Read ngakarimojong Ekim. 33 Bible Online

Ekim. 33 - ngakarimojong bible

Ekim. 33

¹Erae lo epite ŋolo awosyata Ŋisirael apaki ŋina awotuniata ikes anakwap a Ijipit, awosete ikes a ŋikabilae kec torae Moses ka Aron ŋikarikok kec.

²Abu Moses kigir ŋakiboisyo ŋuna awotonokiniata ikes apaki ŋina awosyata lopite ŋolo ecikitor Ekapolon iŋes. Erae nu ŋakiboisyo ŋuna alomeneneete ikes apaki ŋina awosyata:

³Apotu Ŋisirael togeut awosit kec alo Ramases elap ŋolo ke epei, ŋirwa ke elap ŋitomon ka ŋikan. Akoloŋit ŋina atupakini Paska, apotu Ŋisirael towotokis emam akuryanu ka iteete Ŋijipitian daadaŋ ikes;

⁴apaki ŋin, ariŋa Ŋijipitian enukete ŋidwe kec ŋulukiyae ŋulu abu Ekapolon toar alokidiŋ kec. Abu Ekapolon kitoodiu atemar egogoŋ iŋes akilo tari ŋakujo kec.

⁵Towotokis nai Ŋisirael alo Ramases, tolomiyasi Sukos.

⁶Towotokis alo Sukos toloma Esam, lokisal ka aloŋisat.

⁷Torotokis alo Esam toboŋosi Piairos neni iteosi ka Baal-Sepon, ido tolomiyasi diyete Migidol.

⁸Towotokis alo Piairos totuboros ekekwaye anam, tolomasi naloŋisat, torubakis ewosete ŋirwa ŋiuni analoŋisat a ŋina a Esam, tolomiyasi Mara.

⁹Towotokis alo Mara todolo Elim; aya Elim ŋicowae ŋitomon ka ŋiarei ŋulu a ŋakipi ka ŋikito a ŋidukan ŋatomonikanikaarei, apotu ikes toloma nen.

¹⁰Towotokis nabo Ŋisirael alo Elim tolomiyasi diyete anam ŋina Areŋan.

¹¹Towotokis alo diyete anam ŋina Areŋan tolomiyasi naloŋisat ŋina a Sin.

¹²Towotokis analoŋisat a ŋina a Sin tolomiya Dopika.

¹³Towotokis alo Dopika tolomiyasi Alus.

¹⁴Towotokis alo Alus tolomiyasi Repidim neni amanukasi ŋakipi ŋuna emasete ŋituŋa.

¹⁵Towotokis alo Repidim tolomiyasi naloŋisat ŋina a Sinai.

¹⁶Towotokis analoŋisat a Sinai tolomiyasi Kibiros-Ataapa.

¹⁷Towotokis alo Kibiros-Ataapa tolomiyasi Aseros.

¹⁸Towotokis alo Aseros tolomiyasi Risima.

¹⁹Towotokis alo Risima tolomiyasi Rimon-Peres.

²⁰Towotokis alo Risima-Peres tolomiyasi Libina.

²¹Towotokis alo Libina tolomiyasi Risa.

²²Towotokis alo Risa tolomiyasi Keelasa

²³Towotokis alo Keelasa tolomiyasi Moru Seper.

²⁴Towotokis alo Moru Seper tolomiyasi Arada.

²⁵Towotokis alo Arada tolomiyasi Makelos.

²⁶Towotokis alo Makelos tolomiyasi Taas.

²⁷Towotokis alo Taas tolomiyasi Tera.

²⁸Towotokis alo Tera tolomiyasi Misika.

²⁹Towotokis alo Misika tolomiyasi Asimona.

³⁰Towotokis alo Asimona tolomiyasi Moseros.

³¹Towotokis alo Moseros tolomiyasi Bene-Yaakan.

³²Towotokis alo Bene-Yaakan tolomiyasi Or-Agidad.

³³Towotokis alo Or-Agidad tolomiyasi Yotibasa.

³⁴Towotokis alo Yotibasa tolomiyasi Abirona.

³⁵Towotokis alo Abirona tolomiyasi Esion-Geber.

³⁶Towotokis alo Esion-Geber tolomiyasi naloŋisat ŋina a Sin (iŋes Kades).

³⁷Towotokis alo Kades tolomiyasi Moru Or alokukoruu ka akwap ke Edom.

³⁸Abu Aron esacaradoti tolot a nen Moru Or ikwapei alimunitor Ekapolon, ido abu totwan aina. Atwani Aron erae ŋirwa ke elap epei, elap ŋolo a ŋikan alokaru a ŋolo a ŋatomoniomwon kelomut Ŋisirael alo Ijipit.

³⁹Arae ŋikaru ka Aron amiat ka ŋatomoniarei ka ŋiuni akoloŋit ŋina atwania iŋes alo Moru Or.

⁴⁰Abu erwosit ŋolo ka Arad ŋolo arae Ekanaanait ŋolo eboi alo Negeb [10] anakwap a Kanaan, kiira atemar eponito Ŋisirael.

⁴¹Towotokis Ŋisirael alo Moru Or tolomiyasi Salimona.

⁴²Towotokis alo Salimona tolomiyasi Punon.

⁴³Towotokis alo Punon tolomiyasi Obos.

⁴⁴Towotokis alo Obos tolomiyasi Yeabarem anakwap a Moab.

⁴⁵Towotokis alo Yeabarem tolomiyasi Dibon-Gad.

⁴⁶Towotokis alo Dibon-Gad tolomiyasi Alimon-Dibilasaim.

⁴⁷Towotokis alo Alimon-Dibilasaim tolomiyasi lomoru ŋulu ka Abarim, kiŋaren Nebo.

⁴⁸Towotokis alomoru ka Abarim tolomiyasi nalapatui ŋuna a Moab alodiyete Yorodan toapiye Yeriko.

⁴⁹Toloma Ŋisirael diyete Yorodan ageun alo Bes-Yesimos tari Abel-Sitim nadipoe a Moab.

⁵⁰Abu Ekapolon kirwor neni a Moses anadipoe a ŋuna a Moab alodiyete Yorodan aneni iteosi ka Yeriko tema,

⁵¹“Kirwor neni a Ŋisirael, tolimok ikes ebe, ‘Ani ituborosi iyes lowae ye Yorodan, nakwap ŋina a Kanaan,

⁵²emaikina iyes kiritasi ŋituŋa ŋulu iboiyete anakwap a ŋina ilosete iyes ka kinyasut ŋitorubei ŋulu icieto ikes, kinyasut ŋitorubei a ŋakujo kec ŋulu icietae a ŋamoru ka ŋulu itiyatae a ŋasuwa ka tomunaasi ŋakiboisyo kec ŋuna eya nenimukur.

⁵³Ikamarete iyes akwap ŋin, ido kiboikinos nen, anerae akainak ayoŋ iyes akwap ŋin toruwor ŋina kus.

⁵⁴Emaikina iyes tokorakis akwap lotuŋa a ŋinateker anakilamilam; ateker ŋina elalak ŋituŋa keŋ emaikina iyes inakis akwap ŋina alalan ka ateker ŋina ekudyoko ŋituŋa keŋ, inakisi akwap ŋina edit. Akwap daadaŋ ŋina eryamuni ituŋanan anakilamilam, eruwor ŋina keŋ; eruwor akwap ŋin ŋina kus a ŋikabilae atapapaa kus.

⁵⁵Nai ani pa kiritasi iyes ŋituŋa ŋulu sek iboiyete anakwap a ŋin, ido kimyekis kidoŋo ŋice, ikiteryamunete ikes iyes ŋican lopite ŋolo ikiteryamunia anyait ŋina eyai nakoŋu, kori ekukwae ŋolo eyai nakuwan ŋican.

⁵⁶Tosodi pa kiritasi iyes ŋituŋa ŋul etiyae ayoŋ neni kus ŋuna sek ayeunit ayoŋ akitiya neni kec.’ ”