Read ngakarimojong Yos. 19 Bible Online

Yos. 19 - ngakarimojong bible

Yos. 19

¹Anakilamilam a ŋina a ŋaarei aponi tolimunoe ekiro a ekabila a Simeon a ŋatekerin kec. Aponi tokorakinae ikes akwap ŋina ayai nakwap a ekabila a Yuda.

²Akorakinitae ikes ŋitaunio lu: Beeriseba, Seba, Molada,

³Asar-Saul, Bala, Esem,

⁴Elitolad, Besul, Orima,

⁵Sikilag, Bes-Marikabos, Asar-Susa,

⁶Bes-Lebaos ka Saruen. Arae ŋul ŋitaunio ŋitomon ka ŋiuni ka ŋirerya kec.

⁷Ain, Rimon, Eser ka Asan. Arae ŋul ŋitaunio ŋiomwon ka ŋirerya kec.

⁸Emarakinitae daŋ neni a ekabila a Simeon ŋirerya daadaŋ ŋulu alodiyete ŋitaunio ŋul; todoiyo tari Baalas-Beer, iŋes Rama alo Negeb. Arae ŋin akwap a ŋituŋa a Simeon a ŋatekerin kec.

⁹Atyakakinio ŋituŋa a Simeon akwap anakwap a ŋituŋa a Yuda, anerae apiyanuna akwap a Yuda alokulepek. Aŋun, aponi tokorakinae ŋituŋa a Simeon akwap ŋin aruwor ŋina kec anakwap a ŋituŋa a Yuda.

¹⁰Anakilamilam a ŋina a ŋauni, aponi tolimunoe ekiro a ekabila a Sebulon a ŋatekerin kec. Adolit ekukoru a akwap kec Sarid;

¹¹kiropo a nen lowae ŋolo alo To, tomyaa Marala toremokin Dabeses, kiropo a nen nayonae ŋina alo Kide ŋina eyai Yokineam;

¹²kiluguyo alo Sarid kidir Kide lokukoru a Kisilos-Tabor, kiropo a nen neni enyaritae Daberas, todoka Yapia;

¹³kiropo a nen kidir Kide todol Gasi-Eper ka Esikasin, tomyaa tari Rimon kiluguyo Nea;

¹⁴alo Rimon, elugiyorit ekukoru lowae ŋolo alo Kuju kidir Anason toremokin nakadipaalat Ipit-El.

¹⁵Emarakinitae ŋitaunio lu lotuŋa a Sebulon: Katas, Naalal, Simiron, Idala ka Betelem. Arae ŋitaunio kec ŋitomon ka ŋiarei ka ŋirerya kec.

¹⁶Arae ŋul ŋitaunio ka ŋirerya ŋulu a ŋituŋa a Sebulon a ŋatekerin kec.

¹⁷Anakilamilam a ŋina a ŋaomwon aponi tolimunoe ekiro a ekabila a Isakar ŋatekerin kec.

¹⁸Aya ŋakiboisyo nu nakwap kec: Yesireel, Kesulos, Sunem,

¹⁹Aparaim, Cion, Anaaras,

²⁰Rabis, Kision, Ebes,

²¹Remes, En-Ganim, En-Ada ka Bes-Pases.

²²Adolit ekukoru kec Tabor ka Saasuma ta Bes-Semes, kisalak Yorodan. Arae ŋul ŋitaunio ŋitomon ka ŋikanikapei ka ŋirerya kec.

²³Arae ŋul ŋitaunio ka ŋirerya ŋulu a ekabila a Isakar a ŋatekerin kec.

²⁴Anakilamilam a ŋina a ŋakan, aponi tolimunoe ekiro a ekabila ka Aser a ŋatekerin kec.

²⁵Aya ŋakiboisyo nu nakwap kec: Elikas, Ali, Beten, Akisap,

²⁶Alamelek, Amad ka Misal. Alowae a ŋolo alo To adolit ekukoru kec Karimel ka Sikor-Libinas;

²⁷kiluguyo a nen, kidir Kide neni eyai Bes-Dagon, kinapakin Sebulon ka akadipaalat Ipita-El tomyaa Kuju, kidir Bes-Emek ka Neiel kiropo a nen lowae ŋolo alo Kuju todol Kabul,

²⁸tolunyar a nen kitor Eburon, Reob, Amon, Kana todoiyo tari Sidon,

²⁹kilugoyo nai ekukoru a nen kidir Rama, tomyaa Tiro lotaun ŋolo awuat arwatata ŋina adukuk nooi, kilugok a nen kidir Osa kiropu ananam anakiboisyo a nu: Meelab, Akisib,

³⁰Uma, Apek ka Reob. Arae ŋul ŋitaunio ŋatomoniarei ka ŋiarei ka ŋirerya kec.

³¹Arae ŋul ŋitaunio ka ŋirerya ŋulu a ekabila a Aser a ŋatekerin kec.

³²Anakilamilam a ŋina a ŋakanikapei, aponi tolimunoe ekiro a ekabila a Naputali a ŋatekerin kec.

³³Esyakinit ekukoru kec alo Elep, aneni eyai ekuyon ŋolo alo Sananim kitor Adam-Nekeb ka Yabineel, tomyaa Lakum, toremokin Yorodan,

³⁴kilugok kidir To lotaun ŋolo enyaritae Asinosi alodiyete emoru Tabor, kiropo lotaun Ukok, kikukorikin ka akwap a ekabila a Sebulon, alowae a ŋolo alo Kwap ka akwap a ekabila ka Aser alowae a ŋolo alo To ta Yorodan alowae a ŋolo alo Kide.

³⁵Ŋitaunio ŋulu awuato ŋarwatatain ŋuna adukuk nooi ikes lu: Sidim, Ser, Amas, Rakas, Kineres,

³⁶Adama, Rama, Asor,

³⁷Kedec, Eder, En-Asor,

³⁸Yiron, Migidal-El, Orem, Bes-Anas ka Bes-Semes. Arae ŋitaunio ŋul ŋitomon ka ŋikanikaomwon ka ŋirerya kec.

³⁹Arae ŋitaunio ŋul ka ŋirerya kec ŋulu a ekabila a Naputali a ŋatekerin kec.

⁴⁰Anakilamilam a ŋina a ŋakanikaarei, aponi tolimunoe ekiro a ekabila a Dan, a ŋatekerin kec.

⁴¹Aya ŋakiboisyo nu nakwap kec: Sora, Esitaol, Ir-Semes,

⁴²Saalabin, Aijalon, Isila,

⁴³Elon, Timina, Ekiron,

⁴⁴Eliteke, Gibeson, Baalas,

⁴⁵Yeud, Ben-Berak, Gasirimon,

⁴⁶Mejarikon, Rakon ka akibois ŋina iteosi ka Yopa.

⁴⁷Aŋuna adidiŋia akwap ŋina akorakinitae ŋituŋa a ekabila a Dan; apotu ikes kicodosi toremo etaun Lesem, kikamasi ka tomunyasi ŋituŋa keŋ. Toloma ikes nen, tolimokis ekiro a etaun a ŋol Dan, ekiro ŋolo arae ŋolo a papaa kec.

⁴⁸Arae ŋul ŋitaunio ka ŋirerya a ŋituŋa a Dan a ŋatekerin kec.

⁴⁹Ani nai irikakinete Ŋisirael akikor akwap lokabilae kec, apotu ikes inakis Yosua lokoku a Nun akwap ŋina abu toruwor ŋina keŋ

⁵⁰ikwapei alimunitor Ekapolon. Apotu ikes inakis Yosua etaun ŋolo aris Yosua kiŋit ikes. Arae etaun ŋol Timina-Sera ŋolo ayai nakwap ŋina a ŋikamukumukui ŋina ke Epuraim. Abu nai Yosua toduk nabo etaun ŋol kiboikin iŋes nen.

⁵¹Arae ŋun ŋakwapin ŋuna apotu Eleasar esacaradoti ka Yosua lokoku a Nun ta ŋikarikok a Ŋisirael tokorakis Ŋisirael. Apotu ikes tokora akwap anakilamilam alokiŋaren Ekapolon aneni enyaritae Silo, alo Eema a ŋolo elipere neni ke Ekapolon. Epite ŋol iŋes aponiata Ŋisirael tokoryata akwap kec.