Read ngakarimojong 1 Tim. 4 Bible Online

1 Tim. 4 - ngakarimojong bible

1 Tim. 4

¹Elimunit Etau ŋolo ka Akuj ŋakiro ŋuna ileereete ebala, alorwa a ŋulu esidyok, epalikinete ŋituŋa ŋice anupit Kristo. Iwuapakinete ikes ŋitai ŋulu alyokonok ka akitatam ŋina a ŋipyan.

²Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

³Itatamete ŋituŋa ŋul atemar erono akiitar ka akinyam ŋamuja ŋace. Nai erae ŋamuja ŋun ŋuna abu Akuj tosub, ikotere ŋituŋa ŋulu enupito ka toyenete ŋuna a kire imujete kedaut alakari neni ka Akuj.

⁴Ejok ibore daadaŋ ŋini abu Akuj tosub, emam ibore ŋini itemokino toŋeroe, erae kijaunitae ka alakara aneni ka Akuj;

⁵anerae akirot ŋina ka Akuj ka akilip, ikes ituruwuorete akimuj ŋin ŋina itesegitae alokiŋaren keŋ.

⁶Ani kilimok iyoŋ ŋakiro nu neni a ŋikaitotoi alotooma Kristo, iruwor iyoŋ eketiyan a Yesu Kristo ŋolo ajokan, apaki daadaŋ ŋina irubakinitor iyoŋ iryamunit agogoŋu anakiro a ŋuna ka anupit ka anakitatam a ŋina ajokan a ŋina idau iyoŋ akiwuap.

⁷Nai toŋer ŋiemuto ŋulu nyecamam ka ŋakiro ŋuna ka Akuj, ŋulu emam apolou kec. Torubak itatama bon aruwor ŋolo iboi anakiyar a ŋina ecamit Akuj.

⁸Ejok akitiya etic edio aŋuna ka akuwan toryamunia agogoŋu, nai ejok alowaetin a daadaŋ arubakin itatama akiboi anakiyar a ŋina ecamit Akuj, anerae ikiikinete ŋun akiyar ŋina a tokona ka ŋina a rwanu.

⁹Erae na alimunet ŋina ikinyoma ka emaikina tocamunae.

¹⁰Ikicatakinit iwon ka ikitiyae ka agogoŋu nooi, anerae ikigeno iwon neni ka Akuj a ŋina eyari, a ŋina erae Akaiunan a ŋituŋa a daadaŋ, akilo nooi ŋulu enupito iŋes.

¹¹Kicikak ka kitatam ŋikanupak ŋuluce ŋakiro ŋun.

¹²Nyikijamuwa iyoŋ ituŋanan idio aŋuna iraakar iyoŋ esorokit, nai torae akitaanyikinet ŋina a ŋikanupak alorwor kon, alopitesyo kon, anamina kon, ananupit kon ka anasegis ke etau kon.

¹³Kiwuak ŋatameta kon daadaŋ ka agogoŋu kon daadaŋ nasyomanakin ŋituŋa ŋakiro ŋuna ka Akuj, nalimonokin ka nakitatam akitodol ŋina abunio ayoŋ.

¹⁴Nyijamak ainakinet ŋina ke Etau a ŋolo ka Akuj ŋina eyai neni kon, ŋina aponi ikiinakin iyoŋ apaki ŋina erworotor ŋikadwarak, ido kidokok atukot a ŋikatukok ŋakan kec nakou kon.

¹⁵Kitiyaenenee ŋakiro ŋun ka inakina aŋuna kec; ikotere nai eanyuwarete ŋituŋa daadaŋ akiyata alotooma ŋuna itiyae iyoŋ.

¹⁶Toyeni iyoŋ epite ŋolo iboiyo ka ŋakiro ŋuna itatami. Torubak itiyae ŋakiro ŋun, anerae kitiya iyoŋ, iiun iyoŋ elope ka ŋulu iirarete ŋuna itatami.