Read ngakarimojong Yona 2 Bible Online

Yona 2 - ngakarimojong bible

Yona 2

¹Tosodi Yona kilip neni ke Ekapolon Akuj keŋ anakook a ekolya,

²Tema, “Abu ayoŋ alocan kaŋ ekaloik Ekapolon, ido abu iŋes toboŋok akigworo kaŋ; alotooma akibois a ŋikatwak, abu ayoŋ ekalou acamit ekeŋarakin, ibu iyoŋ kiira etoil kaŋ.

³Ibu iyoŋ ikimasa ayoŋ nenicukul nooi, tooma lotau a ŋanamyo; ido okorapuwasi ŋakipi; apotu ŋikaguragurae a ŋakipi; daadaŋ ŋulu iyakuunit iyoŋ okorapuwasi ayoŋ.”

⁴Abu ayoŋ otema, “Ekeritar ayoŋ aneni kon; alipite nabo apedorya ayoŋ akiŋoliunia eŋolik Akai kon ŋina Asegan?

⁵Apotu ŋakipi okorapuwasi, nyetakan tari akiyar kaŋ; abu ayoŋ osipor kwap ŋakipi; apotu ŋinya a anam torapuwasi akou kaŋ.

⁶Abu ayoŋ odol tari kwap ŋimoru; okogolok akwap Kwap keŋ ŋikaru ka ŋikaru. Nai iyoŋ Ekapolon Akuj kaŋ, ibu ikinyaku ayoŋ a nen ayari,

⁷Apaki ŋina abunio ayoŋ otamak atemar atwana, abu ayoŋ okotamu iyoŋ Ekapolon; ido ibu iyoŋ kiira akilip kaŋ alo Kai kon a ŋina Asegan.

⁸Ŋulu ilipete neni a ŋakujo a ŋunacaryo, adaut akiŋer Akuj ŋina isyonene ikes.

⁹Nai ke etoil a ŋolo ikitalakarit iyoŋ, akainakini ayoŋ iyoŋ amuronot; esiyookini ayoŋ ŋuna adau akikoŋ. Anerae Ekapolon bon eyai apedor aiun ayoŋ.”

¹⁰Tosodi Ekapolon tolimok ekolya alyakar Yona lokipetot, tolyakak nai ekolya Yona neni aonon.