Read ngakarimojong Isa. 12 Bible Online

Isa. 12 - ngakarimojong bible

Isa. 12

¹Ebuni akoloŋit ŋina eokinioto ŋituŋa ebasi, “Okoe Ekapolon, alakar ayoŋ neni kon, anerae tari ŋina iŋoitor iyoŋ aŋuna kaŋ, ibu iyoŋ tojoŋo aŋoit aŋuna kaŋ ka ibu iyoŋ ikisirworiu ayoŋ.

²“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

³“Elakarosi ŋituŋa ka Akuj apaki ŋina eiunia Akuj ikes; elakarosi ikes lopite ŋolo elakarotor ŋituŋa ŋulu enyamit akure emasete ŋakipi.”

⁴Akoloŋit ŋin etemarete ŋituŋa, “Tolakaros neni ke Ekapolon, tonyarata ekiro keŋ, kiteyenikisi ŋituŋa a ŋakwapin ŋuna adau Ekapolon akitiya, kiserautu atemar itopolooritae ekiro keŋ.

⁵Toeikisi ŋieosyo ŋulu ka akipuro neni ke Ekapolon, anerae etiya iŋes ŋiticisyo ŋulu ailiilok, kimyekisi ŋakiro ŋun toyenut ŋituŋa daadaŋ anakwap.

⁶Tocelutu nooi aŋun ka toeikisi ilelyanete iyes ŋituŋa daadaŋ ŋulu iyakasi Sion, anerae epol Akuj ŋina asegan ŋina a Isirael ŋina iboi alokidiŋ ŋituŋa keŋ.”