Read ngakarimojong Bar 5 Bible Online

Bar 5 - ngakarimojong bible

Bar 5

¹Okoe ŋituŋa a Yerusalem, tolacasi ŋilowi kus ŋulu ka akiyaloloŋ ka akisicanio, ido tonapa ŋikaru ka ŋikaru akibuses ŋina ka apolou aneni ka Akuj.

²Tonapa ekaaso ŋolo ka akiyookino ŋolo ebunit aneni ka Akuj, tonapa anakyes kus ebokot ŋolo ka apolou a Akuj a ŋina a ŋikaru ka ŋikaru,

³anerae idodiuni Akuj akibuses kus anakiboisyo a daadaŋ a akwap.

⁴Ikiinakini iyoŋ Akuj ŋikaru ka ŋikaru ekiro lo, “Ekisil ŋolo iyookino, apolou ŋina ka Akuj.”

⁵Okoe ŋituŋa a Yerusalem, tonyoutu towua alokidiama aita a emoru kiŋoliyasi lowae ŋolo alo Kide, kiŋolikis ŋidwe kus ecunakina alo To ka alo Kide, aŋuna alimunio Akuj ŋina asegan atemar tocunakin ikes elelyanete aŋuna atamunia Akuj ikes

⁶anerae apotu ikes toloto alotooma Yerusalem a ŋakejen erikito ŋimoe kec, nai inyakuni Akuj ikes tooma Yerusalem, epote anapolou esibit erae ŋikapolok ŋulu

⁷icoloŋito ekicoloŋ ŋolo ka apukan, anerae alimu Akuj atemar emaikina kilelyaarae ŋimoru ŋulu aoyak ka ŋikamukumukui ŋulu a ŋikaru ka ŋikaru ka emaikina tonukae ŋakadipaalae toruwor akwap nenilapat, ikotere Ŋisirael elosete emam ŋace anapolou a Akuj.

⁸Alimu Akuj atemar eryamunete Ŋisirael etolim anamon ka alokito a ŋulu akukunyok a eure,

⁹anerae iŋarenikini Akuj Ŋisirael a alelyanu, anakica a ŋina ka apolou keŋ ka a akisyon ta akiyookino ŋuna eponito aneni keŋ.