Read ngando Yoane 19 Bible Online

Yoane 19 - ngando bible

Yoane 19

¹Nkwaho Pilato aotamba Yesu, ko amofoma lofomi.

²Ko soldats baoloha likuka y’eenge, ko baokoiya liho en’ote’onande, ko bamolotsa bokoto bona pourpre,

³ko baoya eneyal’ende, iy’ate, Mbote, Lifoka lina Ba-Yuda! ko bamofoma nsoola.

⁴Nkwaho Pilato aofola lakina, ko amasumola, ate, Lenda, lomofodya eneyal’ino, lacin’eho ino beye, emi mpene ncina ena likambo eneyal’ende.

⁵Koko Yesu aofola, kum’ayalote likuka lina beenge en’ote, la bokoto bona pourpre. Ko Pilato aila, ate, Boto’oho, end’one.

⁶Eneki nkanga ina toome la police oenak’ende, baololua, Mbo oyake en’ekulusu I oyake en’ekulusu! Pilato amasumola, ate, Inoamene botambe, ko boyake en’ekulusu: emamene mpene ncina ena likambo eneyal’ende.

⁷Ba-Yuda bamokutwela, iy’ate, Iso toyali la boeka boniso, koko la boeka boho ende akoli lacina awu, lacin’oka amoyoil’endamene Bon’ona Yakomba.

⁸Eneki Pilato ookaka yoi liho, aanga nko bike mene;

⁹ko aotua lakina en’otumba bona pretoire, ko aut’oufola Yesu, ate, Enay’e meya? Koko Yesu atokutwela nko le yoi.

¹⁰Lacin’eho, Pilato amosumola, ate, Ofankutwela nde? Ofey’oka nde nde la lifoka lacina nkotungole, ko njali la lifoka lacina nkoyake en’ekulusu?

¹¹Yesu aamba, ate, Yombo lifoka liho litakofama ena liko, tumbe otaata lifoka eneyal’emi tu. Lacin’eho, onondekyaki eneyal’e ayali l’owe bonoleki.

¹²En’esik’eho Pilato aofon’etelo oyotungola; koko Ba-Yuda baololomwa, iy’ate, Nk’otungola boto’one ofayali efili ena Kaisala: boto l’oto onoyoil’endamene lifoka lina roi ayali yoka onoatana la Kaisala.

¹³Eneki Pilato ookaka yoi liho, aoya la Ye u en’anza, ko aokisase en’ieko ina bakambo en’edye enetangama Le Pavé, koko ena lofoso lona Ba-Ebele nko Ngabata.

¹⁴Bin’oho boyaaki nko bina bona nkodya en’elambedya en’Etelo, ko yefa liyaaki yoka esike ena midi. Ko aosumola Ba-Yuda, ate, Lenda Lifoka linino!

¹⁵Nkwaho baololomwa, Mbo oumole! oumole! oyake en’ekulusu! Pilato aila, Mbo njakake Lifoka linino en’ekulusu? Nkanga ina toome baamba, Mbo iso tofana lifoka limoi, umola nko Kaisala.

¹⁶Nkwaho amolekya eneyali iyo lacina ayakame en’ekulusu. Koko baotamba Yesu, ko bamotola.

¹⁷Ko aofola kuma ayatole ekulusu enandamene, aocoa en’edye enetangama Edye ena Lalika, ena lofoso lona Ba-Ebele nko Ngolongota.

¹⁸Ko bamoaka meho en’ekulusu, l’ende l’akin’afe ena bikulusu, omoi en’ili’one, okina en’ili’onyi, ko Yesu ena ntoto.

¹⁹Koko Pilato aotenga etangelo, ko ail’eho en’ekulusu; ko etangelo eho eyaaki yok’one: yesu ona nazaleta, lifoka lina ba-yuda.

²⁰Bike bona Ba-Yuda baanda etangelo ene, lacin’oka edye eneki Yesu oyakamaka en’ekulusu eyaaki ena mbolimboli l’onyanga, ko etangelo eotengama ena lofoso lona Ba-Ebele, ko la lofoso lona Ba-Elene, ko la lofoso lona Ba-Loma.

²¹Lacin’eho, nkanga ina toome ina Ba-Yuda baosumola Pilato, Mbo tatengake Lifoka lina Ba-Yuda, tenga nko, Ende ailaki ate Emi njali Lifoka lina Ba-Yuda.

²²Pilato aamba, ate, Yoi linaliki’m’otengaka, motenga nko liho.

²³Eneki soldats oakaka Yesu en’ekulusu, baotamba bisenda binande, ko baokafa biho yoka baondo banei, soldat la soldat liondo limoko; ko baotamba bokoto nkoho, ko boho botaata lisambo, bofomamaki l’ena liko l’en’ase nk’esenda emoko botutuma.

²⁴Lacin’eho, baotendana, iy’ate, Tofakambole boho; tofusake lobese, tombononganya boto onongotamba boho; nko lacina Etengelo ena Yakomba eilame, ate, Baokafa bisenda binami eneyal’iyoamene, Ko baofusa lobese lacin’ena bokoto’onami. Soldats baokamba nko baoyi’aho.

²⁵Koko nyango ena Yesu, l’akune’ona nyango, Malia booli’ona Kelopa, la Malia Mangandala baemala meho mbolimboli l’ekulusu ena Yesu.

²⁶Koko eneki Yesu oenaka nyango enande l’okili onoki’nd’ookaka nganji baemala meho, aosumola nyango enande, ate, Boyoto, lenda, bon’one!

²⁷Koko lakina aosumola bokili’oho, ate, Lenda, bo yango’one. Nkwaho bokili’oho amotola en’ol’onandamene.

²⁸Ena mbusa ena yoi liho, eneki Yesu oeyak’oka baoyi bahatu bamosila yilama, lacina Etengelo ena Yakomba eilame, aila, ate, Lokamposa en’asi.

²⁹Mpoke eyaaki meho, eolola la vinaigre to; baotuta wusuwusu ena vinaigre, ko baongya boho en’okombi, ko baotola boho en’onyu’onande.

³⁰Koko eneki Yesu otambaka vinaigre, aila, ate, Yoi limosila! Ko aosunya bote’onande, ko aolisa bolimo’onande.

³¹Bin’oho boyaaki bina bona nkodya ena Sabata (ko Sabata eho eyaaki Sabata ena nkolo mene), ko Ba-Yuda batalang’oka beduo becikale ena bikulusu en’ina bona Sabata; lacin’eho, baonda Pilato lacina bamunya bekolo, ko baumole beduo.

³²Yok’oho, soldats baoya, ko baomunya bekolo bena boto’on’oso, ko la bekolo benande on’afe onakamaki en’ekulusu l’ende;

³³koko enek’iy’oyelaka eneyali Yesu, ko baen’oka amosila liwa, batamunya bekolo benande;

³⁴ohonde omoi ona soldats amooka ena lofanji lonande la likonga, ko isasanga bakila la basi baofola.

³⁵Ko ende onenaki amoyalama temoin, ko yoi linande liyali nko solosolo; ko ende aey’oka ayatende solosolo, lacin’eho ino bimedya nkoho.

³⁶Lacina baoyi’ane baokambama lacin’eho Etengelo ena Yakomba ailame, ate, Efana nko la buha bonande bonongomunya.

³⁷Ko lakina Etengelo emoi ena Yakomba eila, ate, Bangolend’ende onok’iy’ookaka mpota.

³⁸Ena mbusa en’aoyi’ane, Yosefa ona Alimataya, onoyaaki bokili’ona Yesu, ohonde nko la njofisa, lacin’eneki’nd’oangaka Ba-Yuda, aolomba Pilato etelo oyumola boduo bona Yesu; ko Pilato amof’etelo. Lacin’eho, aoya, ko aumola boduo bona Yesu.

³⁹Koko Nikodemo, ende onoyaki eneyali Yesu en’oso nko l’oco, ende aoya nkoho, aoya l’enganga beka mula la toumba nsanganya, yoka kilos ntuk’inei l’itano.

⁴⁰Ko baotamba boduo bona Yesu, baofuta boho la bisenda bina mbenza ko la toumba, yoka bosamb’onila Ba-Yuda lacin’en’ekunjelo en’ato.

⁴¹Koko lisala Jiyaaki en’okala bonoki’nd’oakamaka en’ekulusu; ko nketa ena ntoto eyaaki ena lisala liho, nketa enetaambyam’oto;

⁴²baambya Yesu meho, lacin’ena bina bona nkodya en’elambedya ena Ba-Yuda, ko lacin’oka nketa eho eyaaki mbolimboli.