Read ngakarimojong Sir 25 Bible Online

Sir 25 - ngakarimojong bible

Sir 25

¹Ŋulu emaikina kipuroe Alakara ayoŋ a ŋakiro a ŋauni, ejokak ŋakiro nu alokiŋaren Akuj ka ŋituŋa: Acamuna alokidiŋ ŋikaitotoi ka ŋakaitotoi, akoneo alokidiŋ ŋikidunyet ka ekiboiye ŋolo ajokan alokidiŋ aberu ka ekile.

²Aremokino ayoŋ eyakae a ŋikabilae a ŋiuni a ŋituŋa, aŋerit ayoŋ ŋipitesyo ŋulu ka akiyar kec lu: Ituŋanan ŋinikulyakit ŋini ituro, ituŋanan ŋini ebarit tomodiyana, ka ituŋanan ŋini emojoŋit tobaŋaana ŋini itiyae ŋuna ke elomi.

³Ani pa kiŋadakinit iyoŋ idiobore anasoroko kon, ikokini nai iyoŋ iryamuni idiobore kimojoŋ ai?

⁴Ejokak iirari ŋakiro ŋuna etubio ituŋanan ŋini emojoŋit ŋakiro ka erae ibore ŋini ajokan ŋikasikou araakau ŋilopeyek a eikiiko.

⁵Ejokak iirari ŋakiro ŋuna ka aosou ŋuna irworosi ŋimojoŋ, ejok aryamun ayenut ka akisirworiuno aneni a ŋulu itopolooritae.

⁶Ayenut ŋuna alalak ŋuna idau akitiya iŋes erae ebokot ŋolo a ŋimojoŋ ka akituro kec iŋes akitopoloorit Ekapolon.

⁷Apedori ayoŋ atamun ŋikanikaomwon ŋulu atemari ayoŋ erae ŋulu erereŋ, ido eserae ayoŋ a aŋajep kaŋ ŋolo a ŋitomon: Ituŋanan ŋini elelyani aŋuna a ŋidwe keŋ; ituŋanan ŋini erubakini eyari kiŋolik ŋimoe keŋ emunyar.

⁸Elakara ekile ŋolo iboiyete ka aberu ŋina eyeni ŋuna ajokak ka ŋuna aronok ka ŋolo nyeenianakini emoŋ ka esigirya akitaa. Elakara ituŋanan ŋini nyeseci anakirworo ka ŋini nyitiyae aŋuna a ŋini edit akilo iŋes.

⁹Elakara ituŋanan ŋini eryamuni ekone ka ŋini irworo neni a ŋulu epupete ŋakiro keŋ ejok.

¹⁰Epol nooi ituŋanan ŋini eryamuni aosou. Nai mam ŋini epol akilo ŋini itopoloorit Ekapolon.

¹¹Akitopoloorit Ekapolon iŋes iloit ŋinibore daadaŋ, ŋae ikipedorya iwon akisikwaania ŋini itopoloorit Ekapolon? [13] Aronis ace ŋina erono nooi akilo

¹³Erono ajeme, nai erono nooi amamukau amina alotau kon; erono ŋinaronis daadaŋ, nai erono nooi ŋina isyakini aberu.

¹⁴Eroko ŋican daadaŋ, nai erono aryamun ŋican aneni a ŋulu ikimanito, erono akinyaŋia ŋuna itiyatae, nai erono nooi ŋina a ŋimoe kon.

¹⁵Emam akisorit ŋina aronon akilo akisorit ŋina ke emun ka emam aŋoit ŋina aronon akilo anyunyura a aberu. Aronis a aberu a ŋina aronon

¹⁶Ejok ayoŋ akiboi ka eŋatuny ta epiu akilo akiboi ka aberu ŋina aronon.

¹⁷Ilocokini aronis epite ŋolo sek etakania aberu ido isiryoni ereet keŋ kikok ŋolo a ityaŋ a ŋini adedeŋan.

¹⁸Ŋina iboikinotor ekile ka ŋikidunyet, nyejoŋoe iŋes aumonokin ieŋa eŋoit nooi.

¹⁹Edit asecit daadaŋ erae kisikwaani ka ŋina ka aberu a ŋina esecit, elipi kitiyakin naberu ŋin ŋakiro a ikasecan.

²⁰Ikwaan aberu ŋina aronon a ŋipitesyo ŋina erukito ka ekile ŋolo eliliŋan ka adokar ŋimojoŋ lomukura itorito lorot ŋolo eyai asinyon.

²¹Tocoite nyikikama akibuses a aberu ka nyiyakaunor ekibure aŋuna ka aberu a ŋina eyakar ŋiboro ŋulu alalak.

²²Ani kerae aberu itiyae ibore daadaŋ aŋuna a ekile, eryamuni ekile ŋol anyunyura, aŋoit ka ajamuwaro.

²³Epote nu neni a ekile aneni ka aberu a ŋina aronon: Amamu akinapakina a ŋatameta, anyoridid a ereet ka akiyaloloŋ alotau. Ŋakan ŋuna epalag ka ŋakuŋin ŋuna epalag erae ŋun daŋ ŋuna epote aneni ka aberu a ŋina nyitalakarit ekile keŋ.

²⁴Erae naberu esyakinia asecit ka aŋuna ka aberu ikitwaki iwon daadaŋ.

²⁵Nyejok akimyekin ŋakipi eorete anibore, ido ikwaŋinapei, nyejok akimyekin aberu ŋina aronon irworo ŋuna ecamit.

²⁶Ani pa kitiya iŋes lopite ŋolo ilimokinitor iyoŋ iŋes, totyakas ka iŋes.