Read ngakarimojong Ŋitic. 24 Bible Online

Ŋitic. 24 - ngakarimojong bible

Ŋitic. 24

¹Ani kelunyar ŋirwa ŋikan, toloto Anania ŋolo arae Esacaradoti ŋolo Apolon nooi ka ŋikatukok ŋice ta ekerworon aŋuna a ŋituŋa ŋolo anyaritae Tatulo, toloto tari Kaisaria. Towua ikes alokiŋaren Pelekis ekepukan, kisitakis Paulo.

²Ani enyaraunio Paulo, togeu Tatulo akisitakin iŋes tema, “Ekapolon! Ikiryamu isua anapukan kon ekisil ŋolo aya apaki ŋina aoyan ka etemonokin ejok ŋakiro ŋuna alalak ŋuna ka akwap kosi.

³Ikijaunit isua nu alowaetin a daadaŋ ŋapakio daadaŋ ka ikilakara isua nooi neni kon.

⁴Nai nyayai apaki kon ŋina aoyan, ekelipit ayoŋ iyoŋ alotooma arimao kon, topupok ŋakiro kosi euruwuaka.

⁵Aponi isua toryamunae etuŋanan lo erae ŋolo aronon nooi, ŋolo ageununui aruruma alokidiŋ Ŋiyudayan daadaŋ ŋulu ka akwap a daadaŋ ka erae iŋes elope ekarikon ŋolo ka atukot a ŋina ebookoi ebe Ŋinasarin.

⁶Abu tari kikatak amunaiyar Akai ka Akuj, nai aponi isua kikamunae iŋes. [Totukunoe isua atubokin iŋes alotooma Ŋikisila kosi make,

⁷nai abu Lisia ŋolo epolokinit ŋisigarya kiŋucokin tooma ka aryenyeo a ŋina apolon, ya iŋes aneni kosi.

⁸Tema itemokino ŋikesitakinak keŋ potu neni kon.] Ani kiŋitiŋit iyoŋ ekile lo, iyenuni iyoŋ elope aneni keŋ ŋakiro daadaŋ ŋuna isitakinitere isua iŋes.”

⁹Tolomasi Ŋiyudayan nakiro ŋuna esitakinitere Paulo, temasi iyookino ŋun daadaŋ.

¹⁰Ani kedau ekepukan aketun Paulo akirworikin, tolimu Paulo tema, “Ikwapei ayenia ayoŋ atemar iberakin iyoŋ aruwor ekatubon anakwap a na ŋikaru ŋulu alalak ŋulu alunyarosi, erwori aŋuna kaŋ emam akuryanu.

¹¹Ikwaŋina ipedorya iyoŋ elope ayenun, eriŋa nyelunyara ŋirwa ŋitomon ka ŋiarei anapaki a ŋina adokaritor ayoŋ Yerusalem akilip.

¹²Nyeryamuna Ŋiyudayan ayoŋ ikipega ka idiotuŋanan alo Kai ka Akuj kori eguriguri ŋituŋa alosinagogae kori alotaun.

¹³Nyepedorete ikes tari akitoodiun ibore ŋini ekesitakinitotor ayoŋ tokona.

¹⁴Nai acamunit ayoŋ ŋakiro nu alokiŋaren kon: elipi ayoŋ Akuj atapapaa kosi, anakiwuapit erot ŋolo ke Ekapolon a Ŋikristo, ŋolo ebasi ikes erae alyokonu. Tari kikote nen, anupit ayoŋ ŋakiro daadaŋ ŋuna igiritae tooma Ŋikisila a Moses ka lokitaaboi ŋulu a ŋikadwarak.

¹⁵Egeno ayoŋ neni ka Akuj, ikwaŋinapei igenotor ikes lu, ebe eyarunete ŋikatwak ŋulu iyookino kaapei ka ŋulu nyiyookino.

¹⁶Aŋun, emukekinit ayoŋ jwi jwi akitacaunit ŋatameta kaŋ alokiŋaren Akuj ka alokiŋaren ŋituŋa.

¹⁷“Ani kelunyar ŋikaru ŋidi, ŋulu amamukar ayoŋ anakwap akaŋ, abu oboŋu Yerusalem ayaun ŋakiŋaranakineta ka ŋainakineta lotuŋa kaŋ.

¹⁸Arae apaki ŋina etiyaa ayoŋ ŋun iŋes akaryamuniata Ŋiyudayan ŋice ŋulu alo Asia ayoŋ alo Kai ka Akuj, kerikak etal ŋolo ka akiteseguno, ikwaŋina icikakinitotor Ŋikisila kosi. Amam asepic ikirukitor ayoŋ ka amam aruruma.

¹⁹Itemokino ikes ŋilopeyek potu kiŋaren kon, kirworo ŋakiro ŋuna ekesitakinitotor ayoŋ, erae keyakatar ŋakiro ŋadi ŋuna aronia ayoŋ.

²⁰Kori kimyek ŋikilyok lu tolimut aseconu ŋina apotu ikes toryamut aneni kaŋ apaki ŋina awoitor ayoŋ alokiŋaren Atukot

²¹alemar akirot apei bon ŋina abu ayoŋ olimu apaki ŋina awoitor alokiŋaren kec ebe, ‘Ekesitakinitae ayoŋ nakoloŋit na, anerae anupit atemar eyarunete ŋikatwak.’ ”

²²Apaki ŋin, abu Pelekis ŋolo ayeni ejok nooi ŋakiro ŋuna ke Erot a ŋolo ke Ekapolon Yesu, tolimok ikes tema, “Atubi ayoŋ ŋakiro kus apaki ŋina edolunio Lisia ekapolon a ŋisigarya.”

²³Kicikak nai ekapolokiniton a ŋisigarya amiat ŋolo amet Paulo akiyok iŋes, nai inakinite iŋes akilajaara adio ka acamakin ŋikonei keŋ aanyunun iŋes.

²⁴Ani kelunyar ŋirwa ŋice, potu Pelekis ka Drusila aberu keŋ ŋina arae Ayudayat; kiyakiya iŋes akirot atemar tonyarae Paulo. Apotu ikes topupokis iŋes irworo ŋuna ka anupit Yesu Kristo.

²⁵Nai ani erubakini Paulo irworo ŋuna ka akiyookino, ŋuna ka akiyapara ka ŋuna ka abunore Akoloŋit ŋina etubokinia Akuj ŋituŋa, tobul Pelekis tolimok Paulo tema, “Ape mono! Akanyarae ayoŋ iyoŋ nabo aryamuni apaki.”

²⁶Emuit iŋes tari atemar okoinak Paulo ŋisiliŋa; aŋun, kirucuruc iŋes anyaraiyanar Paulo erwor ka iŋes.

²⁷Nai ani elunyarosi ŋikaru ŋiarei, kilunyokin ekepukan ece ŋolo anyaritae Porkias Pesto lorot a Pelekis. Aŋuna acamitor Pelekis akitiya ŋuna etalakarito Ŋiyudayan, abu kimyek Paulo alomabus.