Read ngakarimojong Sir 27 Bible Online

Sir 27 - ngakarimojong bible

Sir 27

¹Etiyata ŋituŋa ŋulu alalak ŋuna ka asecit aŋuna ka aryamunia epoida ka ikes ŋulu iwarito akibar, eŋerete akitere ŋuna iyookino.

²Lopite ŋolo ibubukinere asesit neni ebait alokidiŋ ŋamoru, ibubukinitoe asecit daŋ kidiŋ agyelanar ka agyelunun.

³Ani kiryaŋiryaŋa ituŋanan anakitopoloorit Ekapolon, inyasunio ekal keŋ atipei. Ŋakikatanakineta anakiyar

⁴Ani ikeikyakinio akeeke, etakanunete ŋiboorei ŋulu nyecamitae, alopite a ŋolopei, ani irworikini ituŋanan, etakanuni adyekaret keŋ.

⁵Ikatakinio amot a ekayan aneni icunyere ŋamoti, aŋun, eryamun akikatakino a ituŋanan alotooma ekiyan keŋ.

⁶Isileereunete ŋaraito keŋ ekitoe erae kedupakinitae ejok; aŋun, isileereuni erwor a ituŋanan ŋuna iwuakinit ituŋanan natameta keŋ.

⁷Nyipur ituŋanan idio eriŋa nyirworikina, anerae erae ŋol epite ŋolo ikatanakinere ŋituŋa. Eropit ka akisicanio

⁸Ani kiwuap iyoŋ ŋuna a akiyookino, iryamuni iyoŋ akiyookino, ido inapi iŋes ikwa ekaaso ŋolo ka apolou.

⁹Eperete ŋikyeny ŋulu ikwaan kaapei, aŋun, ebuni akitiya ŋuna a kire neni a ŋulu itiyaete ŋun.

¹⁰Epedori eŋatuny auryanikin edapit etyaŋ ŋolo ecamit akikamun tonyam, ikoni asecit daŋ nen aneni a ŋulu itiyaete asecit. Ŋirworisya ŋulu egelegelya

¹¹Eyai a ŋinapaki aosou lokiyan ŋolo a ŋulu itopoloorito Akuj, nai iloconokini ebaŋ ekiyan keŋ lopite ŋolo iloconokinor elap.

¹²Ani irukito iyoŋ ka ŋibaŋaanotin kituuruwan apaki ŋina iyakar iyoŋ nen, nai ani irukito iyoŋ ka ŋituŋa ŋulu atamak nooi, kiboi a nen ekaoyan ipupi ŋakiro kec.

¹³Erae erwor a ŋibaŋaanotin ŋolo ikitoŋoi ka akyena kec ŋakiro car ekaoyan erae ŋina ka asecit.

¹⁴Epedorete ŋicen kec ka akikoŋ kec akitubul ituŋanan towua ŋitim anakou ka epedori ebura kec akiteŋer ŋituŋa ŋice akipup ŋakiro kec.

¹⁵Epedorete ŋiburasyo a ŋiketurok ayaun atwanare ka epedorete ŋiyany kec ŋulu esiiryakinak akiteŋer akipup epite ŋolo iyanyanarotor ikes. Akisileereun ŋuna imunono

¹⁶Ituŋanan daadaŋ ŋini isileereuni ŋuna imunono, emunaari akikinyomit iŋes ka nyepedori aryamun ekone ŋolo eminin ka iŋes.

¹⁷Tomina ekone kon ka kikinyoma ka iŋes; nai ani kisileereu iyoŋ ŋuna keŋ ŋuna imunono, nyiruko ka iŋes nabo,

¹⁸anerae lopite ŋolo emunaarya ituŋanan emoit keŋ, idau iyoŋ amunaar akoneo kon ka ikidunyet kon.

¹⁹Ikwaŋina imyekinia iyoŋ ikenyit eporori anakan kon, idau iyoŋ akimyekin ikidunyet kon ikimyekini iyoŋ, ido nyiryamuni iyoŋ iŋes nabo.

²⁰Nyiwuapak iŋes anerae aeka iŋes aneni kon, arotoki iŋes aneni kon lopite ŋolo eemya agete anauno.

²¹Epedoryo ajeme akien, ido epedor emoronit aesikin kisilae, nai ituŋanan daadaŋ ŋini isileereuni ŋuna imunono, emamukar akigeno. Ŋisoswae ka akisicanio

²²Ituŋanan daadaŋ ŋini ediwanakini akoŋu, eye akiwan ŋinice ka eesikinete iŋes ŋulu eyenete.

²³Ani irukito iyoŋ ka iŋes, itobobot iŋes ŋakiro keŋ, ido itojokit iŋes ŋuna irworo iyoŋ; nai ekaku ijulakini iŋes ekeerwor, ido ikiluk iyoŋ a ŋakiro kon pei.

²⁴Adau ayoŋ akitoroniyar ŋiboro ŋulu alalak, nai ituŋanan ŋini ikoni nen iŋes etoroniyarit ayoŋ akilo daadaŋ, Ekapolon daŋ itoroniyarit ituŋanan ŋin.

²⁵Ituŋanan daadaŋ ŋini imasari amoru kidiama akou keŋ, iyoun nakou keŋ a ilope, ani kinaŋ iyoŋ ŋinice ililikinit nooi, iyoŋ bon iryamuni ŋajemei ŋuna alalak.

²⁶Ituŋanan daadaŋ ŋini eboki akipany ikotere imasakin ŋuluce, elomari iŋes pei tooma ka ŋini elokakinit atacit ikotere irumi ŋuluce, irumi atacit iŋes pei.

²⁷Ani kitiyae ituŋanan aronis, eboŋokini iŋes pei aronis ka nyeyenuni iŋes neni kebunio aronis ŋin.

²⁸ebuneene ajamuwanar ka akiyanyanar aneni a ŋiketurok, nai idarit anyaŋan ikes ikwa eŋatuny.

²⁹Ŋituŋa ŋulu elelyanete aŋuna eryamunitotor ŋulu ikinyomito Akuj ŋican, elomarete locan, ido ipyedari ikes aryeba eriŋa nyetwaka. Aŋoit ka akinyaŋanar

³⁰Erae aŋoit ka anyunyura daŋ asiilyo, nai erubakinit ekasecan imiidikina akitiya ŋun.