Read ngakarimojong Ekim. 7 Bible Online

Ekim. 7 - ngakarimojong bible

Ekim. 7

¹Akoloŋit ŋina erikakinia Moses akiduk eema ŋolo ewuakinitae Asaduku ŋina ka Acamunet, abu kios a akimyet ka kitaleu iŋes kaapei ka ŋiboro daadaŋ ŋulu aya tooma keŋ ka abu kios a akimyet ka kitaleu namuroet ka ŋiboro daadaŋ ŋulu esitiyao a nen,

²apotu ŋikarikok a Ŋisirael, ŋikarikok a ŋatekerin ka ŋakarikok a ŋikabilae ŋulu apolokinito ŋituŋa ŋulu aponi kigirae inakis ŋainakineta kec.

³Apotu ikes yaut ŋainakineta kec neni ke Ekapolon; yaut ikes ŋagaari ŋakanikapei ŋuna emukitoe ka ŋimoŋin ŋitomon ka ŋiarei; ŋinagaari arae ŋikarikok ŋiarei alemunito, ido alemunit ŋolo karikon emoŋ epei; apotu ikes yaut ŋainakineta ŋun inakis neni ke Ekapolon alokiŋaren eema.

⁴Abu nai Ekapolon tolimok Moses tema,

⁵“Tocamu akijaun ŋainakineta ŋun aneni kec, ikotere isitiyao akitiyaa ŋiticisyo alo eema a ŋolokilipet, inak ikes neni a ŋilepi, inak ŋinituŋanan ikwapei iitanitor etic keŋ.”

⁶Aŋun abu Moses kijau ŋagaari ka ŋimoŋin aneni a ŋikarikok a Ŋisirael inak neni a ŋilepi.

⁷Abu iŋes inak Ŋigarisoni ŋagaari ŋaarei ka ŋimoŋin ŋiomwon ikwapei eitanitotor ikes alotic kec,

⁸ido inak Ŋimerari ŋagaari ŋaomwon ka ŋimoŋin ŋikanikauni ikwapei eitanitor etic kec. Arae Isamar lokoku ka Aron a esacaradoti iŋes apolokinit ikes daadaŋ aloticisyo kec.

⁹Nai abu Moses nyeinak Ŋikaoti ŋagaari, kori ŋimoŋin, amaikina ikes toryoŋa ŋiboro ŋulu asegak ŋulu ainakinitae ikes akiricit.

¹⁰Apotu daŋ ŋikarikok tolemut ŋainakineta aŋuna ka akitaleunio a namuroet apaki ŋina eosere iŋes, apotu ŋikarikok inakis ŋainakineta kec alokiŋaren namuroet.

¹¹Tolimok Ekapolon Moses tema, “Emaikina ŋikarikok yaut a ŋipeipei ŋainakineta kec aŋuna ka akitaleunio a namuroet, ekarikon epei yau akoloŋit apei.”

¹²Akoloŋit ŋina esyaunan arae Nason lokoku ka Aminadab ŋolo alokabila a Yuda iŋes abu yau ŋainakineta keŋ.

¹³Ŋainakineta keŋ ikes nu: Asaani apei ŋina etiyaunitae ke esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo apei. Epimitae ŋiboro ŋul alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

¹⁴ŋainakineta a Nason ŋace ikes nu: Abakuli ŋina etiyaunitae a egolid ŋina aapiyarit apotis keŋ akilo apei elelebikinitae ekinyate nabakuli ŋin,

¹⁵etaok, emesek, ikale ŋinimesek ŋini arae ekaru epei, arae ŋun ŋainakineta ŋuna epeyo,

¹⁶ekoroe ikwapei ainakinet aŋuna ka asecit

¹⁷ka aŋuna ka amuronot a ŋina ke ekisil abu Nason inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Nason alokoku ka Aminadab.

¹⁸Ani epete ŋirwa ŋiarei, arae Nasanael lokoku ka Suar, ekarikon a ekabila a Isakar iŋes abu inak ŋainakineta keŋ.

¹⁹Ŋainakineta keŋ ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo apei, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

²⁰abakuli ŋina etiyaunitae a egolid ŋina aapiyarit apotis keŋ akilo apei elelebikinitae ekinyate nabakuli ŋin,

²¹etaok, emesek, ikale ŋinimesek ŋini arae apolou keŋ ekaru epei arae ŋun ŋainakineta ŋuna epeyo;

²²ekoroe epei erae ainakinet aŋuna ka asecit

²³ka aŋuna ka amuronot a ŋina ke ekisil abu Nasanael inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Nasanael a lokoku a Suar.

²⁴Ani epete ŋirwa ŋiuni arae Eliab lokoku a Elon, ekarikon a ŋituŋa a ekabila a Sebulon iŋes abu inak ŋainakineta keŋ.

²⁵Ŋainakineta a Eliab ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen apei ŋina etiyaunitae a esilipa ŋina aapiyarit apotis keŋ akilo apei, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe a akimyet arae ŋin ainakinet ŋina a ŋikinyom,

²⁶abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

²⁷etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

²⁸ekoroe erae ainakinet aŋuna ka asecit

²⁹ka aŋuna ka amuronot a ŋina ke ekisil, abu Eliab inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta ka Eliab a lokoku a Elon.

³⁰Ani epete ŋirwa ŋiomwon arae Elisur lokoku a Sedeur ekarikon a ŋituŋa a ekabila a Ruben iŋes abu inak ŋainakineta keŋ.

³¹Ŋainakineta ka Elisur ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋin ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

³²abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

³³etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

³⁴ekoroe erae ainakinet aŋuna ka asecit

³⁵ka aŋuna ka amuronot a ŋina ke ekisil abu Elisur inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apotis kec ekaru epei. Arae ŋun ŋainakineta ka Elisur a lokoku a Sedeur.

³⁶Ani epete ŋirwa ŋikan arae Selumiel lokoku a Surisadai, ekarikon a ŋituŋa a ekabila a Simeon iŋes abu inak ŋainakineta keŋ.

³⁷Ŋainakineta a Selumiel ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

³⁸abakuli apei ŋina etiyaunitae a egolid ŋina aapiyarit apotis keŋ atutubet a akilo, elelebikinitae ekinyate nabakuli ŋin,

³⁹etaok, emesek, ikale ŋinimesek ŋini arae apolou keŋ ekaru epei. Arae ŋun ŋainakineta ŋuna epeyo;

⁴⁰ekoroe erae ainakinet aŋuna ka asecit

⁴¹ka aŋuna ka amuronot a ŋina ke ekisil abu Selumiel inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Selumiel alokoku a Surisadai.

⁴²Ani epete ŋirwa ŋikanikapei arae Elisap lokoku a Deuel, ekarikon a ŋituŋa a ekabila a Gad iŋes abu yau ŋainakineta keŋ.

⁴³Ŋainakineta ka Elisap ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito; nituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

⁴⁴abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

⁴⁵etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

⁴⁶ekoroe erae ainakinet aŋuna ka asecit

⁴⁷ka aŋuna ka amuronot a ŋina ke ekisil, abu Elisap inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Elisap alokoku a Deuel.

⁴⁸Ani epete ŋirwa ŋikanikaarei arae Elisama lokoku ka Amiud, ekarikon a ŋituŋa a ekabila ka Epuraim iŋes abu inak ŋainakineta keŋ.

⁴⁹Ŋainakineta ka Elisama ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

⁵⁰abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

⁵¹etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

⁵²ekoroe erae ainakinet aŋuna ka asecit

⁵³ka aŋuna ka amuronot a ŋina ke ekisil abu Elisama inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Elisama alokoku ka Amiud.

⁵⁴Ani epete ŋirwa ŋikanikauni, arae Gamalied lokoku a Pedasur ekarikon a ŋituŋa a ekabila a Manase iŋes abu inak ŋainakineta keŋ,

⁵⁵Ŋainakineta a Gamaliel ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋun ainakinet ŋina a ŋikinyom,

⁵⁶abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

⁵⁷etaok, emesek, ikale ŋinimesek ŋin, arae apolou keŋ ekaru epei, arae ŋun ŋainakineta ŋuna epeyo;

⁵⁸ekoroe erae ainakinet aŋuna ka asecit

⁵⁹ka aŋuna ka amuronot a ŋina ke ekisil, abu Elisama inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta a Gamaliel alokoku a Pedasur.

⁶⁰Ani epete ŋirwa ŋikanikaomwon, arae Abidan lokoku a Gideoni, ekarikon a ŋituŋa a ekabila a Benjamin iŋes abu inak ŋainakineta keŋ.

⁶¹Ŋainakineta ka Abidan ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

⁶²abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin

⁶³etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

⁶⁴ekoroe erae ainakinet aŋuna ka asecit,

⁶⁵ka aŋuna ka amuronot a ŋina ke ekisil, abu Abidan inak ŋimoŋin ŋiarei, ŋimeesekin ŋikan, ŋikorwa, ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta ka Abidan alokoku a Gideoni.

⁶⁶Ani epete ŋirwa ŋitomon arae Aieser lokoku ka Amisadai, ekarikon a ŋituŋa a ekabila a Dan iŋes abu inak ŋainakineta keŋ.

⁶⁷Ŋainakineta ka Aieser ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋun ainakinet ŋina a ŋikinyom,

⁶⁸abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

⁶⁹etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

⁷⁰ekoroe erae ainakinet aŋuna ka asecit

⁷¹ka aŋuna ka amuronot a ŋina ke ekisil, abu Aieser inak ŋimoŋin ŋiarei, ŋimesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta ka Amisadai

⁷²Ani epete ŋirwa ŋitomon ka epei arae Pagiel lokoku ka Okiran, ekarikon a ŋituŋa a ekabila ka Aser iŋes abu inak ŋainakineta keŋ.

⁷³Ŋainakineta ka Pagiel ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

⁷⁴abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

⁷⁵etaok, emesek, ikale ŋinimesek ŋini arae apolou keŋ ekaru epei, arae ŋun ŋainakineta ŋuna epeyo;

⁷⁶ekoroe erae ainakinet aŋuna ka asecit

⁷⁷ka aŋuna ka amuronot a ŋina ke ekisil abu Pagiel inak ŋimoŋin ŋiarei, ŋimesekin ŋikan, ŋikorwa ŋikan ka ŋikaalei ŋikan ŋulu arae apolou kec ekaru epei. Erae ŋun ŋainakineta a Pagiel alokoku ka Okiran.

⁷⁸Ani epete ŋirwa ŋitomon ka ŋiarei arae Aira lokoku ke Enan, ekarikon a ŋituŋa a ekabila a Naputali iŋes abu inak ŋainakineta keŋ.

⁷⁹Ŋainakineta ka Aira ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ apei kilo, epimitae ŋiboro alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

⁸⁰abakuli ŋina etiyaunitae a egolid ŋina aapiyarit apotis keŋ atutubet apei a akilo, elelebikinitae ekinyate nabakuli ŋin,

⁸¹etaok, emesek, ikale ŋinimesek ŋini arae apolou keŋ ekaru epei, arae ŋun ŋainakinet ŋuna epeyo;

⁸²ekoroe erae ainakinet aŋuna ka asecit

⁸³ka aŋuna ka amuronot a ŋina ke ekisil, abu Aira inak ŋimoŋin ŋiarei, ŋimeesekin ŋikan, ŋikorwa ŋikan ka ŋikaalei ŋulumesekin ŋikan ŋulu arae apolou kec ekaru epei. Arae ŋun ŋainakineta ka Aira alokoku ke Enan.

⁸⁴Erae nu ŋainakineta ŋuna apotu ŋikarikok a Ŋisirael inakis Ekapolon akoloŋit ŋina eosere ka etaleunere namuroet: Ŋasaani ŋatomon ka ŋaarei ŋuna etiyaunitae ke esilipa, ŋabesenio ŋatomon ka ŋaarei ŋuna etiyaunitae ke esilipa, ŋabakuli ŋatomon ka ŋaarei ŋuna etiyaunitae ke egolid,

⁸⁵arae apotis a ŋinasaani apei kilo ka atutubet ka ŋinabesen aapiyarit apotis keŋ apei kilo, arae apotis a esilipa a ŋolo etiyaunitere ŋiboro ŋul daadaŋ ŋakiloi ŋatomoniarei ka ŋakanikauni, epimitae ŋiboro ŋul lotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan;

⁸⁶ŋabakuli ŋatomon ka ŋaarei ŋuna etiyaunitae ke egolid, ŋuna eleleba ekinyate, aapiyarit apotis a ŋinabakuli atutubet apei a akilo ka arae ŋakiloi apotis a egolid a daadaŋ a ŋolo etiyaunitere ŋabakuli ŋun akilo apei;

⁸⁷ŋibaren daadaŋ ŋulu arae ŋainakineta ŋuna epeyo, arae ŋimoŋin ŋitomon ka ŋiarei, ŋimeesekin ŋitomon ka ŋiarei, ŋikaalei ŋulumesekin ŋitomon ka ŋiarei ŋulu arae apolou kec ekaru epei ka ŋainakineta kec ŋuna a ŋikinyom; ŋikorwa ŋitomon ka ŋiarei ŋulu arae ŋainakineta aŋuna ka asecit;

⁸⁸ŋibaren daadaŋ ŋulu arae aŋuna ka amuronot a ŋina ke ekisil, arae ŋimoŋin ŋatomoniarei ka ŋiomwon, ŋimeesekin ŋatomonikanikapei, ŋikorwa ŋatomonikanikapei, ŋikaalei ŋulumesekin ŋatomonikanikapei ŋulu arae apolou kec ekaru epei. Arae ŋun ŋainakineta aŋuna ka akitaleunio namuroet kedaun akios iŋes ka akimyet.

⁸⁹Apaki ŋina alomarya Moses loeema ŋolokilipet akirwor ke Ekapolon, abu iŋes kiira etoil irworo neni keŋ alokidiama akibois ŋina ka akisyonio ŋina ayai kidiama Asaduku ŋina ka Acamunet, abunit etoil ŋol alokidiŋ Ŋisubuna ŋulu a ŋabebenuk ŋuluarei kirwor neni keŋ.