Read ngakarimojong 2 Ŋites. 3 Bible Online

2 Ŋites. 3 - ngakarimojong bible

2 Ŋites. 3

¹Ŋuna isidiyete ŋikaitotoi, kilipa aŋuna kosi, ikotere kielakin atipei ŋakiro ŋuna ke Ekapolon lotuŋa, ido kijaut ikes ŋun itopoloorito, lopite ŋolopei ijauniata iyes daŋ.

²Kilipa daŋ, ikotere itoiu isua Akuj aneni a ŋituŋa a ŋulu asecak, a ŋulu aronok, anerae nyenupito ŋituŋa daadaŋ ŋakiro ŋuna ka Akuj.

³Nai ikinyoma Ekapolon; ikitogogoŋi ka ikiyoki iŋes iyes aneni a ŋolo Aronon--Satan.

⁴Ikikinyomit isua Ekapolon aŋuna kus atemar itiyaete ka irubakinete itiyaete ŋuna adaun isua akicikakin iyes.

⁵Ikilipi isua neni ke Ekapolon kibelek ŋitai kus namina ŋina ka Akuj ka natitinyikinit ŋina a Kristo.

⁶Ŋikaitotoi, ikicikakinit isua iyes alokiro ke Ekapolon Yesu Kristo, atemar totyakaros aneni a ŋikaitotoi a ŋulu ekalanyaka, ŋulu nyiwuapito ŋakiro ŋuna aponi isua kitatamae.

⁷Iyenete iyes ŋilopeyek epite ŋolo eboiyere isua alokidiŋ kus; itemokino epite ŋol toruwor akitaanyikinet aneni kus. Pa ikikalanyaka isua apaki ŋina ikirukitor iwon.

⁸Nyimuja isua akimuj a ituŋanan a idio pa etacitae. Nai ikipotu isua etiyata ka agogoŋu nooi; aponi isua kitiyae akuwar ka apaaran, ikotere nyikisiyaloloŋi isua iyes aŋuna ka aryamun akiŋarakinet adio aneni kus.

⁹Aponi isua kitiyae ŋun, meere aŋuna amamukar isua apedor ŋina kiitanet akiŋarakinet adio aneni kus, nai ikotere eruworoe isua akitaanyikinet ŋina itemokino iyes kiwuapa.

¹⁰Tari ŋina ikirukitor iwon, aponi isua ikicikakin iyes ŋakiro nu, “Ituŋanan daadaŋ ŋini eŋerit etic, nyemaikina iŋes kimuj.”

¹¹Anerae epupyo isua atemar ekalanyaka ŋice alokidiŋ kus, epanapanato tomam ediotic itiyaete.

¹²Alokiro ke Ekapolon Yesu Kristo, icikakinitae ka elimokinitae isua ŋituŋa ŋulu ikote ŋul akitiya etic kec alopite a ŋolo ajokan, ikotere ikes kitiyaut a ŋakan kec ibore daadaŋ ŋini iitanito ikes aŋuna ka akiyar kec.

¹³Ŋikaitotoi, nyikiup akitiya ŋuna ajokak.

¹⁴Ani kewou idiotuŋanan akiwuap ŋuna irworoe isua anabaruwa a na, tocoikisi iŋes ejok, ka totyakaros aneni keŋ, ikotere kiruma iŋes ŋileec.

¹⁵Nyitusubut iŋes emoit; nai kisirworo iŋes erae lokaato kus.

¹⁶Ikilipit isua Ekapolon ŋolo ke ekisil ikiinak iyes ekisil jwi jwi alopitesyo a daadaŋ. Toyai Ekapolon neni kus a daadaŋ.

¹⁷Ayoŋ Paulo egirit ŋimalasyo lu ka akan kaŋ ke elope. Epite lo iŋes egiria ayoŋ ekiro kaŋ aŋetakini akigir ŋinabaruwa kaŋ daadaŋ.

¹⁸Toyai neni kus daadaŋ ajokis ŋina ke Ekapolon yok Yesu Kristo.