Read ngakarimojong Yak. 3 Bible Online

Yak. 3 - ngakarimojong bible

Yak. 3

¹Ŋikaitotoi kaŋ, nyitemokino iyes ŋikalalak iruworosi ŋiketatamak; ikwaŋina iyeniata iyes atemar, ikitubokinio iwon ŋiketatamak ka agogoŋu akilo ŋuluce.

²Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.

³Eenianakinio arukan nakituk ka aŋole, ikicamit kiwuap ŋakiro yok; alopite a ŋol, ikipedori iwon akiyokiun akuwan keŋ daadaŋ.

⁴Totamakisi ŋameeli daŋ; tari kepolok nooi ka kijukite ekuwuam ŋolo apolon, eyakatar ikes ŋameeta ŋuna cicik ŋuna epedoryata ŋikametok areare.

⁵Aŋajep daŋ erae ekiner ŋolo edit anakuwan, nai epedori iŋes akituro aŋuna a ŋakiro a ŋuna apolok. Totamunito atemar, akim ŋina edit epedori anomiar amoni daadaŋ etya neni etya!

⁶Ikoni aŋajep daŋ akim. Erae iŋes alope ka aronis anakuwan. Emunauni akuwan daadaŋ, iwuakini akiyar daadaŋ ŋina a ituŋanan tooma nakim ŋina ebunit anakim a ŋina nyeduŋe.

⁷Epedori ituŋanan akitapatanun ka adau akitapatanun ŋityaŋ ŋulu ka ariet, ŋikieny ka ŋiboorei ŋulu elyato ka ŋisubuna ŋulu eya nakipi.

⁸Nai emam ituŋanan apedo akitapatanun aŋajep; erae iŋes aronis ŋina nyeupenene, ŋina ileleba akisorit ŋina aronon nooi.

⁹Ikisitiyae iwon iŋes akipuror Ekapolon Papa ka iŋes pei ikilamya iwon ŋituŋa ŋulu abu Akuj tosub ikwaan ka iŋes Akuj.

¹⁰Itorunito akipuro ka ŋilam nakituk ŋinapei ŋin. Ŋikaitotoi kaŋ, nyitemokino ŋun totakanut!

¹¹Epedori mono eitanit epei aitun ŋakipi ŋuna ajokak ka ŋuna adwarak a?

¹²Ŋikaitotoi kaŋ! Epedori mono ebobore akira ŋaraito ŋuna a ŋikito ka akimyet kori epedori mono ekitoe ŋolo ke epiini akira ŋaboboryo a? Nyepedori elelya ŋolo a ŋakipi a ŋuna sasam aitun ŋakipi ŋuna ajokak.

¹³Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.

¹⁴Nai ani kiyakatar iyes arakao ŋina aronon nooi ka akitojoka lotai kus, nyiturokinotor aosou ŋin, ido torapa ŋuna a kire aŋuna ka alyokonu kus.

¹⁵Nyebunit aosou ŋin anakuj; erae ŋina ka akwap, nyerae ŋina ke Etau a ŋolo ka Akuj, erae ŋina a ŋolo Aronon.

¹⁶Anerae neni eyai arakao ka akitojoka, eyakaun ŋinyas ka ŋakiro ŋuna aronok daadaŋ.

¹⁷Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.

¹⁸Ŋina itiyaata ŋulu esisilak aŋuna ke ekisil, eekinete ikes ŋikinyom ŋulu erayete akiyookino.