Read ngakarimojong Osea 3 Bible Online

Osea 3 - ngakarimojong bible

Osea 3

¹Okolimok nabo Ekapolon ayoŋ tema, “Ape, kitoodik nabo amina kon neni a aberu aŋina aruwor ŋina a ekile a ece ka aruwor akaloman. Emaikina iyoŋ tominak iŋes lopite ŋolo aminar ayoŋ ŋituŋa a Isirael tari keminasi ikes ŋakujo ka tominas aayenen neni a ŋakujo ŋaboboryo ŋuna erukitoe esibit ŋamugati.”

²Aŋun, abu ayoŋ ogyelu aberu ŋin a ŋisilipae a ŋitomon ka ŋikan ka a ŋikinyom a ŋulu esibit erau a ŋulu arae ŋakiloi amiat ka ŋatomonikan.

³Abu ayoŋ olimok aberu ŋin otema, “Emaikina iyoŋ torubak irae aberu kaŋ ŋirwa ŋulu alalak, nyilosi nabo iyoŋ lokilyok ŋice, nyiryamakinosi iyoŋ ka ekile ece, kori ka ayoŋ daŋ.”

⁴Erae ŋun anerae epote Ŋisirael akiboi ŋirwa ŋulu alalak emam erwosit, kori ŋini emaikina kilunyokin lokicoloŋ a erwsoit, emam ŋamuronisya, kori ŋipirin ŋulu italeoritae, kori ŋitorubei a ŋakujo, kori ŋiboro ŋulu isitiyao ayenunia ŋakiro ŋuna ecamit Akuj.

⁵Ekaku, eboŋunete Ŋisirael, kiwara Ekapolon Akuj kec ka Daudi erwosit kec; epote ikes anakuryanu neni ke Ekapolon ka epote ikes najokis keŋ ŋirwa ŋulu esidyok.