Read ngando Bikambwa Biniki Bikima 4 Bible Online

Bikambwa Biniki Bikima 4 - ngando bible

Bikambwa Biniki Bikima 4

¹Nk’enem’iy’otenda l’ato, nkanga ina Yakomba la capitaine en’otumba bona Yakomba la Basadoke baoy’eneyal’iyo;

²ko baolemwa lacin’oka bayalake bato ko bail’oka la Yesu eetwelo en’ato en’ewedi eyali.

³Bamaunda, ko bamaekela en’otumba bon’enyolo yengoko bina bona loi, lacina eyaaki yok’esike ena likolo.

⁴Koko bike’oniyo banokaki yoi bimedyaki; ko botuya bona mpame boyalama yoka nkoto itano.

⁵Koko en’ina bona loi, bato’aniyo ban’afoka, la bingambe, la batengi ban’ekanda, baosolongana ena Yelusalema;

⁶ko Anasa nkanga en’iyome mene ayaaki meho, la Kayafa, la Yoane, la Alesandulo, l’omboi bohotu bona nkanga iyome.

⁷Enek’iy’oemadyaka bikima ena ntoto eniyo, bamaufola, iy’ate, Ino bilaki yoi line la locili lona nai, l’ena lina lika nai?

⁸Nkwaho Petelo aolola la Bolimo bon’olotsi, ko amalokwela, ate, Ino bafoka ban’ato la bingambe bina Yisalaele,

⁹yomb’iso tufolama bon’in’one lacin’ena yoi liney’olotsi linilamaki eneyali boto’on’etumbe, lacin’eho ino beye onomoikyaka:

¹⁰inatu beyaka, l’ino la Ba-Yisalaele bahatu, ena lina lina Yesu Masiya ona Nazaleta, onok’in’oyakaka en’ekulusu, ko onoki Yakomba oetolaka en’ewedi, nko l’ende boto’one aemali mendo en’oso’onino kum’ayaike.

¹¹Yesu one ayali nko lufe linalik’ino bafaki okilaka, limoyalama lin’oso mene lina likoka.

¹²Ko efana liiko eneyali okina tu, lacin’oka en’ase’a loola efana lina likina limofam’ato linalitiikyisa tu.

¹³Enek’iy’oenaka nkaso ena Petelo la Yoane, ko enek’iy’oeyak’oka bayaaki nko bato banatalakama la bomwu bona loko, baofefa; ko bamaey’oka bayaaki la Yesu.

¹⁴Koko enek’iy’oenak’oto onikaki ayemale la bikima, bataat’etendelo lakina lacin’ena yoi liho.

¹⁵Koko bamafodya ena likita isisali, lacin’eho batendane ena lokuko.

¹⁶Ko baufolana, iy’ate, Tongilela bato’ane nai? lacin’oka ekambwa en’ofilo ena lokumo emilama l’iyo, ko emeyana eneyali bato bahatu banatonga ena Yelusalema, ko tofan’eanganelo ena yoi liho tu.

¹⁷Ohonde lacina yoi liho litongoyela en’osana eneyali bato’amoi, tongaan’iyo biano, batatendake lakina l’oto’omoko ena lina line.

¹⁸Ko bamaelela, ko bamasumola nko la locili mene, batatendake ko batalakake ena lina lina Yesu tutu.

¹⁹Koko Petelo la Yoane bamakutwela, iy’ate, Inoamene bokodyaka, yombo yoi likoli l’iso en’aiso bana Yakomba lacina tokolof’ino, yombo tolofa Yakomba;

²⁰lacin’iso tofana mboka emoi yengoko nsumol’ato baoyi banak’is’oenaka l’anak’is’ookaka.

²¹Ko enek’iy’oaanaka lakina eano, bamatungola, eneten’iyo etelo oyasisodya, lacin’ena bato; lacin’oka bato bahatu baokumya Yakomba lacin’en’ekambwa enilamaki.

²²Lacina boto’oho onoki ndembi ene oilamaka ayaaki la mbula inileki ntuk’inei.

²³Enek’iy’otungwaka, baocoa eneyali bato’aniyoamene, bamasumola baoyi bahatu banaki nkanga ina toome la bingambe oasumolaka.

²⁴Ko enek’iy’ookaka baoyi’aho, bailedya lofoso loniyo la lokanyi Jomoko eneyali Yakomba, iy’ate, Yawe, e oyali Yakomba ononunolaki loola la loko la lose l’okwa, ko l’ikambwa bihitu biniyali ena baho,

²⁵E otendaki’ale la Bolimo bon’olotsi nko l’onyua bona bafango’oniso oka Dawidi, bosali’one, ate, Bato ban’efenda bamolemwa, Ko bato bamokanela baoyi bana bototoloto, lacina nai?

²⁶Bafoka bana loko bamemala, Ko bato bana lifoka bamosolongana Oyokana la Yawe ko la Masiya enande, oyasimba.

²⁷Solosolo mene Elode la Pontio Pilato, la Befenda la bato bana Yisalaele, basusanaki lacin’eho basimbe Bon’one on’oeka,

²⁸lacin’eho baile baoyi l’aoyi banaki likasa line la eango ene oangak’oso lacina bailame.

²⁹Isanga, Yawe, lenda biano biniyo, ko faka baombo’ane etelo lacina batende yoi line efan’ofolu,

³⁰enaciedy’e likasa line oyiky’ato ena nkangi, ko lacina okambe ndembi la bikambwa bina mpefa nko la lina lina Bon’one on’oeka oka Yesu.

³¹Enek’iy’oondaka, etenyi enek’iy’osusanaka eolidyama; ko iyatu baolodyama la Bolimo bon’olotsi, ko baotenda baoyi bana Yakomba nko la nkaso.

³²Ko bato’aho bik’ike banimedyaki bayaaki l’otema nk’omoko ko la lokanyi nko lomoko; ko efan’oto onilaki’oka iyema imoi iney’at’ende iyali nk’inandamene: baosanganya toma toniyo tohatotu.

³³Ko bikima baosekody’osimo bon’eetwelo ena Nkolo Yesu en’ewedi nko la locili mene; ko boseisei bon’okolo boyaaki eneyal’iyatu.

³⁴Bataata nko le boto’omoko onindaki biinda, lacin’oka bamene basala la betumba baotekya baho, ko baoya la francs ina toma tonatok’iy’otekyaka,

³⁵ko baamby’iho ena bakaka bana bikima; ko iyo baokafa francs iho eneyali boto’l’oto, yoka bosambo’onoki’nd’oelingitanaka.

³⁶Koko Yosefa, onoki bikima ofaka lina lika Balunaba, (nko Bon’ona Ncicimodya), on’ecimo ena Lewi, bise Kupulio,

³⁷ayaaki la lisala, ko aotekya liho, ko aoya la francs ko aamby’iho en’akaka bana bikima.