Read ngakarimojong Yos. 16 Bible Online

Yos. 16 - ngakarimojong bible

Yos. 16

¹Tonyarae nai ŋituŋa a Yosepu akorakin akwap. Alowae a ŋolo alo Kwap, esyakinit ekukoru a ŋituŋa a Yosepu alo Kide ŋilelyan ŋulu a Yeriko alo Kide aŋolol Yorodan, tomyaa a nen Kuju-To, kitor Yeriko, kiporo naloŋisat, kitor nakwap ŋina a ŋikamukumukui, todol Besel,

²tomyaa alo Besel tolot Lus; a nen kitor nakwap a Ŋiarika kidir Ataros.

³Totiyaar nai lowae ŋolo alo To akwap a Ŋiyapeles, kidir Bes-Oron ka Geser toremokin nanam Mediteranian.

⁴Arae ŋin akwap ŋina apotu ŋituŋa a Yosepu ka ŋulu a Manase ta ŋulu a Epuraim toryamut erae ŋina kec.

⁵Esibakitae ŋalup a ŋituŋa a Epuraim a ŋatekerin kec ikona: Egyerit ekukoru kec alo Ataros-Adar alowae a ŋolo alo Kide kitor nenimukur alo Bes-Oron.

⁶A nen kitor ekukoru To toman alo Kuju Mikimesas. Kiluguyo Kide kidir Tanaas-Cilo tolunyar Kide neni enyaritae Yanoa,

⁷totiyaar nai Alo Yanoa tomyaa Ataros ka Naara, togaariyo Yeriko, toŋetakin Yorodan.

⁸Alo Tapua, amyarit ekukoru To nayonae ŋina enyaritae Kana, toremokin nanam Mediteranian. Arae ŋin akwap a ŋituŋa a Epuraim a ŋatekerin kec,

⁹kaapei ka ŋitaunio daadaŋ ka ŋirerya ŋulu atyakakinitae ikes anakwap a ŋituŋa a Manase.

¹⁰Nai apotu ikes nyiritasi Ŋikanaani ŋulu alomito Geser. Tari tokona arubakis Ŋikanaani erukito ka ŋituŋa a Epuraim, nai ereikinitae ikes akitiya aŋuna a ŋituŋa a Epuraim.