Read ngakarimojong Yer. 47 Bible Online

Yer. 47 - ngakarimojong bible

Yer. 47

¹Ani eriŋa erwosit Parao nyeremo Gasa, kirwor Ekapolon neni a ekadwaran Yeremia aŋuna a Ŋipilistin tema,

²“Topupok, anyout ŋakipi alo Kuju, ido eruworosi akalele ŋina ti apolon, elelekinete akwap ka ŋinibore daadaŋ eyai nakwap, elelekinete ŋitaunio ka ŋituŋa daadaŋ ŋulu iboiyete alotaunio, igworete ŋituŋa, iwololokinete ŋituŋa daadaŋ ŋulu iboiyete anakwap.

³Ani iirarete ikes eruye a ŋakejen a ŋaŋolei, iirarete akigoligola a ŋakejen a ŋagaari a ŋuna iritae a ŋaŋolei nyeboŋorete ŋikauruunak kaku aŋuna a ŋidwe kec, epalagagaunete ŋakan kec,

⁴aŋuna ka akoloŋit a ŋina ebunit, akoloŋit a ŋina emunyarere Ŋipilistin, emunyaryo alo Tiro ka Sidon ŋituŋa daadaŋ ŋulu edoŋito ŋulu amaikina kiŋarakis Ŋipilistin, anerae elosi Ekapolon amunyar Ŋipilistin, emunyari Ekapolon ŋipiya a ŋituŋa a ŋulu iboiyete alodiyete anam aneni enyaritae Kapitor.

⁵Abanyete ŋituŋa a Gasa ŋakyes aŋuna ka atwanare, ililiŋi Asikelon cek. Okoe ŋipiya a ŋituŋa a Pilistia! Tari ori igworosi iyes?

⁶Igworosi iyes ibasi, ‘Okoe kitoron ekileŋ ke Ekapolon,’ Tari ori ieŋunia iyoŋ akiar isua? Toloma nakuraro kieŋ a nen ekililiŋat.

⁷Epedori mono iŋes akililiŋ ikwaani, torae bo Ekapolon alimoki iŋes akitiya ŋun? Ainakin iŋes akirem Asikelon ka ŋituŋa ŋulu iboiyete alodiyete anam.”