Read ngakarimojong Sir 19 Bible Online

Sir 19 - ngakarimojong bible

Sir 19

¹Ituŋanan ŋini itiyae ŋun, nyebari; ituŋanan ŋini ejamuwarit ŋiboro ŋulu edisyak, emunaar iwadio, iwadio.

²Itooliyori epiini ka ŋaberu ŋikilyok ŋulu epiiryaka, ido ekile ŋolo italalat arukit ka ŋamalaae, erae ŋolo nyiyokiuno bon.

³Eruwor iŋes ŋolo ebosuni ka ŋolo a ŋikur, ido itoŋopiaryo ituŋanan ŋini nyiyokuuno bon. akitoroniyarit erwor car

⁴Ituŋanan ŋini ikinyomi ŋuluce atipei, erae ŋini nyetami nooi, ido ŋini esecenene, itiyae ŋuna nyiyookino neni keŋ bon.

⁵Ituŋanan ŋini elelyani anakitiya ŋuna aronok, itoroniyaryo,

⁶nai ŋini eremokino asyomar ŋuluce eyakar aronis ŋina edit.

⁷Nyiboŋonokini akirworo ŋakiro ŋuna erikakin erwor, ido emam ŋuna ikitakadakinete iyoŋ.

⁸Nyilimok ekone kori emoit ŋakiro ŋuna iyeni atemar eroko, mati kiyeni iyoŋ atemar eruwor asecit aneni kon erae kimunon,

⁹anerae acepaki kikiirarit sek iyoŋ ituŋanan ice, ido ikiteo, ido alotooma apaki ŋina euruwuana, ikimani iŋes iyoŋ.

¹⁰Eya ŋakiro iirarit iyoŋ a? Kililiŋia ŋakiro ŋun. Totitinyor, nyepedorete ŋakiro ŋun akielun kiŋa erae ŋuna aarak iyoŋ.

¹¹Ŋina iirarya ibaŋaanot ŋakiro ŋadi ŋuna emaikina kimunonoe, eryamuni iŋes aryeba ŋina ikwaan ka ŋina ka aberu a ŋina eryeba aŋuna ka akidoun.

¹²Lopite ŋolo eupakinor ekaleŋeleŋet namuro a ituŋanan, ikote nenipei ŋakiro aneni a ituŋanan a ŋini irworor ŋuluce.

¹³Kiŋitiŋiti ekone ŋakiro, acepaki nyitiyat iŋes ŋun; kori ani kitiyat iŋes, nyeboŋokini nabo akitiya ŋun.

¹⁴Kiŋitiŋit ikidunyet ŋakiro, acepaki nyelimunit iŋes ŋun; kori ani kelimunit iŋes, nyeboŋokini nabo alimun ŋun.

¹⁵Kiŋitiŋit ekone ŋakiro, anerae epedorete aruwor ŋuna isudokinitae iŋes, aŋun, nyinup ŋakiro daadaŋ ŋuna iirari iyoŋ.

¹⁶Epedori ituŋanan akibutor irworo ŋakiro pa ecamit iŋes alimun, ŋae nyeseca anakiro a ŋuna irworo?

¹⁷Kiŋitiŋit ekidunyet kon ŋakiro eriŋa iyoŋ nyetemara itiyae ŋadi ŋuna aronok neni keŋ, ka kimyek ekisil ŋolo ke Ekapolon a ŋolo alokidiama nooi totub ŋun. [10] Aosou ŋina a kire ka ŋina ka alyokonu

²⁰Erae aosou daadaŋ akitopoloorit Ekapolon ka tooma aosou daadaŋ eyai akisiyookin ŋikisila. [11]

²²Erae ayenut akitiya ŋuna aronok amamukau ŋina ka aosou, emam akitatam ŋina ajokan ŋina epedorete ŋikasecak alimokin.

²³Eyai aosou ŋina itiyaata ŋituŋa ŋuna aronok, ka eyai ibaŋaanot ŋini emamukar aosou.

²⁴Ejokak ŋituŋa ŋulu itopoloorito Akuj tari kemamukatar ayenut, akilo ŋulu apiiryanak nooi ŋulu ebilibiliyete ŋikisila.

²⁵Epedori ituŋanan aruwor ŋini eos nooi, nai nyitiyae ŋuna iyookino ka eyakasi ŋituŋa ŋulu eŋerito ajokis aŋuna ka aryamunia ŋuna nyetubokinitere.

²⁶Eyakasi ŋituŋa ŋulu iluuruyete nooi igworosi, nai alotooma kec, ileleba amodiyo.

²⁷Iwuete ikes ŋireetin kec, ido kiredakis esibit nyepupete ŋakiro, nai ani kemam ituŋanan ite ikes, itiyaete ikes ŋuna aronok neni kon.

²⁸Tari kemamukatar ikes agogoŋu ŋina itepedori ikes arubakin eseceneneete, itiyaete ikes jik ŋuna aronok apaki ŋina eryamuniata apaki ŋinakitiyaet.

²⁹Eyenen ituŋanan alotakane keŋ ka eyenunio ituŋanan ŋini etami ejok apaki ŋina iryamunotor ekiŋaren.

³⁰Epedori enapitene a ituŋanan ka akyena ŋina ebunit alotau keŋ ta epite ŋolo elosyo ituŋanan akitoodiun ŋipitesyo a ituŋanan a ŋin.