Read ngakarimojong 2 Yoa. 1 Bible Online

2 Yoa. 1 - ngakarimojong bible

2 Yoa. 1

¹Abaruwa aneni ke ekatukon, neni a toto a ŋina seuna ka ŋidwe keŋ ŋulu amina ayoŋ kire. Meere ayoŋ bon, ikiminasi iyes daadaŋ ŋulu eyenete ŋuna a kire;

²anerae iboiyete ŋuna a kire alotooma yok ka erubakinete alotooma yok jik.

³Toyai neni yok ajokis, akisyon, ka ekisil aneni ka Akuj a Papa ka aneni a Yesu Kristo Lokoku a Papa; toruworos ikes ŋulu yok alotooma ŋuna a kire ka alotooma amina.

⁴Abu ayoŋ olelyan nooi aryamuni ŋidwe kon ŋice iwuapito ŋakiro ŋuna a kire, ikwaŋinapei abunio Papa ikicikakinia iwon.

⁵Ekemaimai tokona ayoŋ iyoŋ toto: ominin make. Meere akiciket na ŋina ekegirakinit ayoŋ iyes ŋina kitete aneni kus; erae akiciket ŋina ikipotu iwon eirasi ŋinapei anakisyakinet.

⁶Erae na amina: itemokino iwon ewuapa Ŋakiciketa keŋ. Akiciket ŋina ipotu iyes kiirasi ŋinapei anakisyakinet iŋes na: itemokino iyes daadaŋ iboiyete iminin.

⁷Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

⁸Tocoikinito nyitwakiasi eropit ŋolo idaut iyes akitiyaun, ikotere iryamunete eropit kus daadaŋ.

⁹Ituŋanan daadaŋ ŋini eoliyori ka nyiwuap akitatam a Kristo, emam Akuj aneni keŋ; ituŋanan ŋini iboi anakitatam a Kristo, eyai Papa ka Lokoku neni keŋ.

¹⁰Ani kebu ituŋanan neni kus nyikilimok iyes akitatam ŋin, nyijaut iŋes kai, kori nyimalata iŋes;

¹¹anerae ituŋanan ŋini imalae iŋes, itiyae aronis ikwapei itiyaa ituŋanan ŋin.

¹²Tari keyakasi ŋuna alalak ŋuna acamit ayoŋ akigir neni kus, nyitemokino egir, nai egeno ayoŋ abunore neni kus erworo ka iyes kaapei, ikotere ilelebikin alelyan yok.

¹³Ikimalaete iyes ŋidwe ŋulu a nakaato kus a ŋina seuna.