Read ngakarimojong 2 Ŋikor. 2 Bible Online

2 Ŋikor. 2 - ngakarimojong bible

2 Ŋikor. 2

¹Aŋun, abu ayoŋ otyaku atemar nyabu nabo neni kus eyaloloŋi.

²Ani nai kerae ekesiyaloloŋ ayoŋ iyes, kerae nai ŋae idoŋi akitalakar ayoŋ? Erae ca ŋituŋa ŋulupei abu ayoŋ esiyaloloŋ.

³Iŋes nai abunio ayoŋ egiria abaruwa ŋin neni kus. Pa acamit ayoŋ abunore neni kus, ido ekesiyaloloŋ ayoŋ ŋituŋa ŋulupei etemokino eketalakasi ayoŋ. Anerae acamunit kire ayoŋ atemar, ani alakara ayoŋ, iŋes atemar ilakara iyes daadaŋ.

⁴Abu ayoŋ egir neni kus iyaloloŋi ka eryeba etau kaŋ nooi ka egworo daŋ; pa arae ŋuna acamit ayoŋ ŋuna ka akisiyaloloŋ iyes, nai ikotere toyenut amina kaŋ ŋina apolon nooi neni kus daadaŋ.

⁵Ani keyai idio ŋini esiyaloloŋ ŋinice, nyekesiyaloloŋi iŋes ayoŋ, nai ikisiyaloloŋi iŋes iyes daadaŋ.

⁶Ituŋanan ŋini ikoni ŋin, akisican anatukot iŋes epedori.

⁷Nai akilo, itemokino kisyonioto ka kimaimaa iŋes, ikotere nyesuro etau keŋ nooi, ido toluŋakin jik.

⁸Aŋun, ekelipit ayoŋ iyes kiteyenikis iŋes atemar iminasi kire iyes iŋes nooi.

⁹Abu ayoŋ ekegirak iyes abaruwa ŋin, anerae acamit ayoŋ ayenun epite ŋolo kiponiata iyes topedoryata akipiyor akikatakinet ŋin, ka erae kipedorito jwi jwi akiwuap ŋakitatameta kaŋ.

¹⁰Ani kisyonioto iyes ituŋanan, esyoni ayoŋ daŋ iŋes. Ani kesyon ayoŋ idiotuŋanan--erae kire keyai ŋini itemokino esyoni--esyoni aŋuna kus alotooma Kristo,

¹¹ikotere nai nyikilounia Satan iwon. Anerae ikiyeni iwon ŋuna etuko iŋes.

¹²Ani ŋina adolunio ayoŋ Toroas alimonokin Ŋakiro ŋuna Ajokak ŋuna a Kristo, abu oryamu atemar kesir Ekapolon keŋaa aina erot ŋolo a Ŋakiro a ŋuna Ajokak.

¹³Nai eyaloloŋi ayoŋ nooi, anerae nyeryamuna ayoŋ lokaato kaŋ Tito aina. Aŋun, abu otema neni a ŋituŋa aina ikianyun, ido olot nai Makedonia.

¹⁴Olakaros neni ka Akuj! Anerae ikiŋarenikinit iŋes iwon jwi jwi anakiloun a ŋina a Yesu Kristo! Ikisitiyae iŋes iwon akielakin nakwap daadaŋ eure ŋolo akukunyon ŋolo ka ayenut keŋ.

¹⁵Kire, ikirae iwon aneni ka Akuj eure ŋolo akukunyon ŋolo a Kristo ŋolo ielakin lotuŋa ŋulu eiunitae ka ŋulu ebukoro.

¹⁶Aneni a ŋice, erae eure ŋolo ka atwanare ŋolo eyauni atwanare; aneni a ŋice, erae eure ŋolo ka akiyar, ŋolo eyauni akiyar. Ŋae epedori akitiya ŋiticisyo ŋulu ikote ŋul?

¹⁷Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.