Read ngakarimojong Ŋilep. 18 Bible Online

Ŋilep. 18 - ngakarimojong bible

Ŋilep. 18

¹Tema Ekapolon neni a Moses,

²“Tolimok Ŋisirael ebe, ‘Arae ayoŋ Ekapolon Akuj kus.

³Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

⁴Kiwuapa ŋikisila kaŋ ka ŋakiro ŋuna atubunit ayoŋ irae ŋulu icoikinito. Arae ayoŋ Ekapolon Akuj kus.

⁵Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.

⁶“‘Mam ituŋanan emaikina tolot neni a iyenet keŋ aŋuna ka akiryamakin. Arae ayoŋ Ekapolon.

⁷Nyijamuwa papa kon, analosit akiryamakin ka toto kon ŋina ikidouni iyoŋ. Erae iŋes toto kon nyiryamakinosi ka iŋes.

⁸Nyiryamakinosi ka aberu a papa kon ŋinace. Erae ŋun ajamuwar papa kon.

⁹Nyiryamakinosi ka nakaato kon, kori nakaapa kon, kori nakoku atoto kon, keuritae alore kus, kori aiwace.

¹⁰Nyiryamakinosi ka nakoku alokoku kon, kori nakoku anakoku kon. Eruwor ŋun ajamuwaro kon.

¹¹Nyiryamakinosi ka nakaapa kon, anerae erae iŋes nakaato kon anerae erae iŋes ŋina euruunit papa kon.

¹²Nyiryamakinosi ka eyaa kon, erae iŋes nakaato a papa kon.

¹³Nyiryamakinosi ka nakaato a toto kon, anerae erae iŋes eyaa kon, ŋapei ka toto kon.

¹⁴Nyiryamakinosi ka aberu alokaato a papa kon, anerae erae iŋes toto kon.

¹⁵Nyiryamakinosi ka nateran kon, anerae erae iŋes aberu a alokoku kon.

¹⁶Nyiryamakinosi ka aberu alokaato kon, eruwor ŋun ajamuwaro aneni alokaato kon.

¹⁷Nyiryamakinosi ka aberu kaapei ka nakoku keŋ daŋ. Nyiryamakinosi ka natatait a aberu a ŋin, kori natatait ka aberu a ŋin kerae ŋina euruunit lokoku keŋ kori euruunit nakoku keŋ, anerae erae ŋun akapil.

¹⁸Nyiya nakaato ka aberu kon, kituruwo akain ka aberu kon, ido kiryamakinos ka iŋes, toriŋa aberu kon eyari.

¹⁹“‘Nyilot akiryamakin ka aberu eriŋa eyai lolap, anerae nyeseg iŋes.

²⁰Nyiryamakinosi ka aberu a eyenet kon, anerae iruwor iyoŋ ka iŋes ŋulu a ŋilam.

²¹Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

²²Nyemaikina ekile kiryamakinos ke ekile lopite ŋolo iryamanakinotor ekile ka aberu; erae ŋakiro ŋun asiilyo.

²³“‘Nyiryamakinosi ka ŋibaren kori ŋityaŋ, tomunaaros ka iŋes. Nyemaikina tari aberu tolot akiryamakin ka ibarasit kori etyaŋ, erae ŋun ŋuna italeo.

²⁴“‘Nyimunaasi ŋawat kus anakiro a ŋun a ŋadi, anerae ŋakiro ŋun itiyaete ŋituŋa ŋulu eritari ayoŋ alokiŋaren kus, ŋulu amunaasi ŋawat kec.

²⁵Aŋun, abu tari akwap tomunaar, abu ayoŋ esican ikes aŋuna ka asecit kec, ido abu akwap ŋin kiela ŋituŋa keŋ kiŋa.

²⁶Nai emaikina iyes kiwuapa ŋakiro ŋuna atubunit ayoŋ ka ŋikisila kaŋ ŋul. Iyes Ŋisirael ka ŋigelaanotin ŋulu iboiyete ka Ŋisirael, nyemaikina iyes kitiyata asiilyo ŋin adio;

²⁷anerae apotu ŋituŋa ŋulu eboiyete anakwap a ŋina ilosete iyes kitiyata asiilyo ŋin daadaŋ, idio abu akwap tomunaar.

²⁸Ani nai kimunaasi iyes akwap, ikielari akwap ŋin iyes kiŋa keŋ, lopite ŋolo abunio kielarya ŋituŋa ŋulu eboiyete a nen eriŋa iyes nyedolo nen.

²⁹Ituŋanan daadaŋ ŋini itiyae asiilyo ŋin, emaikina kiritarae alotuŋa keŋ.

³⁰Kiwuapa ŋuna abala ayoŋ, ido nyitiyata asiilyo ŋin ŋina apotu ŋituŋa a nen kitiya eriŋa iyes nyedolo nen. Nyimunaarosi anasiilyo a ŋin. Arae ayoŋ Ekapolon Akuj kus. ’”