ŋini ikikyenatar ŋimoe kon.

³²Nyiruwor ŋini ileilei ŋinibore apaki ŋina iryamunitor ibore ŋini alalan, acepaki ikitukulyakani iyoŋ etyae ŋolo a ibore a ŋin.

³³Nyiruwor ekelipanaran anakitemonokin ŋasuban ŋuna erae ŋisiliŋa ŋulu ideniunuyo egyelere akimuj, tomam ŋisiliŋa eyakasi locwee kon.