Read ngakarimojong Sir 49 Bible Online

Sir 49 - ngakarimojong bible

Sir 49

¹Yosia ka ŋice ŋulu ajokak Ikoni ekiro a Yosia eminae ŋolo akukunyon ŋolo itiyaunit ituŋanan ŋini epiiryana anakitiya ŋamyeta ŋuna akukunyok. Ebob atamunit ekiro keŋ ikoni neni eboboo ao anakituk a ŋinituŋanan, ebob ikoni ŋaeosyo anapaki a ŋina a ŋasuban a ŋuna emasere epiini.

²Abu iŋes kitiya ŋuna eyookino aŋuna ka akiteesikin ŋituŋa akitiya ŋuna aronok ka alemar ŋuna aronok ŋuna ka asiilyo.

³Abu iŋes torubak iwuakinit etau keŋ neni ke Ekapolon ka anapakio a ŋuna pa ewuapitotor ŋituŋa ŋikisila, abu iŋes kituruwo ŋituŋa ŋulu ewuapito ŋuna ka Akuj.

⁴Apotu ŋituŋa ŋuluce daadaŋ toruwor ŋikasecak ŋulu aronok nooi, mati Daudi, Esekia ka Yosia, anerae apotu ikes kimyekis ŋikisila ŋulu ka Akuj a ŋina alokidiama nooi; apotu ŋirwosi ŋulu a Yudaya todaunos.

⁵Apotu ikes inakis apedor kec neni a ŋuluce ka apolou kec neni ka akwap a ŋinagela,

⁶a ŋina abu kicuny etaun ŋoloseuna ŋolo ayai akibois ŋina asegan, ido apotu kituruwosi ŋirotin keŋ ŋulu asilok lopite ŋolo sek alimunitor Yeremia;

⁷anerae apotu ikes kisicana Yeremia, ŋolo tari eriŋa eyai nakook aris kituruwor ekadwaran, aŋuna ka arutun, akinyasun ka amunaar, ido ikwaŋinapei adukokin ka adupakin.

⁸Arae Esekiel abu kiŋolek akisileerekinet ŋina ka apolou, ŋina abu Akuj kitoodik iŋes alokidiama ŋagaari ŋuna a ŋisubuna a ŋulu a ŋabebenuk;

⁹anerae abu Akuj daŋ tolimu ekiro a Yob a ŋolo abu kiwuap ŋipitesyo daadaŋ ŋulu ka akiyookino.

¹⁰Elipa kiyakuut ŋakoyo a ŋikadwarak a ŋulutomon ka ŋiarei akiyar ŋinakitete aneni aperyoto; anerae apotu ikes kisirworiut ŋituŋa a Yakob, ido tolakut ikes eyakatar akigeno ŋina nyiryaŋiryaŋa.

¹¹Alipite ituruworere iwon Serubabel ŋolo ailiilon? Ekoni iŋes ekaboboot ŋolo ka apolou ŋolo enapitae alokimoin a ŋolo ka akan a ŋina aloteten.

¹²ka Yosua daŋ lokoku a Yosadak ekoni nen; alorwa kec, apotu ikes toduko Akai, ido kitopoloosi Akai ka Akuj ŋina asegan aŋuna ke Ekapolon, Akai ŋina emaikina eyai apolou ŋina a ŋikaru ka ŋikaru.

¹³Erubakinitae etamunitae Neemia daŋ ŋikaru ka ŋikaru; anerae abu iŋes kitonyou ŋarwatatain a etaun yok ŋuna aukoro; ido todukok ŋipukei a ŋasuwa ka todukok nabo ŋakais yok ŋuna aukonoro. Ŋikanupak ŋulu a ŋirwa a ŋulu a koloŋ

¹⁴Ekudyoko ŋituŋa ŋulu aponi tosubunae ŋulu eya nakwap ŋulu ikwaan ka Enok, anerae aponi iŋes yaarae anakwap nakuj eyari;

¹⁵kori emam idio aponi kidounoe ikwa Yosepu; anerae aponi iŋes kidarae ejok tari ŋakoyo keŋ.

¹⁶aponi kitopolooroe Ses, Enos, nai akilo ŋituŋa ŋuluce daadaŋ ŋulu aponi tosubunae, ayai Adam.