Read ngakarimojong Yos. 21 Bible Online

Yos. 21 - ngakarimojong bible

Yos. 21

¹Apotu ŋikarikok ŋulu a ekabila a Lepi toloto neni ke Eleasar esacaradoti ka neni a Yosua a lokoku a Nun ta neni a ŋikarikok a Ŋisirael a ŋulu a ŋikabilae a ŋuluce.

²Apotu tolimokis ikes alo Silo alotaun a ŋolo anakwap a Kanaan temasi, “Abu Ekapolon kicik Moses atemar emaikina isua ikikorakin ŋitaunio ŋulu kiboikino ka neni edakasi ŋibaren kosi.”

³Apotu nai Ŋisirael kiwuapa akiciket ŋina a Ekapolon, totyakakis ŋituŋa a Lepi anakwap kec ŋitaunio ka neni edakasi ŋibaren kec.

⁴Aponi anakilamilam tolimunoe ateker a Ŋikaoti, a ŋiletok ka Aron a esacaradoti. Tokorakinae ikes ŋitaunio ŋitomon ka ŋiuni ŋulu eryamuryamunete ŋituŋa a Yuda ka ŋulu a Simeon ta ŋulu a Benjamin.

⁵Ani eruwor Ŋikaoti ŋulu ariŋa nyeryamuna ŋitaunio kec, aponi anakilamilam tokorakinae ŋitaunio ŋitomon ŋulu eryamuryamunete ŋituŋa ŋulu a Epuraim ka ŋulu a Dan ta ŋulu a atutubet a apei a ŋina a Manase.

⁶Apotu Ŋigerisoni toryamut anakilamilam ŋitaunio ŋitomon ka ŋiuni ŋulu eryamuryamunete ŋituŋa a Isakar ka ŋulu ka Aser ka ŋulu a Naputali ta ŋulu a atutubet a apei a ŋina a Manase alo Bacan.

⁷Apotu Ŋimerari toryamut anakilamilam ŋitaunio ŋitomon ka ŋiarei ŋulu eryamuryamunete ŋituŋa a Ruben ka ŋulu a Gad ta ŋulu a Sebulon.

⁸Ŋitaunio ŋul ka neni adakasi ŋibaren, ikes apotu Ŋisirael totyakakis ŋituŋa a Lepi ikwapei ecikitor Ekapolon Moses.

⁹Apotu ikes totyakut alokabila a Yuda ka alokabila a Simeon ŋitaunio lu ŋulu elimunitoe,

¹⁰ŋulu aponi tokorakinae ŋiletok ka Aron ŋulu anateker a Ŋikoati a ŋulu arae ŋiletok a Lepi, anerae ikes abu akilamilam ŋina esyakinan tolimo.

¹¹Ŋitaunio lu ikes aponi tokorakinae ikes: Kirias-Araba ekiro a papa keŋ ka Anak, tokona enyaritae etaun ŋol Eburon anakwap a ŋina a ŋikamukumukui a ŋina a Yudaya kaapei ka neni edakasi ŋibaren.

¹²Nai ŋimanikorin ŋulu ke etaun a ŋol ka ŋirerya keŋ, aris keinakin neni a Kaleb a lokoku a Yepune toruworos ŋulu keŋ.

¹³Aponi inakinae ŋidwe ka Aron a esacaradoti Eburon, arae Eburon etaun ŋolo adoonokinete ŋulu ebucakin akiar ŋuluce. Aponi inakinae ikes tari neni edakasi ŋibaren kec, ainakinitae daŋ ikes Libina,

¹⁴Yatir, Esitemoa,

¹⁵Olon, Debir,

¹⁶Ain, Yuta ka Bes-Semes. Arae ŋul ŋitaunio ŋikanikaomwon ka ŋadakarisinei kec. Ŋikabilae ŋiarei apotu kiryamuryamut ŋitaunio ŋul, inakis neni a ŋidwe ka Aron.

¹⁷Aponi alokabila a Benjamin inakinae ŋidwe ka Aron ŋitaunio lu: Geba,

¹⁸Anasos ka Alimond. Arae ŋul ŋitaunio ŋiomwon ka ŋadakarisinei kec.

¹⁹Arae ŋitaunio ŋulu a ŋidwe ka Aron a ŋulu arae ŋisacaradotin ŋitomon ka ŋiuni ka ŋadakarisinei kec.

²⁰Ani ŋatekerin ŋunace ŋuna a Ŋikoati a ŋituŋa a Lepi ŋuna edoŋito, aponi inakinae ŋitaunio anakwap a ekabila a Epuraim.

²¹Aponi ikes inakinae anakwap a ŋina a ŋikamukumukui a ŋina ke Epuraim ŋitaunio lu: Sekem, arae Sekem etaun ŋolo adoonokinete ŋulu ebucakin akiar ŋuluce, Geser,

²²Kibisaim ka Bes-Oron. Arae ŋul ŋitaunio ŋiomwon ka ŋadakarisinei kec.

²³Alokabila a Dan daŋ, aponi inakinae ikes ŋitaunio lu: Eliteke, Gibeson,

²⁴Aijalon ka Gas-Rimon. Arae ŋul ŋitaunio ŋiomwon ka ŋadakarisinei kec.

²⁵Anatutubet a apei a ŋina a ekabila a Manase, aponi inakinae ikes ŋitaunio lu: Taanak ka Gas-Rimon. Arae ŋul ŋitaunio ŋiarei ka ŋadakarisinei kec.

²⁶Ŋitaunio ŋulutomon ŋul daadaŋ ka ŋadakarisinei kec, ikes aponi inakinae neni a ŋatekerin a Ŋikoati a ŋunace.

²⁷Aponi ŋilepi ŋulu ka ateker a Ŋigerisoni inakinae ŋitaunio lu: Anakwap a ŋina a atutubet a apei a ŋina a ekabila a Manase, aponi inakinae Golan alo Basan, arae Golan etaun ŋolo adoonokinete ŋituŋa ŋulu ebucakin akiar ŋuluce ka Bes-Esitera. Arae ŋul ŋitaunio ŋiarei kaapei ka ŋadakarisinei kec.

²⁸Anakwap a ŋina a ekabila a Isakar, aponi inakinae Kicion, Daberas,

²⁹Yarimus ka En-Ganim. Arae ŋul ŋitaunio ŋiomwon kaapei ka ŋadakarisinei kec.

³⁰Anakwap a ŋina a ekabila ka Aser, aponi inakinae Mical, Abadon,

³¹Ilikas ka Reob. Arae ŋul ŋitaunio ŋiomwon ka ŋadakarisinei kec.

³²Anakwap a ŋina a ekabila a Naputali, aponi inakinae Kedec alo Galileya, Arae Kedec etaun ŋolo adoonokinete ŋituŋa ŋulu ebucakin akiar ŋuluce, Amos-Dor ka Karitan. Arae ŋul ŋitaunio ŋiuni kaapei ka ŋadakarisinei kec.

³³Arae ekimar a ŋitaunio a ŋatekerin a Ŋigerisoni ŋitomon ka ŋiuni ka ŋadakarisinei kec.

³⁴Ani Ŋimerari, ŋatekerin a Lepi ŋuna edoŋito, aponi inakinae ŋitaunio lu: Anakwap a ŋina a ekabila a Sebulon, aponi inakinae Yokineam, Karita,

³⁵Dimina ka Naalal. Arae ŋul ŋitaunio ŋiomwon kaapei ka ŋadakarisinei kec.

³⁶Anakwap a ŋina a ekabila a Ruben, aponi inakinae Beser, Yasa,

³⁷Kedemos ka Mepaas. Arae ŋul ŋitaunio ŋiomwon kaapei ka ŋadakarisinei kec.

³⁸Anakwap a ŋina a ekabila a Gad, aponi inakinae Ramos alo Gilead, arae Ramos etaun ŋolo adoonokinete ŋituŋa ŋulu ebucakin akiar ŋuluce, Manaim,

³⁹Esibon ka Yaser. Arae ŋul ŋitaunio ŋiomwon kaapei ka ŋadakarisinei kec.

⁴⁰Ŋimerari ŋulu edoŋito anatekerin a Lepi ikes ainakinio ŋitaunio ŋul daadaŋ a ŋatekerin kec. Arae ikes daadaŋ ŋitaunio ŋitomon ka ŋiarei ka ŋadakarisinei kec.

⁴¹Ekimar a ŋitaunio a daadaŋ a ŋulu ainakinio ŋituŋa a Lepi anakwap a Ŋisirael, arae ŋatomoniomwon ka ŋikanikauni ka ŋadakarisinei kec.

⁴²Ŋitaunio ŋul daadaŋ, ayakar ŋolotaun adakari keŋ diyete keŋ.

⁴³Epite ŋol iŋes ainakinia Ekapolon Ŋisirael daadaŋ akwap ŋina abu iŋes kiik anakikoŋiet keŋ ainakin neni atapapaa kec. Apotu Ŋisirael kikamasi akwap ŋin kiboikinos nen.

⁴⁴Abu nai Ekapolon kisieŋa Ŋisirael jik ejie alowaetin a akwap kec a daadaŋ, ikwaŋina eikinitor anakikoŋiet keŋ neni atapapaa kec. Mam ŋimoe kec tari ipei ŋini abu topedo akiloun ikes. Abu Ekapolon kipotok ŋimoe kec daadaŋ nakan kec, toreut.

⁴⁵Mam akirot apei daŋ ŋina ajokan ŋina abu Ekapolon kiik Ŋisirael ŋina abu nyiyookin. Apotu ŋakiro daadaŋ kiyookinos.