Read ngakarimojong Osea 11 Bible Online

Osea 11 - ngakarimojong bible

Osea 11

¹Apaki ŋina ariŋaakar Isirael erae ikoku, abu ayoŋ ominak iŋes, abu ayoŋ onyarau lokoku kaŋ alo Ijipit.

²Ŋinapaki daadaŋ ŋina anyaraa ayoŋ Isirael apotu ikes kiyatakis akiŋer ayoŋ. Apotu ikes inanakis ŋamuronisya neni ata Baal ka ecunyete ekinyate neni a ŋakujo.

³Torae bo ayoŋ arikit ŋituŋa a Epuraim elosete, ayoŋ abu eŋarak ikes a ŋakan kaŋ, nai nyeyenete ikes atemar abu ayoŋ etaŋaleu ikes.

⁴Abu ayoŋ orik ikes a arimao ka amina, adakununui ayoŋ ikes, lopite ŋolo edakitere ikoku ŋinicici, abu ayoŋ etiditeun, ido etan ikes.

⁵Eboŋorete ikes nakwap a Ijipit ka ipukae ikes erwosit ŋolo ka Asiriya, anerae awout ikes aboŋun neni kaŋ.

⁶Iatakin ejie lotaunio kec daadaŋ, ebwaŋabwaŋaryo ŋasuwa ŋuna a ŋipukei a ŋitaunio kec, emunyaryo ŋituŋa keŋ daadaŋ, anerae itiyaete ikes ŋuna eyeete.

⁷Ecamito jik ŋituŋa kaŋ akimyekin ayoŋ. Tari kenyarata ikes kaapei Ekapolon ŋolo eyai kidiama nooi, nyiŋarakini iŋes ikes jik alocan kec.

⁸Okoe Epuraim, apedori mono kire ayoŋ akimyekin iyoŋ a? Okoe Isirael, apedori mono kire ayoŋ akimyekin iyoŋ a? Ekokini ayoŋ ekesikwaanikini iyoŋ ka Adama ai? Nyecamuni etau kaŋ akitiya ŋun, epol nooi amina kaŋ aŋuna kus.

⁹Nyekesicani ayoŋ iyes anaŋoit kaŋ a ŋina a dedeŋan, nyamunyari nabo ayoŋ ŋituŋa a Epuraim, anerae arae ayoŋ Akuj, meere ituŋanan. arae ayoŋ Akuj ŋina Asegan ŋina ayai kidiŋ kus, nyabuni ayoŋ neni kus anyunyura.

¹⁰Iwuapakinete ikes Ekapolon, irurumakini Ekapolon lopite ŋolo irurumaa eŋatuny, ani irurumakini iŋes, epote ŋidwe keŋ alo To neni keŋ emaranete.

¹¹Emotunosi ikes alo Ijipit atipei ikwa atasurui ka emotunosi ikes alo Asiriya ikwa ŋitemeleudio; ido enyakari ayoŋ ikes lorerya kec.

¹²Irworosi ŋituŋa a Epuraim alyokonu neni kaŋ alowaetin a daadaŋ, akamodiyanakinete ŋituŋa a Yudaya ayoŋ alowaetin a daadaŋ. Eriŋa ŋituŋa a Yudaya akaŋerito ayoŋ Akuj ŋina Asegan ŋina ekinyoma.