Read ngando Luka 1 Bible Online

Luka 1 - ngando bible

Luka 1

¹Lacin’oka bato bike bamomeka litenga bosimo bon’aoyi’aho banakambamaki eneyal’iso;

²yok’onok’iy’otolokwelaka, nk’iy’anenaki baoyi’aho l’aiso ena limatsako, ko bamoyalama bakambyi bana Yoi liho;

³ko lacin’oka emamene mosila liyengya bokotua bon’aoyi bahatu ena limatsako nko njengya mene—la ncina eho, emi nkoho ntangaki bolotsi nkotengele baoyi l’aoyi nko cilili, e Teofilo onoseki’olotsi,

⁴lacin’eho oeye solosolo en’aoyi’aho banak’olakamaka.

⁵En’esike eneki Elode oyalaka lifoka lina roi lina Yudea, nkanga emoi ayaaki meho, lina linande Zekelaya, onoyaaki en’oloi bona Abiya; ko booli’onande ayaaki en’ecimo ena Alona, lina linande nko Elisabeta.

⁶Ko iy’afe bayaaki bana mbongi en’oso bona Yakomba, ko bakambaki bina l’ina nko l’asangya ko l’eeka bena Yakomba, efana ncina ena lofeli.

⁷Ko bataat’ona, lacin’oka Elisabeta ayaaki ekomba, ko iy’afe baotunda ngolosombo.

⁸Enem’end’okamb’ekambwa ena nkanga en’oso bona Yakomba, en’ekambelo ena boloi’onande,

⁹esike enande eoyela (yoka bosamb’onoki bokotua bona nkanga oyalaka) lacina atua en’otumba bona Yakomba ko atumbe toumba.

¹⁰Ko bato bahatu baocikala en’anza, bayaonde, en’esike ena ntumba ena toumba.

¹¹Koko ekima ena Yawe eenya eneyal’ende, nko njemala en’ili bona likasa y’ome lina mesa ena ntumba ena toumba.

¹²Koko eneki Zekelaya oenaka, aokandakanda, ko aoka losomo.

¹³Koko ekima amosumola, ate, Zekelaya, tokake losomo; lacin’oka boondo’one bomokana, ko booli’one Elisabeta angokootela bon’ona mpame, ko ongofa lina lika Yoane.

¹⁴Ko ongata ekiko l’enyanga; ko bato bike bangonyangela en’eotwelo enande.

¹⁵Lacin’ende angoyala boto’on’okolo en’aiso bana Yawe; afamelaki baana l’asanga, koko angolola la Bolimo bon’olotsi nk’ena lototo lona nyango enande.

¹⁶Ko angucisa ban’ana Yisalaele bike eneyali Yawe Yakomba eniyo.

¹⁷Ko angocoa en’oso bona Yawe en’olimo l’ena locili lona Eliya, lacina aucisa betema ben’afango eneyali bana, ko akengole bato bana lopoko lacina bakende ena bomwu bona mbongi, lacina akoedya Yawe boloi bon’ato banakolana.

¹⁸Koko Zekelaya aolokwela ekima, ate, Emi nongeya yoi line bosamb’oya? lacin’oka emi njali engambe, ko booli’onami amotunda ngolosombo.

¹⁹Ko ekima amokutwela, ate, Emi nko Ngabaliele, onemala en’oso bona Yakomba; emi motomama lacina ntende l’e, ko nkosumole bosimo’one bon’olotsi;

²⁰ko lenda, ongoyala bokukuluku, ofatendisaki, yengoko bina bonongi baoyi’ane oilama, lacin’oka otimedya baoyi’anami banangilama en’esike enakolana.

²¹Koko bato baolengedya Zekelaya, ko baofefa eneki’nd’okindaka en’otumba bona Yakomba elela.

²²Ko eneki’nd’ofolaka, atatendisa l’iyo; ko baofokol’oka amen’enelo en’otumba bona Yakomba; amatuma la ndembi, koko aoyala nko bokukuluku.

²³Ko efieki bina ben’ekambelo enande okalaka, aocoa nk’en’ol’onande.

²⁴Ko ena mbusa ena bina beho, Elisabeta, booli’onande, aotola yemi, ko aoyofis’endamene nsenza itano, ate,

²⁵Yawe amonjilela yok’osamb’one eneki’nd’ondendaka, lacina anjumwele nsoi enami en’oso bon’ato.

²⁶Ko ena nsenza en’otoa Yakomba aotoma ekima Ngabaliele, acu en’ongili’omoi bona Ngalilaya bonotangama Nazaleta,

²⁷eneyali boyoto onotasongana la mpame, onoyaaki ikuke ina boto’omoi onotangama Yosefa, onoyaaki en’ecimo ena Dawidi. Lina lin’oyoto’oho nko Malia.

²⁸Ko ekima aotua eneyal’ende, ko aila, ate, Ekiko eneyal’e, e onofuedyama isei bike, Yawe ayali l’e.

²⁹Koko ende aoka yoi liho losomo, ko aokandakanda lacin’ena bokotua bona boeso boho.

³⁰Ko ekima amosumola, ate, Malia, taangake; lacin’oka omolata isei eneyali Yakomba.

³¹Ko lenda, ongotola yemi en’otem’one, ko ongota bon’ona mpame, ko ongofa lina lika Yesu.

³²Ende angoyala on’okolo, ko angotangama Bon’onande Onoleki nko ndeka; ko Yawe Yakomba angof’ende ieko ina lifoka lina bafango’onande Dawidi;

³³ko angoyala lifoka lina roi lina ecimo ena Yakobo bisike la bisike; ko lifoka linande lifakalaki tu.

³⁴Ko Malia aosumola ekima, ate, Yoi line lingilama bosamb’oya, enefan’emi bome?

³⁵Ko ekima amokutwela, ate, Bolimo bon’olotsi angoya eneyal’e, ko mpamba enande Onoleki nko ndeka engokokunda; lacin’eho, ende on’oeka onongotwa angotangama Bon’ona Yakomba.

³⁶Ko lenda, Elisabeta, boto’one onotwa l’e, amotola yemi lina bon’ona mpame nkoho, kang’ende ayali engambe, ko ene nko nsenza en’otoa enande onotangamaki ekomba;

³⁷lacin’oka efana yoi linalifakambamisa la Yakomba.

³⁸Ko Malia aila, ate, Lenda, em’one boombo’ona Yawe: yoi yilamake l’emi yoka bosambo bonom’otendaka. Ko ekima auma eneyal’ende.

³⁹Ko Malia aemala ena bina beho, ko aocoa la mbango en’enyanga ben’angonji, nk’en’ecimo emoi ena Yudea;

⁴⁰ko aotua en’otumba bona Zekelaya, ko aesa Elisabeta.

⁴¹Koko eneki Elisabeta ookaka boeso bona Malia, bona aosola ena lototo lonande; ko Elisabeta aolola la Bolimo bon’olotsi,

⁴²ko aotenda la lofoso lona lokolo, ate, E osakelama bosako ena ntoto en’ayato, ko bomamo bon’otem’one bosakelama bosako!

⁴³Ko yoi line yoya eneyal’emi meya, lacina nyango ena Nkolo enami aoya eneyal’emi?

⁴⁴Lacin’oka, eneki batoi’anami ookaka boeso bone, bona aosola bondembi en’otein’onami l’enyanga.

⁴⁵Koko on’ekiko nk’oyoto’oho onimedyaki, lacina baoyi banaki Yawe osumolak’ende bangilama.

⁴⁶Koko Malia aila, ate, Botem’onami bokumya Yawe,

⁴⁷Ko bolimo’onami bonyangela nko Yakomba, Boiki’onami; Lacin’ende amolenda boinda bona lokuma bona boombo’onande bon’oyoto; Ko lenda, en’isik’ine biotwelo bihitu bangontang’emi on’ekiko.

⁴⁸Lacina ende on’ise mpamba amonkambel’emi bikambwa bin’okolo; Ko lina linande yekyama en’oeka. Ko isei inande iyali nk’eneyali biotwelo la biotwelo, Nk’eneyali iyo banang’ende.

⁴⁹Lacina ende on’ise mpamba amonkambel’emi bikambwa bin’okolo; Ko lina linande yekyama en’oeka.

⁵⁰Ko isei inande iyali nk’eneyali biotwelo la biotwelo, Nk’eneyali iyo banang’ende.

⁵¹Ende amokamb’ikambwa bina locili la lo lonande; Amofanzafanza iy’anayaaki la njengodya ena nkanyi y’etem’eniyo.

⁵²Amumola bato bana lifoka ena toeko toniyo tona lifoka, Ko amiledya bato banataata lokumo.

⁵³Amokinza bato banokaki njala nko la toma ton’olotsi, Koko amolitanya batuki bana toma nko bototoloto.

⁵⁴Amokambya Yisalaele, bosali’onande, Amokanedya isei inande

⁵⁵Eneyali Abalayama l’ecimo enande bisike la bisike, (Yok’onoki’nd’osumolaka bafango’aniso).

⁵⁶Ko Malia aokisase l’Elisabeta yoka nsenza isaso, ko ena mbus’eho, autwa en’ol’onandamene.

⁵⁷Ko esike ena Elisabeta ena mbota eoyela, ko aota bon’ona mpame.

⁵⁸Ko iy’anoli l’ende l’iy’anotwa l’ende

⁵⁹Ko iy’anoli l’ende l’iy’anotwa l’ende Ko en’ina bona mwambi baoya lacina bakese yonge lina bonome; ko basokotang’ende la lina lin’afango’onande, nko Zekelaya.

⁶⁰Koko nyango enande ate, Efana, angotangama nko Yoane.

⁶¹Koko iyo, Mbo ofan’oto en’ecimo ene onoyali la lina liho.

⁶²Ko baufola bafango’onande la ndembi, lina linalang’ende baofe bona.

⁶³Ende aelel’ikenga, ko aotenga, ate, Lina linande lika Yoane. Ko iyatu baofefa.

⁶⁴Ko bonyu’onande boumbwa nkwaho, ko lolemi lonande lotungwa, aotenda, ko aokumya Yakomba.

⁶⁵Ko losomo lomakwel’iyatu banatongaki mbolimboli l’iyo; ko baoyi’ane baosekodyama en’enyanga ben’angonji bena Yudea behetu.

⁶⁶Ko bato bahatu banokaki baomonya baho en’etema, iy’ate, Bon’one angoyal’oya? Ko likasa lina Yawe liyaaki l’ende.

⁶⁷Ko Zekelaya, bafango’onande, aolola la Bolimo bon’olotsi, ko aotenda baoyi, ate,

⁶⁸Lokumo eneyali Yawe, Yakomba ena Yisalaele, Lacin’oka amoyengya bato’anande, ko amolaikola la mbiko.

⁶⁹Ko amemadya boiki’ona locili lacin’eniso, En’ecimo ena Dawidi, bosali’onande,

⁷⁰(Yok’onoki’nd’otendaka la bonyua bon’asumoli’anande ban’oeka, Banayaaki nk’ena limatsako),

⁷¹Lacina atiikya eneyali baokyi’owe’aniso, ko l’ena likasa lin’iyatu banatooka bowe;

⁷²Lacina atume bafango’aniso isei, Ko lacina akanedya lisangya linande lin’oeka,

⁷³Nko lisangya linaliki’nd’oteelaka Abalayama, bafango’oniso,

⁷⁴Lacina atof’iso etelo lacina, enem’is’otungwa en’akasa ban’aokyi’owe’aniso, tokambel’ende bikambwa, efan’ofolu,

⁷⁵Tomokambela la cilili ko la mbongi en’oso’onande bina beniso behetu.

⁷⁶Ko e, bona, ongotangama, bosumoli’onande Onoleki nko Ndeka; Lacin’e ongeta en’oso bon’elongi ena Yawe oyoongedya mboka inande;

⁷⁷Ongofa bato’anande njeya ena liiko L’etungwelo en’aoyi’owe’aniyo,

⁷⁸Lacin’en’otema bon’isei bona Yakomba eniso, Bonoki ekedyo eneyali ena liko otokedyaka,

⁷⁹Lacina afoladya iy’anakisase ena liucu ko l’ena lilila lin’ewedi, Ko lacina alonde bakak’aniso ena mboka ena mwi.

⁸⁰Ko bona aofula, ko aocila en’olimo; ko aoyala nk’ena sengelenge, yengoko bina bonoki’nd’oenyaka eneyali Yisalaele.